اللهم صل على محمد و آل محمد
بعد طول انتظار دام 9 اشهر وبحمد الله الله يسر و ولدت بتاريخ 4/4/2001 وجبت بنوته سميتها "فاطمة"
اول شي قصة حملي ان صادني الضغط يوم دخلت الشهر الثامن وعطوني حبوب نضمو ليي الضغط وصار كل شي زين الحمد لله
بس قالو لي ان ولادتي لازم بطلق صناعي عشان سلامتي و سلامة البيبي
وقررت الدكتورة انها تبتدي ويايي كورس الطلق في الاسبوع 38
المهم رقدوني يوم الاحد تاريخ 3/4 على اساس بعض الفحوصات و التحاليل عشان ابتدري كورس الطلق يوم 4/4 الصبح بتحاميل
يوم الا رقدوني في الليل وقبل لا ابتدي على تحاميل الطلق كنت نايمه وفجأة سمعت صوت يسوي طققققق وصحيت من النوم الا متسبحه من الماي
انفتح ليي كيس المااااااي وبسرعه ناديت الممرضه وكشفت عليي الا تقول هدا ماي البيبي ولازم تروحين غرفة الولاده الحين
اقول لها يا بنت الحلال مافيي طلق ولا احس بألم ولا شي قالت لاااااا لازم غرفة الولاده
و ودوني غرفة الولاده و خلوني تحت الملاحظة الى الصبح ولما جت الدكتورة و فحصتني قالت متوسعه 2 سم بس غريبه ما كان فيه الم
وعطتني تحميلة الطلق الساعه 8.30 الصبح ورجعت ليي الساعه 2 الضهر ولا زال مافيه الم
ولان كيس الماي انفتح قررت انها تسرع الولاده فعطتني ابرة الطلق في السيلان عشان اولد خلال ساعات
وعلى الساعه 5.30 بدت اولى الطلقات وعرفت انها الام ولاده وخليت الممرضات يتصلون لزوجي لان عرفت من الالم كلها ساعتين لو ثلاث و بولد وقام يزيد الالم ويجيني كل 3 دقايق تقريبا
حسيت روحي بتطلع وطلبت منهم شي يخفف الالم وياريتني ما طلبت
لان جيكتني وقالت ليي وصلتين 5 سانتي بس بعطيش ابره تخفف الالم وعطتني الابره و بعدها بنص ساعه حسيت اني بسوي بوووش وجيكتني الا وصلت 8 سم وقالت ولاده
وقالت لي سوي بووووش بس ما كان فيي قوة الابره دوختني وتعبت وقت الولاده
بس الحمد لله الساعه 8.15 طلعت احلى فطووووم
صلو على النبي قولو ما شاء الله
وجبت لكم صور الضيافة (القدوع) البسيط لان محد مرني المستشفى قعدت بس يوم واحد
وكانت في ضروف ماخلتني اقدر اسوي توزيعات بس جوكليت و سويت شي بسيط
وهذا بعد ما جوني بيت عمي وضيفتهم نسيت اصوره قبل
وهذي من عند حماتي الله يخليها ويفرج همها يارب
وهذا ستاند الجوكليت في البيت اني مزينتنه
وبسسسسس
ادعو لفطوم بالهداية
وادعو لي اقوم بالسلامه