راس الجنين فوق

عزيزي
في أطفال يتحركون ويغيرون حركتهم
انا اول حمل لي كان قبل 3 سنوات
بطني كان صغير والموية حول الطفل قليلة وراسه فوق من الشهر الثامن
دخلت التاسع بأسبوع وصار عندي طلق لمن رحت المستشفى وطلع عندي الرحم مفتوح والطفل راسه فوق تقرر لي عملية قيصرية
ولله الحمد سويت العملية والحمدلله انا والطفل بصحة سلامة
تقبلي مروري
واختي العزيزة اذا تقرر لكي عمليه قيصرية ارجوكي لا تقلقي وتوكلي على الله
ما بين غمضة عين وانفتاحتها يغير الله من حال الى حال ... يمكن يقلب بروحه قبل الموعد وتولدي طبيعي

ربي يسهل عليكي ويقومك بالسلامة يارب

الله يسهلك ولادتك ان شاء الله
اختي كانت مثل حالتك رأس ولدها فوق وسبحان الله قبل ولادتها جااها ألم فبطنها وديناها المستشفى قالت الدكتورة انه ماعندها ولادة كل السالفة انه البيبي سبحان الله لف وغير اتجاهه وسار راسه تحت وبعدها بأسبوع ولدت طبيعي............
أماأنا ولدت بعملية قيصرية والحمدلله ماصار شي لاتخافي اللي ربي كاتبه بيسير ولاترهقي نفسك بالتفكير كلها ولادة أهم شي انتي تقومي بالسلامة وطفلك كمااان .

ناس واجد اتصير معاهم هالحلات
يضل راس اللببي فوق وتتقرر لهم بعملية
وناس بمشيئة الله في اخر لحظة ينزل لهم راس البيبي
الله يقومش بالسلامة وان شاء الله ماتحتاجين للعملية

حركة السجود تغير من وضعية البيبي

خلك مثل الساجده فترة وراح تتغير

الله يسهل عليش يارب

عادي اختي البيبي بروحة يجلب

امشي على السلالم


والله يسهل عليج ان شاء الله

الله يسهل عليج يارب ...

لا تخافين ولا تحاتين انااا كنت جيه في حملي بس قبل الولده باسبوع تغير ونزل الراس تحت ...

لني كنت احبي على الركب والاكواع طريقه اعطتني ايه الدكتوره تنزل الراس تحت ...

ولا اطول في السجود يوم كنت اصلي هذا بعد يساعد

الله يسهل عليش و يقومش بالسلامة

الله يعطيكم العافيه
وربي يستجيب من دعائكم

واسال الله ان يكتب لي مافيه خير لي ولا ابنتي

هلا اختي .. لا تحاتين. وما ابي احبطك .. انا ولدت قيصري لأن ولدي راسه فوق وسويت كل شيء حبيت وسجدت ورحت لداية (مراخة) تسوي لي مساج عشان تعدل لي راس البيبي، لكن مافي فايدة، الله كاتب لي اولد قيصري، وفي النهاية ولدت قيصري واكتشفت ان ولدي عنده مشكلة في الرئة ولهذا السبب ما كان ينزل راسه تحت، وحمدت ربي اني ولدته قيصري، وعموماً لا تخافين انا جربت القيصري وجربت الطبيعي في بنتي الاولى، والحين الطب تطور الولادتين نفس الشي.. وكل شي الله يكتبه لج بكون هو الخير والصلاح. . فلا تحزني ابداً وتركي امورك الى الله سبحانه وتعالى فلو اطلعتم على الغيب لفضلتم الواقع.