الله يفرج همكم بجد قرفااااانه حدي والا ابغى احد يقولي اوف غصب عني والله تجيني الحاله

السلام عليكم ورحمة الله وبركاته
كيفكم بنات ان شاء الله تمام ؟
الله يفرج همكم بجد قرفااااانه حدي والا ابغى احد يقولي اوف والا اي شئ غصب عني والله تجيني الحاله مع الدوره الشهريه ,,,,,,,,,,,,,,,,,,,,,,,,,
طبعا اليوم النفسييييه عندي مرررررره ماتسر مقفله على الاخر والا ابغى احد يكلمني والا يقول لي حتى اوف والا ابغى نفس عند راسي بسبب الدوره الشهريه جاتني وقلبت عليا الدنيا والمشكله ان هذا الوقت كل قريباتي يبغون يكلموني وكل وحده زعلانه وانتي ماتردين على جوالك وبيعيه يكون احسن واللي تقول ليش مطلعه جوال الغيه احسن وقفلوها معايا زياده وكملوا عليهم زميلاتي يتصلون مارديت يدقون على البيت الا الا اكلمهم وانا مالي خُلق حق اي احد واقول لهم انا اذا مارديت يعني طفشانه ما ابغى اكلم احد يعني اتصلوا عليا بعدين برضوا مافي فايده يتصلون وما ارد يقومون يرسلون رساله وعتاااااااااب وكلام مالوا داعي وانتي وطيب واصلا انا الغلطانه اللي اتصلت عليك ومن هاذا الكلام اللي يرفع الضغط , ولما ارد لازم اطول تقعد تقولي شغله ولازم ادور لها حل او مشكله تعرضها لي وتبغاني ادبر لها حل وماتقفل لحد ما تأخذ حل وترجع تتصل وانا دمي يفور خلاص انتِ اخذتي وقتك بزياده يعني خلاص وتزعل وانتي ماتحسين وانا لما اعزك ما اتصلت وطلبتك تساعديني والمشكله اغلب قريباتي اذا ماكان الكل كل وحده تتصل تبغى حل ولازم اطلع لها من راسي وتقعد تقولي انا اثق فيك الله يخليك شوفيلي حل وما اكذب عليكم احن عليها واحاول اساعدها واحيانا اقولها شويه اتصلي وتقعد تعاتبني وتقول انا ذحين ابغى وانتي وانتي وكلااااااام مالوا داعي وانا والله ما اتكلم معاهم الا من محبتي لهم هذولا اهلي وفي عيوني احطهم بس المشكله ايام الدوره الشهريه يلحون علي الا والا ارد على الجوال وانا تكون مقفله معايا ما ابغى اكلم احد وهاتلك كلااااام وبكى في الخط ومنهاره وانا لازم اشوف حل مع انو في اكبر مني كثييير وانا دوبني في بداياتي ياناااس لكن ماااافي
لكن ذبحوني بكلمة احنا نثق فيكِ وانتي عاااقله ( اقسم بالله كرهت الكلمه هاذي صرت اقول مين قال لكم اني عاقله انا مجنونه ) ويضحكون عادي ويكملون الكلام
ودايم كلامهم كذا عاقله انتي وواثقين فيكِ والا ماكان كلمناك وكل وحده تتصل منهم وتقولي كلمي فلانه هي تسمع منك وتقدري تأثري فيها وانتي اسلوبك ينفع احنا مانعرف نتكلم معاها وانا قدني يالله افتح عيوني من التعب حالتي حاله واوعدها ان شاء الله بعدين يصير خير لكن ترجع تتصل بعد كم ساعه ها ايش سويتي ؟ وانا بصرااحه اعصب بس امسك نفسي ياناس انا دوبني كلمتها ايش انا آله والله احيانا اذا مو الاغلب اطنشششش الاتصاال لحد ماتهدأ اعصاااابي
واحيانا اطنش والله ما ارد , وزميلاتي اي مشكله من امها او زوجها اواي احد يتصلون وهاتلك بكى يقطعون قلبي وتقعد تصيح في الجوال وانا ايش اسوي وانا تعبت وتنادي با اسمي وتكفين وانا لو تشوفوني اقسم بالله في حاله مايعلم فيها الا الله احاول اهديها واذكرها بالله واحاول اكون متماسكه عشان اصبرها لحد ماتهدأ وتستعيذ بالله من الشيطان وماتقفل معايا الا واستنزفت كل طاقتي من كثر ما اتكلم معاها وافهمها لحد ماتقتنع واسأل الله الاجر والمثوبه حتى المسنجر ماصرت ادور عليه واتهرب منو لانو لو دخلت نفس الشئ وانا احس نفسي تعبت صراحه ووحده من قريباتي قريب صارت لها مشكله مع ضرتها بسبب زوجها وطبعا اتصال عليا على طول وتكفين كلمي ام زوجي تسمعلك وتحبك حاولي تقنعيه وتسأليها مين الغلطان وهلم جرا , والمشكله مايعذرون وقت الدوره الشهريه واقربها اليوم جاني مشكله من وحده فيهم وبرضوا نفس النغمه كلميها تسمعلك وانا اخلاااااااقي مو مقفله بس الا ماني طااايقه احد والا ابغى اشوف اتصال من احد لو عليا اشيل الجوال وفي اقرب جدار وارتاح رساله واتصال وقرف حطيتوا سايلنت وارتحت
بس يابنات قولولي كيف افهم العالم اللي حوليا انو وقت الدوره ما ابغى اكلم احد كذا تقفل معايا مررررررررررره اكره اشوف اتصال كأئنا من كان والمشكله يزعلون والبعض منهم يجون البيت عندي يعني الا بالقوه اكلمهم وانا دورتي مررره تعب وجسمي احسوا كلو مكسسسر مايروح التعب الا اخر يوم وكمان اخلاقي تقعد مقفله طووول فترة الدوره والله جاتني الام المعده من كثرة سماع المشاكل في الجوال ولاااازم احلها حتى القولون ثاير ومع الدوره يزيد وحاااله فهموني يانااااس بجد ما احب اكلم احد وقت الدوره في الجوال كيف افهمهم والا يزعلوا لانو جوالي صاااامت واحيانا يقفل من كثرة الاتصال والا ادري عنو

استناكم الله يعطيكم العافيه ردوا عليا والله العظيم محتاااااااااجه الله يفرج همكم في الدنيا والاخره