زوج أختي أعترف لي بحبه

البنات ماقصروا بس من حرتي ابا ارد
هذا واحد لعاب
شو هالرمسه البايخه
وقفيه عند حده وهدديه اذا مايوز بتخبرين عنه
يمكن يحترم عمره شوي لوهددته

حسبي الله ونعم الوكيل منجد الرجال مالهم امان انتبهي تتاثري بكلامه سبحان الله شوفتوا كيف انه الحجاب وعدم الاختلاط احسن بالذات بين الاهل الله يعينك ويفرج همك يارب وتتزوجي عن قريب..

ابتعدي عنووووووووة ولايقص عليييييييييييييك

الله يالحب محصل الا اخت زوجتة متاثر بالمسلسلات

ولاتخرجين عندووووووووة حرام عليكي اختك هادي اختك مو اي وحدة

قووووووووووووووولي لاختك خبريها وخبري اهلك كلهم افضحيه احسن من جد حقير وانتي لاتعطينه وجه
وموفقه حبيبتي

ابعدي عنه قد ما تقدرين ووقفيه عن حده وهدديه انه اذا كررها راح تخبري ابوك او اخوك بصراحه مايستاهل اختك حقير
انتبهي تراه زوج اختكواذا عطيتيه وجه راح تخسرين اهلك واختك وهو راح يظحك عليك لان شكله لعاب نفسي اكفخه

اشكركم من كل قلبي والله على نصائح

بس انا ما أطلع وجهي يعني ألبس البرقع , ولا شاف وجهي ولا شيء

و بيت أختي ما أروح له دووم بس بعض الاحيان يوم تحشرني أختي بالاتصالات اسير عشان خاطرها بس

و انا من احب اقعد مع اي حد بروحي بس هو استغل الفرصه يوم سرت للمطبخ تجيب له شيء منه قالي و انا على طول قامت عنه معصبه و هو دووم يحط عينه بعيني دووم ألحاظ هالشيء منه بس اسوي عمري ما نتبهت له


واشغل نفسي بالفون أو ألعب للعيال :(

والمصيبه ان البارحه مطرش على الفون طرشي صورتج ابغي اشوفج وانتي كاشخه للعرس انصدمت من كلامه وطرشت له ممنوع واحترام نفسك احسلك وبعدين طرش رساله انا زعلان منج و ما رديت عليه بشيء


و اختي مستحيل اقول له عشان ما أخرب بيتها ولا حتى أهلي لاني ما بغي يحزنون اذا دروا لانهم يعرفونه زين ويمكن ما راح يصدقون شيء عليه لانه ريل ولا قد سمعوا شيء عنه


واختي تحبه حب جنوني تعرفون شوو جنوني حتى ذيك اليوم يوم يوم اعترف لي وسرت عنه هو الضيق وطلع من البيت وبعدين اختي تمت تتكشخ له وتختار قميص نووم وتقول لي شو رايج اقول في خاطري اااااهااااا ليتج تدرين بس انه ما يستاهل كل هذا

انتبهي منها وابتعدي قد ماتقدرين عنهاا
حتى لو ماتروحين بيتها .. بس اهم شي حياة اختج ..
بس من جد قليل الادب .. مايستحي على وجه بكل قوة عين
انتبهي منه ..
الله يوفقج ياارب

انا منتبه منه و انا ما ريد بيت اختي يخترب بسببي

البنات ماقصر وانتي فيك الخير والبركه
اهم شي الله الله باختك حاولي ماتدري عشان ماتخرب العلاقه بينكن اهم شي بها الدنيا الاخت والاهل لو صار ماصار
ابقولك قصه قديمه لكن فيه حكمه يقولون فيه حرمه اول امسكوها مثل قطاع الطرق او من هالقبيل وكان معها ولدها وزوجها واخوها وقالوا اختاري واحد يروح معك والباقي بناخذهم توقعي وش قالت اكيد بتقولون زوجها ولاولدها لكن هي قالت الولد مولود والزوج موجود لكن الاخو مفقود فاختارت اخوها على زوجها وولدها وهم من حكمتها طلقوهم كلهم وهذا اكبر دليل ان بها الدنيا اهم شي الاهل والاخوان والله يوفقك وويسر دربك ويهدي زوج اختك لاختك ويرزقك الزوج الحنون اللي يخاف ربه

حبيبتي دامه تمادى وارسل على جوالك

هذي بتكون دليل لك تمسكينه عليه

انتِ شوفي احد من اهلك يكون له كلمه ويكون يعرف يوزن الامور ويحلها بعقل

وخبري امك ووريها الرساله وقوليلها على حقيقته

حرام اختك تجلس مع هالشخص

اليوم خانها معك بكرى الله يستر مع من

مثل هالشخص مايستحق اختك ومايستحق انه يتواجدك في عيلتك

انا من وجهة نظري دوري احد يقدر يحل هالمشكله بكل عقل

واذا حسيتي ان اهلك من النوع العصبي علمي امك لانها احن واكيد راح تدور مصلحة اختك

وانتِ ياعمري اذا صادفتيه غطي عيونك لاتخلينه يشوف منك اي شي

وحاولي ماتجلسين في مكان هو يتواجد فيه

واذا طلبت اختك تروحين لها قولي لها انك مشغوله او اي عذر

اهم شي لاتروحين بيتها لانه راح يتواجد واكيد راح تكون له فرصه مثل ماصارت هالمره

حسبي الله عليه

الله يحميك منه ويحفظك

بالتوفيق حبيبتي

لاحول ولاقوة إلا بالله الله يهديه يااااارب ويرجع لعقله ولبيته واسرته

اختي دام انك ماتبغين اهلك يعرفون ولااختك مافي حل غير انك انتِ توقفينه عند حده

وماتعطينه وجه ابدااا ابدااا وطنشيه ولاتردي على رسايله ابداا خليه يرسل ان شاء الله لو الف مسج في اليوم

لاتردي عليه هذا زوج اختك واضح 100% انه لعااااااااااااب ويلعب عليكِ ويضحك على مشاعرك

من جد شي يقهررررررر الله يكون بعون اختك المسكينه عايشه معاها بخداع وكذب يالطيف

مهما ارسلك ومهما كلمك طنشيه وانتبهي لايمسك عليكِ رساله او مكالمه صوتيه وبعدين يهددك فيهم

هذا مو سهل خطير يارب سترك

صح كلام عطر المسك

وانتبهي لاتردين على رسالته

يعني بس الرساله اللي رديتي عليه فيها ولاتردين على غيرها

واذا اتصل لاتردين ابددددددددددددددددددددا

لو يقولك راح يموت لاتردين

واذا زعل يضرب راسه باقرب طوفه عنده

واذا تمادى مافي الا انك تخبرين احد من اهلك

لان هالنوع ماينسكت عنه ابد

الله لا يوفقو........ يااااااااااااااااارب شو اللي صار بهالدنيا دايما اخت لزوجة زي لأخت كانت تغير الحال طبعا مع بعض المرضا نفسيا
حبيبتي شو يعني شو تعملي وقفي عند حدو ولا تجلسي بجلسة اهو فيها وخبري امك او ابوك وسكري عالموضوع نهائيا هاذا خراب بيوت والله حرااااااااااااام هالمسكينة اختك اللي نغشت ف هالزوج
شكلها المسلسلات بلشت تقتحم بيوت لناس استغفرك يارب
ديري بالك منو هاد شيطان بدو يخرب حياتكم ويخسرك اختك واهلك والله لو تخلى الدنيا من لرجال عيب لوحدة تطالع زوج اختها
الله يهديه

اول شي اصححححححححححححححححححححك تسمعيله وسوي نفسك مو منتبهتله ولا تعطيه وجه ابددددددددددددددددد هذا مايخاف الله مهما قلك لا تصدقيه اما عن اختك فادعيلها ان يسخرلها زوجها وحاولي مثلا تعطيها نصايح بدون ماتحس الله يهديلها زوجها لا حول ولا قوة الا بالله

لاحول وقوة الا بالله