شوفو شعري حالته تبكي (يوجد صورة)

h

horae

عروس نشيطة

17-04-2011 | 12:11 PM

سلام على احلى عرايس
سامحوني راح ادخل في الموضوع على طول لانه حالة شعري تسير من سيء الى اسوا و الله و انا اكتب حاسة بغصة في حلقي ياريت تعطوني حل
و تساعدوني لاني حالتي النفسية تحت الصفر
و صرت عصبية كثير:mad: و من غير سبب اعمل مشكلة
همي جايني من شعري خفيف جدا و يتساقط خاصة اثناء التمشيط او اثناء الحمام و بكثرة من قدام و الله صرت اخجل من زوجي رغم انه يواسيني و يقولي انه عادي و يمكن من الولادة لاني ام لاربع اولاد او الرضاعة او يمكن من حبوب منع الحمل (اخذ سيرازات عشان الحليب )
الله يخليكم ساعدوني عمري لسه 33 سنة موحابة اصير صلعة من هالسن معتمدة عليكم بعد ربي العالمين و دي صورة شعري كيف صار

ودي صورة اوضح:'(

مستنية ردودكم لا تطنشوني حالتي تصعب عالكافر
الله يخليكم

ا

انسانه بسيطه

عروس فضية

17-04-2011 | 03:01 PM

استغفر الله
حبيبتي
لاتحطين بخاطرك
انا والله اتمني اساعدك بكل مافيني
شوفي انا استخدمت كريم ذيل الحصان كان عندي فراغات من الجنب الحين شعري الحمد لله متروسhttp://forums.3roos.com/showthread.php?t=604984
شوفي الموضوع
وبالنسبه للتساقط حيبتي خدي اي فيتامينات خاصه للشعر
طبعاا انا ماقدر انصحك بأي واحد روحي لدكتور ياعمري وعشان الرضاعه
لازم شئ مضمون ان مافي اضرار

واذا في حد عندك من مصر في انبولات اسمهاا الجنسنج
او ممكن تحصلينهاا من اي مكان
يبيع ادوات تجميل
حلوه عشان التساقط

وحاولي تطلعي اي زكاه حتي لو بسيطه بنيه اصلاح شعرك
والحمدلله علي كل حال
والله يصلح لك شعرك يااارب

وحاولي زياره دكتور بأقرب وقت
واسفه علي الاطاله
الله يسعدك
موفقه

I

I am alonely

عروس مشاركة

17-04-2011 | 05:21 PM

حبيبتي ،،

بقولج تجربة صديقتي ،،

شعرها واجد كان يتساقط وصارت ليها فراغات في فروة الشعر من قدام ،،

راحت الصيدليه وقالت ليهم تبي يخف تساقط الشعر ،،

واستخدمت هالسبري على الشعر اسمه regaine الكارتون ماله لونه اخضر ،،

صار ليها تقريبا شهر استخدمته ،، واتقول خف التساقط بشكل كبير ،، حتى لمه تغسل شعرها ،،

حتى احنا لاحظنا انه شعرها بدأ يتحسن ،،

تستخدمينه 6 رشات الصبح ، 6 رشات الليل

اهم شيء مايكون الشعر مبلول ،، يعني لازم اكون الشعر الجاف ،،

س

سفيرة الشرقية

عروس نشيطة

17-04-2011 | 05:43 PM

يقولون الثوم المبشووور تحطينه على فروة شعرك تحكينه حك هو بيحرقك بس زين ينبت الشعر وشفت وحده مجربته كانت كل اسبوع اتوقع مرتين تحك ثوم طبيعي مبسور على فروة راسها لاحد مانبت انتي جربيه وبنفس الوقت استخدمي زيوت خروع وحبة البركه والجرجير وكل زيت مفيد وحطي معهم محلب مطحون يفيد وينب الشعر ويكثفه
وانا انصحك تروحين لاخصائيه جلديه يمكن السبب صحي تاكدي قبل من اي شي..

وماعليك الا العافيه ان شاء الله يرجع شعرك نفس قبل واحسن

ت

تتاوي

عروس ماسية

17-04-2011 | 06:04 PM

مرحبا اختي لاتزعلي و لا تتضايقي
والله انا كمان اعاني من التساقط والشعر الخفيف مرررررة
بس الحمدلله احس شعري اتحسن عن اول بس لسه مستمرة وراح استمر ان شاء الله لما تملي كل الفراغات يارب
استخدمي عصير الجرجير كل يوم افركي بفروة راسك واتركيه مايحتاج تغسليه بينشف واول ماينشف رطبي شعرك شوية بكريم او زيت من بره لبره ومشطي لان الجرجير يجففه
يريدلك استمرار شرط ولازم عشان تسفيدي لازم يوميا تعصري نص حزمة جديدة يعني لاتسعملي عصير امس
خذي نص حزمة وغسليها وحطيها بالخلاط مع شوية ماء واعصري وصفي وخذي عصيره واستخدميه
وكمان استخدمي تونك الاخت منوشة استخدميه مرتين باليوم
وان شاء الله بإذن الله راح تستفيدي اكيد مع الاستمرار والمواضبة يوميا لمدة شهور مش شهر وخلص
لانه اشياء طبيعية ويريدلها استمرار وعن جربة
انا الجرجير صرلي شهرين تقريبا وتونك منوشة لسه ماكملت شهر
بس والله ان التساقط خف بكثير عن اول والفراغات احسها صارت اصغر
بس ان شاء الله ناوية استمر شهور لما اوصل للنتيجة المطلوبة
ولما غسلي شعرك اغسليه بطريقة وحدة كاتبتها بهالمنتدى وهي تحطي شوية شامبو بطاسة الحمام او بقارورة واسكبي عليها ماء ورجيها عشان تتكون رغوة وصبيه على شعرك وافركي ولما تيجي غسليه خلي راسك لتحت عشان تتحرك الدورة الدموية اللي بفروة راسك
ولما تسوي الجرجير او تونك منوشة او اي شي بشعرك سوي مساج خفيف للفروة عشان يستجيب للعلاج
واذا ماء الحنفية حقكم مالح استخدمي ماء شرب ماء صحة لان المالح يضر الشعر ... عالاقل بس بفترة العلاج
وقبل ماتنامي مشطي شعرك بالمقلوب وراسك لتحت عشان الدورة الدموية
واهم شي تاكلي خضروات وفواكه وتكثري من اكل الجرجير يعني كل يوم خذي حزمة جرجير واقسميها نصين نص تاكليه ونص لشعرك
بالنسبة للثوم جربته ومافادني ابدا والدكتور قالي انه يحرق فروة الراس ومش حلو عشان كده ماانصحك فيه
وان شاء الله بإذن الله اذا التزمتي بكل هالنصائح اكيد راح تسفيدي
وادعيلي

ش

شعور ضايع بلياك

عروس مبدعة

17-04-2011 | 11:06 PM

الله يفرج همج حبيبتي

م

مهاا والحلا لهاا

عروس ماسية

17-04-2011 | 11:12 PM

حبيبتي لاااااااااااازم تروحين لدكتور وتسوين فحص شامل للدم والغده ضروووووووووووووووري ضروووري

ثانياً النفسيه ايضاً لها دور كبير في تساقط الشعر حبي شعرج ودايما امدحيه والله جد ^_^

ثالثاً اتركي شاي الاحمر تراه هو السبب

واتركي عنك الشامبوات والله خذيها نصيحه من اخت كانت تعاني والحمدلله
عليج بصابون الغــــــــــــــار طبيعي وامن

او جيبي شامبو طبي من الصيدليه وخليج عليه لاتغيرينه وافضل شامبو ترشوب بالصيدليه
مع زيت ترشوب افضل زيت شفته بحياتي ماشاءالله لاقوة الابالله والله يجزاه كل خير اللي دلتني عليه وحسافه ايامي اللي راحت بالخلطات اللي مامنها اي فايده

تحصلينه الزيت بالعطار او الحواج

وراح تبين معاج النتيجه من اول شهر وقولي مها ماقالتها بأذن الله الكريم وكل شي بحيل الله وقوته
واكلي سمك وفاكهه او اشتري حبوب كبد السمك مامنه مضر اللهم يسمن شوي

وبالتوفييييييييييييييييق حبيبتي ولاتنسين تدعين وتتصدقين لأن كل شي بيده سبحانه

وكل يوم تشوفين شعرج فيه بالمنظره بعد نصيحتي ادعيلي من كل قلبج ^.^

p

pink life

عروس ماسية

17-04-2011 | 11:19 PM

أحسن حل أختي تراجعي طبيبة جلدية

[

مشرفة سابقة

17-04-2011 | 11:21 PM

{ لاحول ولاقوة الا بالله..~
ابتعدي عن الشامبوهات التجارية
وخذي مجموعة عناية بالشعر المتساقط من الصيدلية شي يكون طبي
شوفي الصيدلاني وش يقولك وهو بيفيدك
بس الافضل تزوري اخصائية جلدية
وخليها تشوف شعرك هي راح تساعدك اكيد
واعملي فحوصات شاملة اذا عندك مشكلة يعرفون ش الاسباب
اشربي حبوب زيت كبد الحوت
وفي امبولات تنباع في الصيدلية ضد التساقط بالصبار حلوة جربيها
امممم ادهني شعرك فقط بزيت اللوز او الخروع علشان يكثف الشعر
وابتعدي عن الكريمات التجارية ماتناسب حالتك
وبعد زيت جوز الهند جربيه مع زيت اللوز حلوو كثير

وجيبي ماي مقري عليه وصبيه ع شعرك ان شاء الله يتحسن
واكلي وتغذي زين واشربي فيتامينات

M

M!$$ AngeL

عروس نشيطة

17-04-2011 | 11:41 PM

فديت قلبك لاتتضايقي

اعملي مثل ماقالوا البناااات والنفسية لها دوور كبير في التساقط او استخدمي > الحنة والحلبة المطحونة واعجنية بموية وحطية ساعتين مرتين بالاسبوع

الحنة تقوي الشعر نفسة والحلبة تكثفة ويصير كثيييير عن تجربة

وان شاء الله يرجع شعرك احسن من اول

ل

لذة حب

عروس رائعة

18-04-2011 | 12:07 AM

هلا اختي لاتشيلين هم انا كان شعري اخس من شعرك استخدمت حزمة جرجير و3فصوص ثوم بالخلاط وشوية مويه عشان ينخلط بعد ماينخلط خذي باديه حطي فيها سدروصبي اللي بالخلاط ع السدر واخلطيهم بيدك وحطيهم بشعرك لمدة 3 ساعات بلأسبوع مرتين لاتوقفين عنها لين تشوفين النتيجه بإذن الله واستخدمي زيت كيشور دهني والله هالزيت شوي عليه كلمة روعه وبالتوفيق يااارب
ملاحظه:اليوم اللي حطيت فيه لا تضيعينه مثلاً حطيتي الخلطة السبت تحطينه السبت الجاي لاتضيعين
والله عن تجربه انا اللي جربتها والله ع ماقوله شهيد

.

..★شـــااانيل★..

مشرفة سابقة

18-04-2011 | 12:16 AM

يارب يتحسن شعرك

h

horae

عروس نشيطة

18-04-2011 | 11:37 AM

شكرا ليكم كلكم لانكم اهتميتو بمشكلتي و الله يعلم قديش خففتو هم علي راح اعمل بنصايحكم و ان شاء الله القى نتيجة و في كمان واحدة قريبتي قالتلي انه يمكن من الرضاعة
ان شاء الله يكون هيك
الله يخليكم و يكملكم ماتتمنو و انتو كمان ادعولي و ماتنسوني
وشكرا للي راسلوني عالخاص

*

*غـ وسط عيني ـلاكم*

عروس نشيطة

18-04-2011 | 12:50 PM

تصدقيين بنتي فيها مثل الفراغات اللي فييك بالضبط وهي حييل عصبيه وعمرها 6 سنيين الله يعييني عليها
شغالتي قالت جيبي الصبار وخذي الماده الللي فيه وادهني شعرها كل يووم ممتاز بس لسه ما اشترييت الصباار

ن

نارنج

عروس مبدعة

18-04-2011 | 02:28 PM

أختي لاحظتي ان جلدة الرأس فيها احمرار كثير ..!!!
يمكن فرو ةالرأس ملتهبة ..للأحتياط روحي لطبيبة جلدية خليها تتأكد

شوفي الصورة تلاحظين نقط حمراء كثيرة
أنا الشاشة عندي مومضبوطة مشان كذا زدت الاضاءة ولاحظت النقط الحمراء

ا

انسانه بسيطه

عروس فضية

18-04-2011 | 02:46 PM

كارويان اس
اسألي الصيدلاني عليه هو شامبوو
يمدحونه

والله يحسن شعرك
وعليك بالاستغفار
والصدقه

ت

تتاوي

عروس ماسية

18-04-2011 | 04:44 PM

العفو اختي بس اهم شي تستفيدي
ويارب يحسن شعورنا كلنا ياااااارب يكثرها ويطولها

h

horae

عروس نشيطة

18-04-2011 | 08:31 PM

انا رحت الصيدلية و اعطتني شامبوهات انواع و اشكال و كلهم غاليين ميشان هيك ماعرفت شو الانسب فاخذت معاد عند دكتورة جلدية و اليوم حطيت حنة خلطت معاها بيض و زيت زيتون و عجنتها بماي الحلبة
وراح احط زيت الخروع بس حابة اسال احطها و حدها او اخلطها مع زيت زيتون و زيت الحية لان هادول اللي متوفرين عندي و ربي يجازيكم على وقفتكم معاي

م

مهاا والحلا لهاا

عروس ماسية

18-04-2011 | 08:31 PM

شكرا ليكم كلكم لانكم اهتميتو بمشكلتي و الله يعلم قديش خففتو هم علي راح اعمل بنصايحكم و ان شاء الله القى نتيجة و في كمان واحدة قريبتي قالتلي انه يمكن من الرضاعة
ان شاء الله يكون هيك
الله يخليكم و يكملكم ماتتمنو و انتو كمان ادعولي و ماتنسوني
وشكرا للي راسلوني عالخاص

اللهم آميين ربي يستجيب منج يارب يارب ..
لاشكر على واجب حبيبتي
والله جعل لكل داء دواء ولايهمج
ان شاءالله يارب تشوفين شعرج اجمل مما تتمنين بصحه وعافيه يارب
وانا معاج وكل بنت تتمنى يارب ^.^

F

FINDY

عروس رائعة

19-04-2011 | 12:53 AM

استخدمي زيت الحلبة و ذلكي الفراغات بفصوص ثوم
وخليه أطول مدة ممكنة واستمري عليها