قصةحملي ولادتي والأكشن

السلام عليكم

شخباركم أمهات وكروووشات حلوات

شخبار بيبياتكم

حملي كان في شهر يناير 2010..
وكان موعدي تاريخ 7 شهر سبتمر..

البيبي اللي في بطني كانوا اهلي وأهل زوجي متخرعين عليه واجد لأنه ما عندنه بيبيات صغار لا في بيت زوجي ولا في بيت اهلي..
أصغر بيبي عندنه عمرها 11 سنة..
المهم كان حملي من احلى لحظات حياتي كانت نساتي أو وحامي مأسااااااااااااااااااة كله ترجيع ولايعه جبدي ولا أشتهي آكل شي :sick: وما أقدر أشم أي ريحة نهائيا ولا أقدر آكل شي..لكن مجرد دشيت الشهر الرابع صرت احب شي اسمه أكل ولا اششششششبع نهائيا:012::079:جميييييع انواع الأكل..
لين ما دشيت الشهر الخامس وكنت فرحانه ابي اعرف جنس الجنين صبي لو بنت..
زوجي كان دائما يقول لي مستعجلة ليش؟؟!!:!!:
دشيت الإسبوع 21 ورحنه اني وزوجي وامي وعمتي اخت ابوي للمستشفى التخصصي وسوو لي فحص شااااااااااامل لكل شي في البيبي للئتين وللكليتين وللقلب والدماغ ووقالوا لي انه اللي فيني ولد..زوجي وجه:016:لأنه كان يبي ولد..

الحمد لله على كل حال بنت لو ولد كلها نعمة من عند رب العالمين..
وعقب يومين قلت لزوجي بسرعة ودني سنتر بوينت بشتري أغراض للبيبي..ورحنه وكانت لحظات حللللللوة وشعور جميل وما طلعت والا ما خليت شي والا اشتريته متخرررعة :064:

ومشت الأيام احس نفسي صرت ثقيلة والكرشة طلعت وكنت حدي مستانسه عليها :063: واروح بيت ابوي وتجي اختي الصغيرة وتحط يدها تبي تجوفه يتحرك..هههههههههه

لين ما دشيت السابع وحسيت ببعض الآلام تجي وتروح خصوصا اني كنت واجد اتحرك اركب فوق وانزل تحت وااااااجد
الحمد لله دشيت الشهر الثامن وما ولدت كنت خايفة اولد ولادة مبكرة من الحركة اللي اتحركها ما اريح نفسي:!!:
ولين ما دشيت التاسع وكان توه شهر رمضان وما ابي اولد في شهر رمضان
كان موعدي في العيد..
عمتي ام زوجي داااااائما تقول لي بتولدين في النصف من رمضان واني اقول لها لااااااااااا مستحيل موعدي في العيد أو عقب العيد بعد..وهي مستعجلة على طلعته وتقول لاااا في النصف من رمضان
وكنت آآآآآآآآآآىكل ما لذ وطاب في شهر رمضان
وكان السكر مرتفع بس ما أقدر أمنع نفسي ما أقدر أقاااااااااوم هههههههههه
لين ما جه النصف من رمضان
الا تقول لي حماتي هااااااا لحين ما ولدتين:!!: واقول لها لاااا بعد باقي وقت
الا تقول لي يلا روحي لبسي العباية خله بنروح ويه اليهالوو نقرقع..
اقول لها لااا ما أقدر تعبانه الا تقول يلا يلا قومي عشان تولدين..
طلعت بس شوي ورجعت البيت احس بتعب مو طبيعي..بس قلت في نفسي يمكن من الثقل..
رجعت البيت رحت اتسبح وما نمنه الا الساعة 5 توني حااااااااااااااااطه راسي الا بوجع قووووووي اول مرة احس جذي!!!خفت
وارد احط راسي وارد عقب خمس دقايق احس بألم اقوى وارد اقوم
الا يقول لي زوجي شفيش؟؟ اقول له ما ادري احس بألم بس يمكن مثل كل مرة يجي ويروح..
يقول لي متأكده!!!
اقول له اي متأكده لا تخرعني بروحي خايفه:badly:
وعقب قلت له نام نام ما عليك رجع نام ورديت حطيت راسي الا وجع قوووووووووووووووووووي زلزال..
وصرخت صرخة وقعدت على الأرض واقول لزوجي برووووووووووووووووووح الحمااااااااااااااااااااااااااااااااام (يكرم وجه القارىء)
يقول لي روحي انزين عادي
رحت ورديت رجعت رجع الألم وارد اروووووووووووووح الحمام يمكن ثلاث مرات..
يقول لي زوجي شكلها ولادة واني اقول له لاااا لااااا لااااااا ما ابي اولد الحين ما اشتريت لي ثياب كفاية >>>فاضية
وصك الليت زوجي ورد رجع يبي ينام بس ما قدر..
جت الساعة 8 ولحين الألم
خلاص زوجي ما يبي ينام وقال لي قومي المستشفى واني اقول لا لا مو الحين وهو يقول لي متى بعد

خلاص الولد وصل ههههه وراح لبس وكشخ وقال لي اتصلي لأمش أو اي احد..
قلت له ما ابي اخرعها هي نايمة وبس نادى على اخته وجت ويانه..
والألم وااااااااااااااااااصل حده..
ركبنه السييارة ورحنه المستشفى وزوجي مفرفش
واول ما وصلنه فحصتني الممرضة الا تقول لي 4 سم..:confused:بس كل هالتعب وبس 4..
اقول لها عقب جم أولد تقول عقب 4 إلى خمس ساعات :confused:
وتمييييييييييت اتألم واحاول انه ما أصارخ عشان لا أتعب وفي الأخير ما تصير عندي قوة للولادة لين ما خلااااااااااص وصلت 8 سم واصرخ صرخة بموووووووووووووووووووووووووووت آآآآآآآآآآآآآآآآآآآآآآآآآآآآآآه يا الله يا الله..ساعدني يا ربييييييييي
واخت زوجي تصيح وتهدئني ومرة وحدة وقف الألم شوي ومرة وحدة سمعت صوت ماي البيبي واناديهم تعالوووووووووو بموووووووووت وزاد الألم بشكل أقووووووووووووووى آآآآآآآآآآآآآآآآآآآآآآآآآه وزوجي:study: مستغرب ما يدري انه الولادة ألمها قوي..
وعقب جت الممرضة تفحصني اقول لها كم سااااااااااانتي تقول لي خلاص ولادة ولادة واقول لها لاااااااااا جذابه جذااااااااااااااااااااااابه<<<:057: فاضيه تجذب!!
وبعدين نقلوني فوق وتقول لي الممرضة حبيبتي لا تصارخين الحين بتروحين فوق وفي رجال لا تصارخين أوكى..
أقول لها اوكى اوكى بس ولدوني خلاص بموت
وأخذوني فوق واني مصببببببببره نفسي وما ابي أصارخ لين ما وصلت عند غرفة الولادة واصرخ صرخة من القلب الم قاااااااااااااااتل آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه :badly::confused:
وتقول لي الممرضة بووووووووووووووووووووش بووووووووووووش
وارد بووووووووووووووووووش بوووووووووووووووش

تقول لي غلط غلط سوي بوش مثل إذا بتروحين الحمام..

واسوي بووووووووووووووووووووووووووووش قوي هالمرة
أورد بوووووووووووووووووش وطلع راس حبيبي..
وتقول لي بعد بسرعة بسرعة سوي بوش
بووووووووووووووووووووووووووووووووووش واخيرا ولدت وطلع احلى قمر في حياتي وكانت الفرحة عقب هالتعب ما ينوصف
واسمع صوت حبيبي

وجبت احلى حسون في هالدنيا وبعدين اخذوني مع كتكوتي للغرفة وكنت فرحانه صرت ام وصار عندي بيبي..
عقب هالرحلة الطويلة :adore:

والحين عمر حسووون 8 شهور تقريبا..

توتة خلصت الحدوته

قيموني إذا عجبتكم قصتي