بشره صافيه ونضره ومشدوده ....مجررربه

السلام عليكم يا قمورات :o

هاذا اول موضوع لي بالمنتدى ..وان شاء الله مو اخر موضوع

انا قبل فتره طلعت في وجهي حبوب معرف وش سببهاا

رغم انه انا الحمد لله بشرتي صافيه وماعندي حبوب ....بس فجاه بدا يطلعلي حبوب في وجهي وصراحه سببلي ازمه نفسيه:'( لان ماعمري تعودت ان بشرتي تكون فيها حبوب


المهم
جلست ادور في النت عن وصفات كريمات اي شي يفيدني

وصراحه طحت على وصفه ....ما اذكر صراحه فاي موقع (الله يجزا صاحبة الوصفه الف خير ياارب )F:

بس حابه اقولكم يابنات اني كنت استخدم المر لوجهي والحمد له اخذ نتيجه

بس يوم شفت هالوصفه تحمستلهاا وحسيت بصدق صاحبة الوصفه

اليوم كنت عند الوالده واول ما دخلت عليها قالتلي كانك مسويه شي في وجهك مره مشدود واحس كانه ملياان كانك اخذه ابر في وجهك او فيتمينات

وفرحت صراحه:) من كلامها واتحمست اكثر واكثرر

الوصفه اخواتي هي عباره عن :

مر +صبر ........المر تاخذين منه كسره والصبر كسره بس الصبر اكبر من المر شويه وتحطينهم في فنجان قهوه وتصبين مويه وتخليهم لين يذوبون

لون الخليط بيكون بني غامق تقريباا

تغسلين وجهك بصابونتك اللي تستخدميها وتنشفي وجهك وبعدين تاخذي منديل او قطن وتحطيه في الخليط وتمسحي وجهك كله بالخلطه ( حتحسي وجهك كله انشد )

نامي والصبح غسلي وجهك و خل هاذا روتين قبل النوم كل يوم تسويه

والله يبنات وجهي مره تحسن وبدا يرجع مثل اول ....انا لي تقريبا 10 ايام استخدم المر لحاله ويومين خلطته مع الصبر واستخدمته

ورررررربي مره ممتاز .....وكمان اتذكر صاحبة الوصفه قالت استخدمته لرجل بنتها كان فيها حساسيه ورجولها متشققه وبنتها طابت منه والحمد لله

يعني الوصفه كمان تنفع للي عندهم حساسيه :thumbs_up:

بنات كل وحده تجربها وتستفيد منها لا تنساني من دعواتهاا ان ربي يسعدني ويخليلي زوجي ووالديني واولادي ويسترني دنيا واخره F:

اتمنى ما طولت عليكم واللي تجربها ليت تعلمنا بالنتايج;)