بسم الله الرحمن الرحيم
والصلاه والسلام على سيد الخلق اجمعين
بنات ... انا هحاول مطولش عليكوا بس انا محتاجه حد يفهمنى
انا متزوجه وعندى بنوته صغنطوطه لسه متمتش سنه جوزى مسافر يشتغل بره
فطبيعى اقعد عند مامتى لغايه ما يبعتلى ان شاء الله
مامتى بأه لسه ساكنه في مكان جديد وهيا بتحب تتعرف على الجيران وكده
المهم عندها جاره اكبر منى بحاجه بسيطه مخطلطه بيها جدا جدا هيا بصراحه طيبه انا مقولتش حاجه بس ماما كل شويه عندها لو جايه من الشغل تعدى تقعد معاها ممكن لغايه 2 بالليل جارتنا كمان جوزها كل شويه بيسافر ويسبها هيا والاولاد لوحدهم انا بحاول اتقبل الوضع لانى بنوتتها الوحيده ولأن جارتنا دى سعات بتكون قاعده لوحدها
بس يعنى مش كل ما تخرج تاخدها معاها كل ما تحصل حاجه عندنا في البيت تجرى تقولها وبصراحه اللى حصل النهارده هو اللى خلانى اكتبلوكو ماما راحه تشوف عروسه لأخويا تخيلوا انها اخدت جارتنا دى معاها وسابتنى انا بنتها الوحيده
انا مدايقه من تصرفات مامتى ومش عارفه اكلم حد غيركوا ولا حتى جوزى
بس علشان اكون صادقه امام الله جارتنا دى طيبه وكمان مامتها متوفيه بس حتى ولو ماما بتعطف عليها أظن مش على حساب بنتها ولا ايه ؟
أفيدووووووووووونى