انا الحمد لله شعرى ناعم ومش دهنى بس مشكلته انه بيهيش وجربت كريمات كتييييييير جدا وبرده مفيش فايده يا اما كريم ينشف الشعر ومبيعملش حاجه يا اما بيعمل مفعول مؤقت يعنى عاوز كل شويه احط منه عشان يفضل شعرى نايم لحد ما لقيت الحل اخيرا وبالصدفه
رحت الصيدليه عشان اجيب بخاخ جونسون للتشابك عشان بنتى وجبت معاه البلسم بتاعه بس بيتساب فى الشعر مش بيتغسل
وقلت اجربهم لقيته حلو اوى بجد رهيب وقلل الهيشان عندى كتييييييييير الحمد لله فانا بستعمله وبستعمل معاه كريم جارنييه فركتوز بحس انه حلو وبيطرى مش بينشفلى شعرى زى معظم الكريمات وبستعمل شامبو جارنييه والحمد لله شعرى بقى حلو
ودى صور ليهم
ده الشامبو مقوى للشعر الطويل المتقصف
وده البلسم لفك التشابك من جونسون بحطه الاول
وده الكريم جارنييه فركتوز للشعر الجاف المتضرر بحطه بعد البلسم
