زوجي كرهني في حياتي ، ساعدوني !

السلام عليكم ،
والله يا بنات ما ادري من وين ابدا انا صار لي متزوجة 7 شهور تقريبا وماخذة زوجي عن حب كان معاي في الجامعة وانا متاكدة انه كان يحبني واول 3 شهور من زواجنا كنا مستانسين والحمدلله رغم الشجارات البسيطة بس مرة وحدة انقلب حاله وصار قاسي وما يهتم ولا كأني موجودة بحياته ويغلط علي ويشتم فيني بدون سبب وانا وربي ما سويت له شي وحتى انه ما يلمسني ولا يجامعني واذا البس له واتكشخ له حتى لو قميص نوم يقول لي روحي فصخي ما لي خلق اليوم ومن يعرف ان جاتني الدورة يسوي نفسه يبيني او مشتاق ومن اخلص ولا كأني موجودة ما ادري ليش هالحركة يعني وحتى اذا اسأله عن السبب يقول ما فيني شي وانا احبج مثل قبل وما تغيرت او وقت اروح ابي اتناقش معاه يتهرب يقول انه تعبان او مشغول حتى ما يجلس معاي بالغرفة واذا جلس يشغل نفسه باي شي تلفزيون ، نت ، العاب واذا كلمته يقول لحظة واخلص وحتى بالنوم ما يبيني اتقرب منه يقول يحس بالحر وما يقدر يتنفس وحتى اذا خرج واقول له اذا وصلت طمني ما يتصل ولو اتصلت ما يرد واذا رد وسألته يقول لي نسيت واذا قلت له ابي اشتري شي والا اطلع اغير جو يقول لي مافي مكان اوديج له وانتي كله تتطلبين وتبين تشترين الاشياء الغالية والمشكلة حتى امه دايم تلمح لي اني العب بفلوس ولدها واني ما اخليه يرتاح ولو زعلت يقول لي لعنة ع شكلج او كلمات مثل انتي قليلة ادب وحقيرة وكلبة حتى جدام عيال اخوانه واخوانه لصغار مرة غلط علي وقال لي قومي من جنبي يا البقر .. وانتبه ع حاله وما كملها بس هم فهموا وصارو يضحكون وانا والله انجرح بس ما يكلف ع نفسه يراضيني ولو ابكي طول الليل يسوي نايم ولا كأني موجودة تخيلو امس طالعين نشتري عشى الساعة 7 احد يتعشى بهالوقت قلت له خلينا شوي ما نبي نرجع البيت من الحين قال وين تبين تروحين قلت له مشتهية آيسكريم ما وافق قال لي اذا بتظلين تتطلبين وايد بقول لابوج ان بنتك دايم تبي تطلع وما تبي تقعد في البيت ووصلني للبيت نزلني ومشى وطبعا يدري اني تضايقت لمى رجع جلس ع اللاب توب يلعب لين نص الليل ويرسل مسجات من تلفونه ما ادري لمن وبعدها لمى جى ينام قال لي انا بنام ولا تصحيني ان صحيتيني بقلع شعرج شعرة شعرة
وقتها انا رحت لتلفونه لقيت المسجات ممسوحة ، فتحت لاب توبه ورحت الخصائص وطلعت الملفات المخفية لقيت ملف افلام اباحية والقهر تاريخ اضافته بعد زواجنا باربعة ايام وفي ملف فيه صور لي ومن ضمنهم صورة بنت ولمى صحى سألته من هالبنت يحلف ما يعرفها ولا جبت له طاري الافلام وبعدها راح الشغل ورجع تغدى وما كلمته ولا كلمني ولا كلمة اخذ جهازه وراح الغرفة وسكر ع نفسه الباب وانا ميتة قهر منه ولاني طايقته مو قادرة اتخيل اني بعيش معاه العمر كله :(

شوروا علي ما ادري شسوي ولا ابي اقول لاهلي القهر ان هو اجتماعي والناس تحبه واهلي يحبونه وايد ولو احد طلب منه شي يسوي المستحيل عشانه حتى لو ما يقدر بس انا ما يعاملني عدل الي يشوفه يقول محظوظة الي ماخذته ما يدرون باللي انا فيه

طلبتكم الي تدخل وما تقدر تساعدني تدعي لي