انا جبتلكم موضوع غريب انهاردة هنتكلم فيه مع بعض
ونفيد بعض فيه
نشر الغسيل
معظم البنات الحلوين لما بتيجى تنشر الغسيل بيبقى منظرة لا يسر عدو ولا حبيب
لكن لازم ناخد بالنا اننا هننتقل لمرحله اخرى والزواج والحماة اللذيذة التى تعقب على كل شئ
فلازم من دلوقتى يا بنات نتمرن على نشر الغسيل بشكل يفتح النفس
لأنه عنوان السيدة إذا كان الغسيل متسخا
فهي سيدة غير مرتبة وسيئة في كل شيء والعكس لو كان نظيف
معظم البنات وهى بتلم الغسيل
بتوقع عدد 6 مشابك و3 قمصان وبنطلونين وخمس شربات فى الشارع ..
ويتم إستدراك الأمر فيما بعد بالنزول إلى الشارع وجمعهم وسط مشاهدة وإنبهار الجيران ، و تقومى بغسلهم مرة أخرى وعلى وجهك نظرة – غير مفهومة – من الإحباط والإشمئزاز والقرف والنرفزة وخليط من بعض الصفات الإنسانية الغير مفهوم سببها ..
ويا سلام لما تيجى البنت وتنشر بنطلون جينز تلاقي البنطلون ممسوك بواسطة خمسة وعشرين مشبك
ويا سلام بقى لو حضرتك انشغلتي أو طنشتي أو رجعتي البيت متأخرة شويتين وسبتى الغسيل فى الغساله
وقررتي تأجلي النشر لبكرة، لتكون بداية النهاية..
ويا سلام بقى على اللى تلاقيها نشرة البنطلون برجل وسايبه رجل
والقميص نشراة بالجنب من زرايرة
والجلاليب من الياقة
والشرابات نشراها من عند الاستك
ويا سلام على الملايات المنشورة فى اول حبل
والا بقى اللى بتنشر الاندر فى اول حبل
معاناة والله
شوفوا يا بنات انا قررت انى اعمل الموضوع دة ونفيد بعض
لازم ان نبدع فى عملنا داخل المنزل يا بنات
ولا ان ناخد خبرتنا من تجارب سابقة ربما تكون غير مكتمله
انا هحاول افيدكم على قدى وفى انتظار الاضافات منكم طبعا
اولا: لازم نختار وقت الغسيل والنشر علشان مش كل وقت يصلح
الافضل تكون الشمس طالعة لان هناك فائدة من الشمس وهى :
التخلص من بقايا الزيوت العالقة ولتصبح الملابس غير خشنه ومكرمشه .. وكما نعلم ان ضوء الشمس له فائدة صحيه ويقتل الكثير من البكتريا والكائنات المجهريه الذى لا يستطيع الماء على قتلها
ثانيا : [COLOR=darkslateblue]لاتعرضي الملابس الغامقة للشمس فترة طويلة وحبذا إن تكون مقلوبة[/COLOR]
ثالثا : ننشر القصير قدام والطويل ورا
فى انتظار مشاركاتكم وافادتكم لينا
وكل واحدة تنصحنا ننشر الغسيل ازاى وانهى طريقة صحيحة لنشر الغسيل
مثلا
التيشرت يتنشر مثل الصورة و لا بالمقلوب من تحت
البنطلونات تنشر من الرجلين و لا مثل الصورة
منتظرة تفاعلكم فى الموضوع و خبراتكم
منـ منـ منـ منـقول
