نفسيتي تعبانه من التفكير في الولاده..

ك

كيوته حدي

عروس جديدة

21-04-2011 | 01:08 AM

السلام عليكم والرحمه..

بنات انه حدي تعبانه :sick:
انه صار لي شهر ونص مارحت المستشفى بسبب الاوضاع الي عندنا..
وانه صار لي فتره يمكن ثلاث شهور جذي وكله تصيدني دوره واطيح
وماقدر اتنفس وكل جسمي يعرق وشوي شوي اصير اوكي
واحين زاد عندي هالشي مااتحمل اتحرك حتى وانه اكل اتعب واتنفس بسرعه
ودقات قلبي سريعه وايد كلش مافيني قوه..
حتى من جم يوم كنت تحت قاعده ويا عمتي ام زوجي واختها وزوجي وانه قاعده
وياهم مره وحده دخت واغمى علي وشربوني ماي وتوتعيت عقب شوي
الا تقولي اخت عمتي انتي بتموتين في الولاده كلش مافيج قوه
ومن اجوفني قالت لي بتموتين..
وانه صج مااقدر اسوي شي ..انه حتى الله يعزكم اذا بروح الحمام عندي خروج ماقدر اضغط
على نفسي وانه اقول هذا خروج وجذي يصيدني تعب مو طبيعي شلون اذا بولد
شلون بقدر ادفع الجنين اكيد بموت..

انه احين بالشهر السابع وقاعده بس واحاتي وخايفه من الولاده عندي احساس اني بموت
:'(

بنات ابي آيات وادعيه تخفف عني في الولاده ابي اقراها من احين ابي ارتاح وايد نفسيتي تعبانه ..:(

T

ToOoma ToOomy

عروس نشيطة

21-04-2011 | 01:21 AM

اختي لازم اتروحين اتراجعين المستشفى... يمكن دمش نازل.... واذا جافوج تعبانه بسون لج عمليه قيصرية

وماعليج شر... وتودين بسلامة انتي والبيبي

&

ღعنوان♥الفرحღ

عروس مبدعة

21-04-2011 | 01:34 AM

الله يقومك بسلامة

حاولي تنسي الولادة لوقتهاا ربك بيسرها ان شاء الله

وروحي لدكتورتك يمكن توصف لك شي يساعدك بالحمل

ياحلوه افتحي القران واقراي من اوله من سورة الفاتحة وامشي بالقراءه وكل يوم كملي

وربي يفرج همك ان شاء الله يارب

ك

كيوته حدي

عروس جديدة

21-04-2011 | 01:38 AM

مشكورين حبيباتي عالرد..

المشكله ان ماعندي احد يوديني المستشفى..

وانشاءالله راح اقرا القران من البدايه..عشان ارتاح..

والله يسهل علي وعليكم الولاده انشاءالله..

م

ماماتي ::

عروس نشيطة

21-04-2011 | 01:43 AM

ما عليج شر ان شاء الله

وتحملي بحالج وتابعي بالمستشفى ضروري

الصبح تقدرين تروحين ولا تخرعين نفسج وتفكرين بسلبيه مو زين لج وللجنين

ويمكن ناقص دمج مثل ما قالت الاخت

لازم لازم تروحين المستشفى وما تسكتين

هبوط يجيش يمكن من الضغط ينزل او السكر او نقص دم

ولازم فحوصات تسوينها عشان تطمنين

وربي يردش لي تمامه وتقر عينش بشوفته وتربينه

لا تدعين على روحج وخلي املج بالله كبير

شوفي فلسطين حالتهم وهم يعيشون ويولودون ويربون عبالهم وايمانهم قوي بالله

والتفكير طبيعي والخوف بس مو بزياده لان نصف العلاج النفسيه ولازم ما تتعبين نفسيتج

D

D!amond

عروس مشرقة

21-04-2011 | 02:05 AM

قلبووهـ آنآ ترى مب حآمل }
بس آعراضج نفسهآ صارت ويآي ..

وقآلوآ لي الضفط نآزل بسبت فقر دم،
كتبولي حبوب حديد ~

لآزم تكشفين قلبوؤ بآي طريقهـ

ترآج حآمل و السآلفة مآتتحمل ,،,

مآتشوفين شر آن شآالله]

.:.

:032:

ث

ثلوج الحب

عروس نشيطة

21-04-2011 | 08:35 AM

حبوبة لازم تروحين المستشفى وان شاء الله ماعليش الا العافية يمكن ما تاكلين عدل

والله يسهل للانسان وقت الولاده لاتحاتين ترى كثر ما تحاتين تتعبين ازيد

ووقت الولاده بتقولين بموت بتعبين ازيد بتخافين تضغظين وهاي يتعبش ازيد

ولن يصيبنا الا ما كتبه الله

ويارب بتجوفين الكتكوت وبتربينه بتقولين له انت دبحتني وانت ببطني يعني لازم تصير هادىء اللحين :)

ا

الوقت ما يمشي !

عروس مبدعة

21-04-2011 | 08:46 AM

الله يسهل عليش

ل

لك الحمد

عروس نشيطة

21-04-2011 | 11:41 AM

الله يسر امورج ويرزقك ولادة سهلة والجميع يااارب

ا

السر الصامت

عروس نشيطة

21-04-2011 | 12:39 PM

خيوتي لازم تروحين المستشفى
انه بداية حملي صادني مثل حالتش يدور راسي ودقات قلبي سريعه وماقدر اتنفس ماكان في اكسجييييييييييييين بالمره
واذا اروح المستشفى يكون ضغطي نازل
فالاعراض الي عندش مثلي تقريبا فيمكن ضغطش نازل او دمش قاصر
فلازم اتجيكين بالمستشفى الضغط والدم
عشان تقدرين تعرفين بعدين شنو لازم تاكلين وتهتمين بصحتش
اذا كان عندش الضغط نازل وانتين قاعدة تحاتين الولادة اكيييد بتتعبين
لاني كنت من اتعب نفسيا يصيدني هبوط
ولازم عمت زوجش مادري من ماتقول اليش بتموتين ومن هالحجي
واذا قالت لش لاتسمعين كلامها وتخوفين روحش زيادة
الله بيسهل عليش
في الشهر التاسع اكلي تمر واتمشي واقرأي سورة مريم ولاتنسين الدعاء واكيد الله مابينساش

ز

زهر الرمال

عروس جديدة

21-04-2011 | 10:02 PM

هذا دمش ناقص أكييييييييد

روحي المستشفى ضروري حتى لو المركز يسوون اليش تحليل دم

ماتشوفين شر

a

aljawhara

عروس رائعة

21-04-2011 | 11:41 PM

ان شاء الله ما فيش الا الخير وتولدين بسلامة وشيلي هالتفكير السلبي
ولازم اتروحين المستشفى اذا اتابعين السلمانية الوضع عادي في الصبح اني اتابع هناك شنو انسوي لازم انتابع حالتنا بعد الا في بطنه امانة
ويمكن الضغظ نازل او السكر يقدرون ايضبظون اليش

ك

كيوته حدي

عروس جديدة

23-04-2011 | 11:11 PM

اهلن بنات..

انه يوم الخميس تعبت وايد وايد ماقدرت اتحرك ولا اتنفس
كنت اخذ الهواء بصعوبه احس كأني مفغوصه
ودتني اخت زوجي المستشفى وقالو لي ضغطي نازل
وحطو لي سيلان وبس..

...................

انه يابنات اخاف من الولاده او وايد افكر في هالشي وادري بتعبني بس
شسوي..انه ابي اولد طبيعي مابي قيصريه لان جفت اختي شلون تعبت
لما سووها عمليه..والمشكله ان انه كله اقول شلون بيطلع ياهل
من هالفتحه الصغيره..وانه عندي تحت وايد وايد ضيق..ولا ادري شلون اوسعه
حق الولاده..بتقولون لي اخلي زوجي يجامعني..انه صار لي متزوجه
5سنوات وحملت مرتين وطرحت وهذا ثالث حمل لي وثبت الحمدلله..
لما اروح المستشفى وتكشف لي الدكتوره تحت تقولي انتي متاكده متزوجه..
اقولها اي ليش..؟ تقول ليش جذي ضيقه..
زوجي عنده سمنه بزياده والعضو حقه صغير وايد..يعني شلون بجامعني قريب الولاده
وانه في كرش وهو مثل الشي وعضوه صغير ..؟؟ صعبه وايد..
هذا متعبني اخاف مايطلع الياهل ويسووني عمليه..

R

ROSE3ROOS

مشرفة سابقة

24-04-2011 | 02:10 AM

حبيبتي اسم الله عليك لابتموتين ولاشي الله يحميك وبتولدين طبيعي ان شاء الله انتي عندك هبوط وبنسبه لروحة الحمام وماتقدرين تظغطين عادي بس وقت الولاده شي ثاني

اكثري من الخظروات وبتعدي عن المكان الحاره والملابس الثقيله او الظيقه لبسي جواريب ظاغطه ورفعي ريولك لو حسيتي بالدوخه وماعليك شر والله يسهل ويسر لك يارب لاتحاتين ياقلبي لاتحاتين

ك

كيوته حدي

عروس جديدة

25-04-2011 | 04:42 PM

الله يسهل علينا الولاده انشاءالله..

ا

السر الصامت

عروس نشيطة

26-04-2011 | 10:08 AM

كيوته حدي;14989481:
اهلن بنات..

انه يوم الخميس تعبت وايد وايد ماقدرت اتحرك ولا اتنفس
كنت اخذ الهواء بصعوبه احس كأني مفغوصه
ودتني اخت زوجي المستشفى وقالو لي ضغطي نازل
وحطو لي سيلان وبس..

...................

انه يابنات اخاف من الولاده او وايد افكر في هالشي وادري بتعبني بس
شسوي..انه ابي اولد طبيعي مابي قيصريه لان جفت اختي شلون تعبت
لما سووها عمليه..والمشكله ان انه كله اقول شلون بيطلع ياهل
من هالفتحه الصغيره..وانه عندي تحت وايد وايد ضيق..ولا ادري شلون اوسعه
حق الولاده..بتقولون لي اخلي زوجي يجامعني..انه صار لي متزوجه
5سنوات وحملت مرتين وطرحت وهذا ثالث حمل لي وثبت الحمدلله..
لما اروح المستشفى وتكشف لي الدكتوره تحت تقولي انتي متاكده متزوجه..
اقولها اي ليش..؟ تقول ليش جذي ضيقه..
زوجي عنده سمنه بزياده والعضو حقه صغير وايد..يعني شلون بجامعني قريب الولاده
وانه في كرش وهو مثل الشي وعضوه صغير ..؟؟ صعبه وايد..
هذا متعبني اخاف مايطلع الياهل ويسووني عمليه..

قلت لش من قبل هذي اعراض نزول الضغط
وتدرين ليش ضغطش نازل ؟؟؟
لأنش قاعدة تفكرين بالولادة ومضايقة بعمرش واااااااجد
حاولي تبعدين هالتفكير عن بالش
لا تفكرين بأي شي يضايقش
لاتنسين ان حالتش النفسية تأثر على الجنين
حاولي تذكرين اشياء حلوة بحياتش هذا كلام الدكتورة حقي
ان شاء الله تولدين طبيعي
ولو ولدتين عملية اهم شي سلامتش انتين والبيبي والالم بيهون:)
اختي ومرت اخوي وبت خالتي وصديقتي كلهم والدين بعملية والحمدلله رب العلمين في البداية تعبوا والحين عايشين حياتهم من احسن مايكون

ع

عشق البتول

عروس مشاركة

26-04-2011 | 10:12 AM

الله يسهل عليج ان شاء الله عليج بقراءة سورة مريم كل يوك وسورة يوسف

وماعليج شر

ح

حورية انسية

عروس نشيطة

26-04-2011 | 08:33 PM

كيوته حدي;14971379:
السلام عليكم والرحمه..

بنات انه حدي تعبانه :sick:
انه صار لي شهر ونص مارحت المستشفى بسبب الاوضاع الي عندنا..
وانه صار لي فتره يمكن ثلاث شهور جذي وكله تصيدني دوره واطيح
وماقدر اتنفس وكل جسمي يعرق وشوي شوي اصير اوكي
واحين زاد عندي هالشي مااتحمل اتحرك حتى وانه اكل اتعب واتنفس بسرعه
ودقات قلبي سريعه وايد كلش مافيني قوه..
حتى من جم يوم كنت تحت قاعده ويا عمتي ام زوجي واختها وزوجي وانه قاعده
وياهم مره وحده دخت واغمى علي وشربوني ماي وتوتعيت عقب شوي
الا تقولي اخت عمتي انتي بتموتين في الولاده كلش مافيج قوه
ومن اجوفني قالت لي بتموتين..
وانه صج مااقدر اسوي شي ..انه حتى الله يعزكم اذا بروح الحمام عندي خروج ماقدر اضغط
على نفسي وانه اقول هذا خروج وجذي يصيدني تعب مو طبيعي شلون اذا بولد
شلون بقدر ادفع الجنين اكيد بموت..

انه احين بالشهر السابع وقاعده بس واحاتي وخايفه من الولاده عندي احساس اني بموت
:'(

بنات ابي آيات وادعيه تخفف عني في الولاده ابي اقراها من احين ابي ارتاح وايد نفسيتي تعبانه ..:(

اذا على الاوضاع خليها على الله وتوكلي عليه

اني ولدت هالشهر والحمد لله رب العالمين الله

يسر الامور ..

وبالنسبة للولادة لاتخافين خلش شجاعة لان

الولادة يبي ليها روح عالية فلا تكونين ضعيفة

وسلبية .اذا ضليتين جدي مابتكونين قوية وقت

الولادة .

لاتحاتين الله يسهل كل شي وترى النفسية ليها

دو كبير ، شجعي نفسش الولادة ساعات وبتمر

وتالي بتعيشين احلى احساس وبتنسين كل شي ،

فكري بس بالجنين ، فكري بسعادة وشلون بتستانسين

لين طلع للدنيا .

ووقت الولادة خلي هدفش ان يطلع الجاهل وبس ...

والله ييسر ليش ن شاء الله

س

سيده نفسي

عروس فضية

26-04-2011 | 09:26 PM

:woo: حبيبتي هذا من المحاتاة والتفكير يتعب الواحد
شوووفي يبي لج تاكلين زييين وتصيرين صحية
بعد ما يصير في بنطنج ياهل يحتاج الاكل وياخذه عنج وانتي تدوخين!

شيلي كل هالوساوس من بالج

والله توج بالسابع المفروض تستانسين وتعيشين اللحظة بلحظتها خصوصا انج طرحتي مرتين :)
ع الاقل فرحي روحج بالحمل ,,

سوي اشياء تلهيج,, برزي اغراض البيبي,, طلعي افتري في السوق مو شرط تتشرين,,
تثقفي في النت عن الحياة الزوجية وهالامور يمكن فيه حل للمشكلة اللي ذكرتيها

خلي التفاؤل دوووم في بالج والله انج بتنسين كل هالمصايب روقي حالج بس وبتشوفين شلوون

وبعدين حبيبتي شفيها لو ولدتي قيصرية,,
دام انتي صغنونة حتى الدكتورة تسألج جانج متزوجة معناها لا قدر الله يمكن تحتاجين عملية

بعدين بقولج اذا ضيق احتمال يشقونج,,

والله يسوون لج عملية قيصرية وتمين ضيقة احسن,, ما تشوفين في المنتديات كل وحدة تبي تضيق روحها
<< :lol: ما عليج استهبل عليج شووي واخفف عنج عشان تاخذين التفكير لمنحنى ثاني وتشوفين ايجابيات القيصرية :rolleyes:

ط

طائر أيلول

عروس نشيطة

26-04-2011 | 09:58 PM

شوفي حبيبتي

عادي ناس واجد مثل حالتش وولدوا طبيعي

اعرف وحده نفسش تقول حتى في الجماع تتعب واجد
بس ولدت طبيعي يعني سبحان الله هو يتوسع بنفسه وبسهالة من الله

وبعدين لا سمح الله ليش تخافين من العملية بالعكس في ناس يقولون العملية اسهل واعرف ناس ولدوا بعملية يقولون كل مره بنولد بعملية تروحين نايمة وتصحين والدة على قولتهم

على طول صلي على النبي من تجيش الوساوس واخزي بليس الله يلعنه

والله يسهل عليش ان شاء الله