هام للبنات المصريات

ازيكوا يا بنات

قلب العصفورة
اهلا بيكى معانا واحنا معاكى علطول واصحابك برضة ولو عزتى اى حاجة احنا كلنا هنا بنساعد بعض

ومفيش حد بيبخل على حد باى معلومة او اجابة على سؤال:up::up::up:

اهم حاجة خليكى معانا وتابعى الموضوع من اولة

ولو فية اى اضافة حاسة انها ممكن تفيد البنات ياريت تكتبيها


ايمى

ازيك يا حبيبتى

الصور اللى انتى نزلتيها هايلة والله شدى حيلك وكملى الباقى

بالنسبة للطقم الصينى

انت عارفة انا رحت سوق التلاث امبارح

وشوفت هناك طقم تحفة 144 قطعة

تعرفى بكام 1400 بس

بس هو مصرى المانى

انا عايزة اعرف

هو المصرى المانى دة كويس

ولا اى كلام

لانى شوفت نفس الطقم هو هو عند تيولييب

ب 3600 بس و97 قطعة هو المانى بس

هو اية الفرق بينهم؟؟؟؟؟؟؟؟؟؟

احتمال انزل النهاردة اشترية

انتى عارفة الحكاية مش حكاية انهى ارخص
بس لية الاقى طقم ب 1400 والشكل اللى عايزاه

ونفس الشكل بالميلى هو هو والله بس ب 3600

والله انا اولى بالفلوس الباقية اروح اجيب بيهم باقى الحاجة(wink) (wink) :yes: :yes: :yes: :yes: :yes:


على فكرة هو لونة ذهبى من الاطراف بخط رفيع شوية وبعدين نقشة او رسمة ورود بيضاء رقيقة اوى وبعدين خط ذهبى تانى

هو فية منة الفضى كمان

اية رايك اجيب الذهبى ولا الفضى ؟؟؟؟؟؟؟؟؟؟؟؟؟

:think: :think: :think: :think: :think: :think:

وانهى اللى اشيك وموضة دلوقتى؟؟؟؟؟؟؟:think: :think: :think: :think:

عودة

ازيك فينك يا بنتى

انتى وحشتينا اوى

:D2:D2:D2:D2:D2:D2


مصراوية

بجد بجد بجد

وحشتينى:shy::shy::shy:


اكيد انتى مشغولة

ربنا معاكى

بس طلى علينا شوية :cool2::cool2::cool2:

وقوليلنا اخر اخبارك اية ؟؟؟


روكا

اخبارك اية؟؟؟؟؟؟؟؟؟؟

طمنينا عليكى

يارب تكون مشاكلك اتحلت



باقى البنات

الموضوع وحش من غير مشاركتكم

يلا

الصيف قرب

واحنا فى العد التنازلى

عايزين نشد شوية
ونخلص حاجتنا قبل


ما نبدا فى الفستان والاستعداد للفرح:smile::smile::smile::smile::smile:


:z_bye: :z_bye: :z_bye: :z_bye: :z_bye: :z_bye:

السلام عليكم يا بنات ..شكرا على الفكرة الممتازه دي ماشاء الله جميله ربنا يباركلو .. انا نفسي اوي اشارك معكم اولا عشان انتم بنات زي العسل (كلكم بلا إستثناء) و ثانيا عشان استفيد من خبرتكم و إن كنت أنا ولا متجوزة ولا مخطوبه بس احيانا بحب اشتري حاجات اشيلها و كمان يمكن حد يستفيد مني رغم اني ولا اعرف في الحاجات دي لان ماما اللي بتجيبلي و انا مش بنزل لوحدي لكن انتم شجعتوني

بالنسبه يا جماعه للي كانت بتسـأل عن كرداسه انا انصحكم لاااااااازم تنزلوا خطيييير في حاجات جميله و على فكره العرب بيجولوا مخصوص..بس حذاري من الخم لاازم تفصلوا بكل ما أوتيتم من قوة وكل ما واحده تجيب حاجه تدعولي ربنا يخليكم.

و في سؤال ( من اولها) بصراحه انا حاولت اعمل حصر من كلامكم اللي كتبتوه عن الاماكن اللي بتبيع قمصان النوم القصيره اللي زي بتاعة البنات الصغيره و البناطيل الباجي و الباديهات و الحاجات دي بس للاسف فشلت و انا محتاجه اوي اعرف لاني قمه الخيابه اللي في الدنيا. و كمان ياريت بنت توصفلي محل ساكسون اللي في المهندسين فين بالضبط . معلش انا رخمة بس احنا بنات بلد واحد نشيل بعض بقى:shy:

اهلا بيكى فتاة مسلمة معانا فى الموضوع:y_hi: :y_hi: :y_hi: :y_hi:

عقبالك يا رب لما تتجوزى وتبتدى فى الهم دة كلة

بالنسبة لسؤالك

الفساتين والبطلونات وقمصان النوم القصيرة (البيبى دول )

هتلاقى فى اماكن كتيرة اوى

يعنى فية فى روكسى

شارع بطرس غالى اى محل لانجيرى هناك اسعارة حلوة وبيكون عندهم كتالوجات تنقى اللى يعجبك

وكمان فية محل فاليزير فى جنينة مول

اما البطلونات بتاعة البيت فى محل اسمة فابيلوس

لية افرع كتيرة احسن واحد فيهم فرع عباس العقاد

فية شوية بيجامات تجنن بس شتوى

وكمان عليهم خصم يعنى فى حدود70 جنية بس بصراحة

يهبلوا ومش هتلاقوا حاجة بالجودة دية وبالسعر دة لانهم كانوا قبل الخصم ب120

وعندهم ترينجات للبيت وبنطلونات لوحدها للبيت برضة اسعارهم حلوة اوى:up::up::up::s2:s2:s2

انا قولت دية فرصة قبل نهاية الشتاء لان الشتاء اللى جاى هتكون الاسعار مولعة

يا جماعة نصيحة منى والله
روحوا شوفوا البيجامات فى فابليوس
:cool2::cool2::cool2::cool2::cool2::cool2:

وبعدين يا فتاة مسلمة فية المعرض بيكون فية لقط كتيرة واسعارها حلوة اوى

ولو عزتى اى حاجة كلنا هنا بنساعد بعض وبنخدم بعض


ايمى حبيبتى
انتى كنتى طلبتى منى اسماء الاتيليهات اللى بتفصل

لولا
فى المهندسين

هانى البحيرى
فى المنيل

Melodies
فى المهندسين

Lillie couture
ارض الجولف

نادية الشيخ
سيتى سنتر

ماى ليدى
السراج مول وطيبة مول

اتيلية مايسة
فى مصر الجديدة

وعلى فكرة ماى ليدى ممكن يفصل الفستان على ذوقك


:cool2::cool2::cool2::cool2::cool2:


مصراوية

بالنسبة لحمام الكريم انا جبتة من سوبر ماركت المحمل فى السراج
ب 12 جنية واسمة Top Mix وعلبتة كبيرة وهو بخلاصة الثوم

وفية انواع كتيرة اوى

واحيانا بيكون فية عروض بيحطوا كل علبتين بسعر مخفض





:yes: :yes: :yes: :yes: :yes:

:gum: :gum: :gum: :gum: :gum: :gum: :gum:

:z_bye: :z_bye:

يا بنات العباية المغربى


اشتريها من فين ؟؟؟؟؟؟؟؟؟؟:think: :think: :think:

وياترى سعرها كام؟؟؟؟؟؟؟؟؟:think: :think: :think:

متشكرة اوي يا هاله جزاكي الله خيرا انك جاوبتيني بسرعه كده و انا هاحاول إن شاء الله أسألك على العبايه المغربي :shy:

ازيك يا لوله عامله ايه
ميرسي يا حبيبتي على ردك عليا
بالنسبه للطقم الصيني ده تقريبا كده على وصفك نفس الصقم اللي انا جبته بالظبط وعلى فكره الالماني اللي نفس عدد القطع يعني 144 قطعه بيعمل حوالي 5500 او 6000 انا شفته في محل في مصر الجديده بس انا جبت المصري الالماني والله تحفه يا هاله بجد اشتريه على ضمانتي هما بيقولوا ان الفرق في درجة نقاء الصيني بس انا اختي جابت منه الدهبي وكل اللي شافوه هجابهم جدا ومادلوش سعره وعايشه معاها وكويس اما انا اخترت الفضي لاني اولا بحبه ثانيا حسيت انه موضه اكتر وفعلا فعلا الطقم ده ممتاز ما تتردديش وفرق السعر فعلا انتي اولا بيه تيجيبي بيه حاجات تانيه

انا متشكره قوي على اسامي الاتيلهات بس يا ترى ما عنديكيش العنواين بتفصيل اكتر لاني كده مش هاعرف اوصل:o:o:o

بالنسبه لماي ليدي انا باحب ازواقه جدا حتي فيه فستانين من المجموعه اللي انا نزلتها من موديلاته ونفسي افصل عنده بس خايفه يزودوا عليا في السعر جامد علشان هما محل مشهور بس ربنا يسهل واروح اسئل عندهم

بالنسبه للعبايات المغربي هسالك ولو عرفت هابلغك على طول


قلب العصفوره نزلي الموقع اعتقد ما فيش مشكله مادام بيفيد العروسه وما فهوش اغاني او حاجات من كده


فتاه مسلمه اهلا بيكي معانا وان شاء الله نقدر نفيدك على طول بس انتي تابعينا باستمرار

مصراويه وعوده وروكا وthe cat
رحتوا فين كلكم كده هنقلق وبعدين نزعل يلا شيدوا حيلكم الايام بتجري مش عايزين نتزنق

معلش يا هاله سؤال هو من ضمن قطع القم فيه 2 شمعدان و2 طفايه سجائر وحاجه تانيه بس انا مش فاكراها علشان انا عندي كده في طقمي واتاكد هو ولا لا وخلي بالك اهم حاجه وانتي بتشتري الصقم انك تخليه يفرزه ويطلعه من الكرتونه وتطمني ان كل حاجه فيه سليمه وبعدين يرصوهولك تاني ويربطه كويس

ايه رايكم يا بنات جبتلكم صور لمكياج ناس من اللي اتكلمنا عليهم زي نانيس ومسيو عبده نشوف مع بعض

1- دي صوره للموديل قبل المكياج

اللي عامله المكياج نانيس
اللي عامل فورمة الشعر صالح سليم والدها
نشوف الصور

ودي بقى علشان خاطر عيون مصراويه اللي قالت انها ما شافتش مكياج لمسيو عبده

صورة الموديل قبل المكياج

ودي صورتها بعد المكياج والفورمه اللي عاملهم مسيو عبده

اما دي بقى لهيام زوجة مسيو عبده

صورة الموديل قبل المكياج

دي بقى صورتها بعد الكياج والفورمه اللي عاملاهم ريهام

ايه رايكم يا بنات مستنيه ردودكم وما تطنشوش والا هازعل لحسن انا قرب يجيلي احباط خصوصا ان موضوع فساتين الافراح اللي شافوه وشارك عدد قليل جدا مع اني باحاول ادورلكم على حاجات جديده حتى لو مش عجباكم قولوا بس عبروني

:clap::clap::clap::clap::clap:


والله والله يا ايمان انتي مش معقولة

ما فيش حاجة بكون نفسي فيها واتمني اشوفها او اعرفها

الا وتعمليها لي وتحققيها

والله والله يا ايمان انتي :up:



المفروض انتي تكوني الماستر بتاع الموضوع

والله بجد كل البنات اللي في الموضوع حاجة وانتي حاجة تانية تماما


ما شاء الله عليكي


والله انا مشغولة
عندنا عزومة ودخلت اشوف طريقة بسبوسة عايا اعملها النهاردة لخطيبي
قلت ابص بصة سريعة ع الموضووع عشان مستعجلة


بس بعد ما شفت مشاركتك

قلت لا لازم اسجل وارد عليكي

عشان اقولك ان مشاركتك دي تحفة قنبلة
والله يا ايمان انتي لققطة

يابخته بيكي عريسك
:smile:

ويا بختنا بيكي عشان ربنا بيحبنا واشتركتي معانا في موضوعناااا
وبتفيدينا بالحاجات الجامدة اوي دي


والله انتي بتخجلينا بكرمك وذوقك
واخلاقك العالية وجدعنتك معاناااااااااااااااا


هرجع اكمل ردي ليكي تاني بالليل بعد العزومة اخر الليل بقاااااا



وهرد عليكي يا هالة لاني اعرف محلات كتير عبايات مغربي

بس وهم دمارررررررررررررررررررررررررر خيال
:eek2:
في شكلها




بس سعرهااااا
ربنا ما يوريكي

اقل حاجة خالص 250 ودي العادية جدا
لحد 1700

بس حلوين جداااااااا


بس برضوااااااا مش زي بتوع الخليج طبعااااااااااااا
:

بس اعتقد كده


انه هو شغله احلي من مراته
الفورمة والمكياج


صح؟؟؟؟؟؟؟؟؟

مكياج نانيس حلو جدا لان الصورة مافيهاش لعب بالكمبيوتر زى صور مسيو عبدة و كمان يا ايمان انا اول مرة اعرف انها بنت صلاح سليم و الله كويس عشان اعمل شعرى عندة كمان فى الفرح و على فكرة انا معايا رقم الموبيل بتاعة هو و مديحة سليم و كمان معايا تليفون هويدا نصار
و كمان واحدة صاحبتنا كان ظهرها مليان بقع مكان الحبوب و كانت شكلها فظيع لكن يوم خطوبتها ما اعرفش عمل اية بالظبط كان ظهرها نقى جدا جدا و مافيش اى اثر لاى شىء فية .
و مكياجها و فورمة شعرها كانوا حلوين اوى .
و كان واخد منها 1000 جنية . ب دى كانت خطوبة ماعرفش بياخد كام فى الزفاف.


بالنسبة للفستان ياريت حد يقولى على المحلات اللى بتأجر فاتين للمرة الاولى و عناوينهم
ميرسى يا بنات
و اى حد عندة استفسار يسألنى
على فكرة الفرح اتأجل لشهر 7 علشان كدة التوتر راح شوية و كدة قدامنا وقت
:up:

السلام عليكم.. شكرا يا إيمان على الصور حلوين اوي اوي بس حاسه ان اجمل صورة هي بتاعة هيام (الاخيره) لانها برزت جمال وش البنت منغير مبالغه في الميك آب