مرحبا جميعاً ’’ وبعد قصة حمل تصل إلى حدود التسعة أشهر تقريباً
سأقص عليكم قصة ولادتي .. :
طبعاً من نهاية الشهر الثامن شكووا إنه رأس البيبي فوق ما افتر لأسفل
فسوولي تلفزيون .. وطلع مثل ماهم متوقعين
وبعدها سويت تمارين إلى نصف الشهر التاسع ومافي فايدة
النتيجة إنه بطني صغير والبيبي أخذ كل المكان خلاص ماعنده مجال يفتر بالكامل
ولأن الماي حوله صار قليل أيضاً لذلك تحدد لي تاريخ للعملية قبل اسبوع من موعد الولادة
فرحت اجهز كل اغراضي استعداد للموعد المحدد ..
قبل الموعد بلبلة رحنا المغرب عشان اترقد ،، طبعا صحت في البيت أكيد :o خوفاً من العملية ولأن شي جديد أول مرة ولأني بطلع من الشقة وبروح بيت أمي وبتوحشني الشقة
ولأني ما اقدر على فراق حبيب القلب ومو متعودة أنام برى البيت ومو معاه ..
وهو يهديني .. :)
بالمستشفى خلوني اوقف عن الاكل اعتبارا من 10 مساءا "صيام" والعملية كانت بتكون 8:30 صباحاً ..
جاني دكتور لما كنت بغط في النومة وقالي انه دمي نازل وهو 9 .. وخلاني احاتي وافكر
قلت له في خطر بالعملية .. قال إن شاء الله مافي
ما نمت عدل طبعاً كل شوي اوتعي واتقلب ولأن حضرتهم من الساعة 5 شغلوا الليتات :mad:
الساعة 7 جو الممرضات حق يجهزني للعملية وبدأ العد التنازلي ولحظة الخوف تزيد
جو يحطون لي هوز عن البول تكرمون وطبعا كنت خايفة ولما خلصوا كان يألم واااااااااااجد
واتصلت بزوجي وقته وطبعا هو كان توه صاحي بيتحمم وبيجيني
بس اني ما كنت اتكلم بس اصيح خخخخخخ وهو مايدري شسالفة
حاولت انطق وقلت له لا تتأخر علي وإني خايفة :o وبس
طبعا خلاص بيدخلوني الحين وهو ما جه وأدري إنه ما بيلحق يوصل إلا واني دخلوني العمليات
حاولت أمسك نفسي
وجلست ادعي وأقرأ آيات اللي حافظته وحاولت اشيل الخوف من بالي
وأفكر بس إنه باقي شوي وبيجيني ولدي اللي انتظرته وبشوق ولهفة ابيه يطلع وأشوفه
دخلوني العمليات وشفت ناس كثير ما كنت ادري كل هالعدد بيكون موجود
وحسيت الوضع عادي طبيعي مو خايفة واجد
بعدين كان فيه دكتور خاص للبنج حق ابرة الظهر هو اللي يبنج ويكون واقف وراي ورا اسي بس يراقب وضعي
بس اكيد مو كل شي مكشوف قدامه لأنهم يغطون ويخلون بس مكان العملية مفتوح
طبعا هو حطو ستار قريب من وجهي بحيث اني ما اشوفهم بس اسمعهم
وحسيت يبتدون بس مااحس بشي بس حسيت بالتقيؤ وقلت له ابي ارررجع بس لما شال مال الاكسجين من علي
حسيت روحي احسن واوكي
وتميت ادعي وادعي لحد ما حسيت انهم وصلو لمرحلة انه يطلع البيبي لانه الظاهر كانو يسحبونه ومو قاعد يطلع
قام المسؤوول على البنج وضغط على بطني وطلع
وسعمت صوته يصيح
وعلى طول حسيت بشعور ورغبة بالبكاء وتميت اصيح من الفرحة
والطبيب المسؤول عن البنج يطمني انه اكو طلع تسمعين صوته .؟ قلت اي
قلت هو ما في شي زين يعني .. قالي أي مافيه شي
وجابوا اشوفه اطمن وشفته ودموعي اتطيح
وبعدين لما طلع البيبي اظن انه الطبيب طلع وهو جلسوا يكملون باقي الشغل
ودوني غرفة الملاحظة عقب وقالو بخلوني كم ساعة لأن ضغطي نازل وكنت أشعر ببرد مووووت وارجف
وعقب دخلت علي امي وزوجي وأم زوجي
وجلست ابكي
وهم يقولون لي لا اتخافين بتصيرين زينة
وجه زوجي يفكر انه في شي يألمني
اني بس كنت اصيح من الفرحة
قلت له ما يألمني شي مااحس بشي
وجابو لهم البيبي يشوفونه وهم مستانسين فيه واني اصيح بعد
يقولون لي شفتينه
قلت لهم لا ما شفته عدل قربوووه بشوووفه
كان مستاااااااااااااانسين فيه وعقب راحوا لانه ما يصير يطولون داخل
لازم ينتظرون لحد ما يودوني الغرفة
طبعا تميت مدة وعقب تمللت لانه كان في ازعاج عندهم وربشة واني تعبانة ولانه البيبي عندهم واني ابيه صوبي اشبع منه
قلت لهم ودوني الغرفة
جيكو الضغط شافوا زين
وجهزوني حق ينقلوني
ومسكين زوجي كنه حاس انه بينقلوني وجه في الوقت التمام
كان واقف برى يسأل عني لما جو يقولون اسمي قالت الممرضة الحين بنوديها الغرفة
وطلعوني وشفته
وجه الغرفة وجلس شوي معاي :) وخليته يجيب البيبي من عندهم عشان اشوفه واشبع منه
وهذي قصة ولادتي .. بس ما ذكرت لكم تعب بعد العملية وألم وصعوبة الحركة
بس الحمدالله على كل حال
لحظة سماع صوت البيبي تنسينا كل شي
والحمدالله هي كم يوم بعد العملية صحيح صعب ومؤلم ما بعد العملية
لكن بعدها ترجع الحركة طبيعية شوي شوي
وبس
إن شاء الله ما طولت عليكم