هام للبنات المصريات

حبيبة اهلا فيكي
انا يا قلبي فلسطينينة ...وومتنقلة بين مصر والسعودية
لو حابة نتعرف بكون سعيدة
وياستي اعتبرني اخت الك اي شي بدك اياه قوليلي عليه
انتي مقيمة ولا زايرة
وبعدين انا حاسة انك من الخليج ولا انا غلطانة:eek2:

السلام عليكم ورحمة الله وبركاته

انا اسعد yasema


انا لا مقيمه ولا زايره

انا مصريه مو من الخليج ياعمرىى:o

:smile:

اهلا فيكي يا حبيبة وان شاء الله اتعرف عليكي اكثر
جزاكي الله خيرا

وين الصبايا ...طالت غيبتكن
شو رح انطر بعد تاشوفكن

وحشتونيييييييييييييييييييييييي يا وحشيييييييييييييين

عاملين ايه كلكم وحشتوني قوي

مصراوية وايمان وريهام وعودة

كده ما تسألوش عليا يا وحشين

اليوم اول يوم لي بعد شهر العسل وهاحكيلكوا واقولكم كل حاجة ان شاء الله بس بعد شوية وهاعمل سكان للفستان وابعته لكم

سلام دلوقت

كاتب الرسالة الأصلية : bridetobe
وحشتونيييييييييييييييييييييييي يا وحشيييييييييييييين

عاملين ايه كلكم وحشتوني قوي

مصراوية وايمان وريهام وعودة

كده ما تسألوش عليا يا وحشين

اليوم اول يوم لي بعد شهر العسل وهاحكيلكوا واقولكم كل حاجة ان شاء الله بس بعد شوية وهاعمل سكان للفستان وابعته لكم

سلام دلوقت

ياهلا وسهلا بالعروس الجديدة:smile:
اشتقنالك:smile:كتير يا قمر:smile:الف الف مبرووك
حرام عليكي انا عما اسال عن كل الصبايا وكل شوي قول وينكن وانا ناطرتكن:eek2:هيك بتتركوني وتفلوااا:eek2:

الف مبروك يا حلو ...
خبرينا عن كل شي :eek2:
قبل الفرح
وليلة الفرح شو عملتي وكيف كان شعورك:shy:
وشو عملتي يوم الفرح ...الميك اب ...وشو حكيتي عطر...وكيف طلعتي

وكيف كنتي انتي وجوزك

برايد بدنا كل شي تفصولة تفصولة

برياد ....امووش عم انطركن انا

وحشتينا يابرايد

فينك ده كله
منتظريك انتي وايمان علي احر من الجمر
يارب يكون الفرح وشهر العسل والعريس وكل حاجة كانت حلوة ومظبوطة

ومتشكرين جدا جدااااااااا ليكي انك هتوفي بوعدك وتورينا الفستان:up:

مبروك برايد

مبرووك اموووش

مبروك هالة ..بعتقد عرسك بهاليومين

مبرووك لكل الصبايا ياللي راح يتجوزا بهالايام


مصراوية بدنا نقولك مبرووك

ألف ألف ألف مبرووووووووووووووووك يا برايد
واحنا منتظرين تقلينا عن كل حاجة انشاء الله:shy::shy:

صباح الخير يا بنوتات

وحستوني جداااااااااااااااااااااا

عاملين ايه

مصراوية وعودة الله يبارك فيكم وعقبالكم عن قريب ان شاء الله

شوفوا نبدأ قبل الفرح كنت هلكانة وتعبانة على طول في الفرش وخلافه

قبل الفرح بثلاثة ايام أزلت شعر الجسم علشان ما اتزنقش في الوقت وعلشان ما يكونش جسمي ملتهب قبل الفرح، وأسهل واسرع وسيلة هى سيلك ابيل والسويت

وكل حاجة لها منطقتها طبعا

وبعدين ليلة الحنة عملت تكييس بالعسل والترمس للجسم كله وطول الأسبوع كنت بأعمل ماسك بالبيض والعسل وزيت الزيتون وصنفرة بالعسل والترمس،

يوم الحنة

عملت شعري (كل الحاضرين بنات) ورقصت لما اتهد حيلي

وأحاول انام بعد كده ما جانيش نوم أبدا الا 3 ساعات متفرقة كمان

قمت الصبح مش قادرة أفتح عيني يدوبك اخذت شور وفطرت (لازم فطار كويس) بس أنا الحقيقة فطرت عادي يعني لبن وحاجات بسيطة. وبعدين بقت الساعة 12 لبست ورحت أعمل باديكير ومانيكير والحاجات التانية

رحت فين

عند مجدي وسيد

وبعدين أخذت الماكييرة (من مجدي وسيد - هى اللي عملت لي في الخطوبة) وبعدين رحت على الدار في الغرفة بتاعتي، عملت ميك أب على روزات ولبست واتعطرت، وبعدين الجرب وصل (من فين ؟) من عند محل ورد في نفس الشارع بتاع مجدي وسيد (شارع عمار ابن ياسر)، انا كنت اخترته قبل كده ومظبطة كل حاجة وهم بيوصلوا لأى مكان أعتقد.

بعدين رحت أتصور )(انا خفت من استوديو الدار) فكنت حجزت عند آفو اللي قلت لكم عليه في ابراهيم اللقان (هايل :up:) وبعدين رجعت على الدار وانزفيت زفة طويلة دمياطي (بالقرب يعني يا عودة لو مش عارفاها) ورقصت لما قلت يا بس

كله كان تمام والقاعة كانت ما شاء الله عليها كله حلو وكل الحركات اتعملت حلو زى ما أنا عاوزة

بس اكتشفت ان كان لازم أتفق على الغنوة اللي عاوزاها قبلها بشوية بس برضه حطوالي اللي طلبته (يعني انا كنت عاوزة اغنية فريد الأطرش مش كفاية) وما كانتش جاهزة فحطولي عبد الحليم حافظ (أنا لك على طول) وبعدين أليسا

وبس خلاص

الحمد لله رب العالمين الكل كان بيقوللي اخلع الحجاب وأعمله يوم الفرح بس الحمد لله اني ما عملتش كده والله يا بنات كنت شكلي جميل والكل عجبه الميك أب والطرحة وكل حاجة

وبعدين روحت على البيت و































عيب أقولكم حصل ايه بعد كده



:o



اعذروني لو حكيت بالتفصيل علشان انا حبيت أشرككم معايا في كل حاجة وكان نفسي تحضروا كلكم

الف مبروك لهالة أعتقد ان فرحها في سبتمبر

ومصراوية

الف مبروك مقدما


عودة

يا نفرح بيك عن قريب ان شاء الله


اهلا بكل العرايس الجدد

لو احتجتم أى حاجة أنا في الخدمة

سلام دلوقت

:cool2:برايد مبروووك يا عرروووووووووووووس:cool2:
برايد قلتي انك عملتي تكييس وين عملتيه .؟؟:cool2:
وين فرحك كان يعني باي دار ...وكيف طلعت هالدار حلوة ولا شو :eek2:
وكيف كان النظام بالنسبة للغير مختلط يعني شو عملتوا :eek2:
كيف الدي جي ....والزفة ...ونزلتك للقاعة ..وكيف مصور الدار يعني لشو\ماعجبك:s2
يعني بدنا شرح شوي لانه فرحك مش مختلط طب كان الدي جي صبايا؟
وشو عملتوا عند الرجال؟
ومين ياللي صور الفيديو فرح وفوتوغرافي
برايد ضروري تردي ..وياريت اذا عندك ارقامن تبعتيلي اياهن..

بعدين استوديوا افو كيف اتصورتي ؟ عندن بنات بيصوروا ولا كيف؟؟
وكيف اسعاره؟:shy:
وياريت رقمه ..
وبدنا نشوف الصور ...يا حلوةز
بعدين كيف عملتي يوم الحنة يعني وين عملتيه..
ومين ياللي عملي اياه؟؟جبتي حدن عملك هيصة؟؟

ايي كيف طلع الميك اب ناعم ولا تقيل ولا شو ...:up:
وممين اللي عملته الك؟؟
يعني كيف الموديل للشعر وللميك اب و للطرحة
والفستان كيف طلع؟؟؟بدنا شكله
وناطريين الصور

وبعدين أخذت الماكييرة (من مجدي وسيد - هى اللي عملت لي في الخطوبة) وبعدين رحت على الدار في الغرفة بتاعتي، عملت ميك أب على روزات ولبست واتعطرت، وبعدين الجرب وصل (من فين ؟) من عند محل ورد في نفس الشارع بتاع مجدي وسيد (شارع عمار ابن ياسر)، انا كنت اخترته قبل كده ومظبطة كل حاجة وهم بيوصلوا لأى مكان أعتقد.

بعدين رحت أتصور )(انا خفت من استوديو الدار) فكنت حجزت عند آفو اللي قلت لكم عليه في ابراهيم اللقان (هايل ) وبعدين رجعت على الدار وانزفيت زفة طويلة دمياطي (بالقرب يعني يا عودة لو مش عارفاها) ورقصت لما قلت يا بس

كله كان تمام والقاعة كانت ما شاء الله عليها كله حلو وكل الحركات اتعملت حلو زى ما أنا عاوزة


طيب قليلي شو اسم القاعة وين موجودة وكيف اسعارها ؟؟
وشو هي الحركات اللي اتعملت في القاعة...؟؟؟
وشو قصدك بقصة الاغاني اللي بدك تختاريها ..مافهمت
وانتي رقصتي يعني وسط بنات كان الزفة بنات و الدي جي بنات

بدنا شرح اكتر برايد عن مسالة القاعة؟؟
والتصوير الفيديو؟والفوتو؟؟وبدي العنوان والرقم التلفون.ز
وكيف كانت الصور يعن بدي تشرحيلي كيف طلعت ؟؟وشو الحركات اللي عملتوها؟؟
وبدي اسم القاعة؟
وناطريين الصور ؟؟
اي ومسالة الدي جي ؟والزفة

وتسلمي
طولتي عليكي بس شو اعمل
وتسلمي على دعوتك الي...والله بييجي من الله حلو

عودة :eek2:

كل ده:D2:D2

تحت أمرك يا ستي :D2

شوفي

التكييس عملته في البيت لنفسي بمساعدة أختي لأني اتكسفت أتكشف على واحدة غريبة بصراحة

بتاخدي حمام ساخن الى اقصى درجة تحتمليها علشان تفتحي المسام وبعدين وتدهني جسمك عسل وبعدين تحطي عليه ترمس مطحون وتسبيه لما ينشف خالص تكوني محضرة لوفة مغربي (كيس كده من قماش خشن قوي) وتفركي بها العسل والترمس المطحون.


الفرح كان في دار الاشارة قاعة أندلسية ودي قاعة جديدة صغيرة

الفرح كان مختلط لأن كان على قد العيلتين وبس

الدار فيها كل جحاجة في الباكيج من أول المصور والفيديو بس انت تختاري اللي انت عاوزاه وأنا حسيت ان آفو بروفيشينال أكثر لأن صوره عجبتني

آفو ما عندوش بناتعلى ما أظن والصور كانت 8 كروت كبيرة بـ 250 جنيه

الحنة عملتها في البيت أنا حبيت أعمل كده علشان الجيران والناس اللي ما قدرتش أعزمهم في الفرح يحضروا وجبنا دي جي وبس خلال ووزعنا شربات

أنا كنت هاجيب حننانة بس حاولت أتصل بها ما عرفتش ما كانتش بترد (اسمها سونة وكنت شفت شغلها قبل كده)


أنا شعري طويل الحمد لله فكنت عاملاه كيرلي كله وهو طوله لحد الركبة فكنت عاملة في وسطه زهور بيضاء صغيرة بطول الشعر منثورة كده بتفرق مش كثير لكن باينة كأنها جزء من الشعر

الطرحة كانت بندانا من الأمام مشغولة بنفس شغل الفستان والطرحة التل عليها طويلة وحرفها عليه نفس الشغل ومنثور عليها ألماظ كلها وكانت دورين ، دور قصير لحد الوسط ودور طويل على الأرض 1.5 متر وكانت متركبة بحيث تبان من ظهري انها ملولوة يعني عرضها كبير


الميك أب انا كنت شايفاه تقيل بس في الصور طالع حلو ما شاء الله


والبنت الماكييرة انا بعثت لك رقمها قبل كده اسمها حنان

الحركات منها مثلا أخذوا العريس بره وخلوه يدخل لوحده ماسك في ايده جيتار ولابس ماسك زورو ودخل عليا القاعة كده وأنا مت من الضحك وهو كمان


وهاكمل لك بعدين علشان الشغل

سلام دلوقت

يا حبيبة قلبي مبين عليكي نعومة:smile:
مابتصدقي حسيت وانتي عما تحكي كاني كنت معك بالفرح:smile:
والله انتوا يا بنات كتير بتعزوا عليا بحس انكن اخواتي :smile:
وبحبكن في الله :smile:
لك تسلمولي انتوا:smile:

برايد يا قلبي ان شاء الله بتتهني :smile:و
تعيشي انتي وجوزك بسعادة وفرح طول العمر:smile:

وبعد بدنا نشوف الصور...

ايي قلتي انه جبتي دي جي عالفرح..كانوا بنات ولا رجال :smile:
واذا بنات بدي رقمهن:smile:
واذا مابكلف عليكي اذا عندك تلفون استوديو افو تبتعيلي اياه:smile:
لانه بعد في صديقة فلسطينية رح تعمل عرسها بالقاهرة ومانا عارفة شي يا حرام والبنت محتاجة مساعدة قد مانقدر...
فانا بدي دلهها من هون حتى ما تتزنق بشي ...
وطبعا مافي دليل احسن منكن

البنت اللي عملتلك شعرك كيرلي كانت شاطرة....؟؟وشو اسمها ؟
حتى تندل عليها عاطول...

وبدي تحكليلي عن موضوع الجيرب ..اله تلفون المحل اللي عملك الورد؟؟

بعتذر انا بعرف اسالتي كتيرة بس شو بدكن تعملوا
اخواتي وبدكن تتحملوني:shy:


ايي براااااااايد ماقلتيلنا شو عملتي بالضبط :cool2:لما لبستي الفستان العرس
يعني شو العطر اللي حطيتيه؟؟:cool2:
وحطيتي لوشن عاجسمك قبلها؟؟:up:
يعني التفاصيل

وكملي شغلك وبعدين مستنيين ردك يا عروووس انتي :cool2:

ازيكوا يا بنات عاملين ايه

برايد الف الف مبروك يا قمر وعقبال البيبي بس يا وشه انا سالت عليكي وكمان حاولت اكلمك على الموبايل بس كان بيقلي النمره دي مش في الخدمه طيب اعمل ايه؟؟؟؟؟؟؟

هاله يا حبيبتي ربنا معاكي فاضل على فرحك ايام على فكره يا هاله عايزه اقلك ان فكرة عطر الفراش اللي قالت عليها عوده حلوه قوي وهي انك تحطي ماء ورد على اي عطر انتي عايزاه طبعا من عند الناس اللي بيركبوا عطور اشتريه مركز وتحطيهم في زجاجه زي بتاعت البرفنات في منها بيتباع فاضي وترجيهم كويس قد ما تقدري ولو حسيتي انهم ما امتزجوش كويس معلش مش مشكله المهم قبل كل استعمال رجي الزجاجه كويس وكل ما تعمليها بدري يكون احسن لانها كل ما تقعد بتبقى احسن انا جربتها وكانت ظريفه قوي وجوزي علق عليها وعجبته


اما بالنسبه للتفاصيل فانا عند وعدي يا بنات بس معلش بتاخر غصب عني استحملوني شويه

بصوا يا بنات انا كل خاجه كانت مترتبه لحد قبل الفرح بشهر وبعدين جيه موضوع تعب عمتي وكان في كلام انهم يلغوا الفرح واضطرينا نقف خالص وما نكملش التجهيزات يمكن لحد قبل الفرح بعشرة ايام ما كنتش عارفه في فرح ولا لا المهم فجاه اخدوا القرار ولاقيت نفسي محتاسه ورايا 60 الف حاجه والاسبوع الي قبل الفرح ده اتهديت فيه جامد قوي وطبعا كنت اتاخرت في بروفات الفستان واستلامه

يوم السبت رحت اعمل اخر بروفه وكمان عملت بروفه على الطرحه مع الكوافيره لانها جنب الخياطه ورحت عملت عنها تنظيف بشره وماسك
يوم الاحد رحت الشقه افرش ورحت مشواير اشتري حاجات ناقصه
يوم الاثنين نزلت الوكاله اشتري ماش ناقص لبتاع الستائر وبعدين رحت للخياطه وفضلت عندها لحد ما استلمت الفستان الساعه 12 بليلل
يوم الثلاثاء نزلت درب البرابره اشتريت الشمع وسبتت الورد وطبعا اتاخرت لاني خلتهم عملوهم بالطلب على زوقي وجبت حاجات كانت ناقصه من الموسكي للطرحه ودفتر المدعوين لاني عملته في البيت وبعدين رحت حجزت الجيرب من محل في الزمالك واتفقت معاه يوصله لحد البيت بس عايزه اقلكم حاجه مهمه قوي بالنسبه للجيرب انك للاسف مضطره ترتبطي بالموسم بتاع انواع الورد وانتي بتختاري يعني انا اخترت شكلين كانوا تحفه بس للاسف وردهم مش موجود في الاليام دي علشان كده اخترت واحده بعدهم تكون انواع الورد بتاعته موجوده بس الحمد لله طلع حلو قوي المهم بعد ما رجعت البي كملت توضيب شوية حاجات في الشنطه وبعدين بدات اعمل دفتر المدعويين بالسبت بتاعه

طبعا بعد كل ده كنت اتهديت وصعب عليا نفسي قوي لاني كنت موضبه معظم الحاجات وماشيه كويس في الوقت بس الظروف بقى يلا معلش
طبعا كل يوم كنت باخد حمام واعمل ماسك ترمس وحمام زيت لشعري وماسك لوجهي
ما كنتش بنام كل يوم قبل الفجر

يوم الاربعاء رحت الشقه من بدري اودي باقي هدومي واكمل فرش مشين منها الساعه واحده بالليل

يوم الخميس ده بقى يوم الحنه كان فستان الحنه لسه ما خلصش لاني ماما اللي كانت بتعملهولي لان طبعا الوقت اتزنق بيا

نسيت اقلكم انتي بدات اعمل سويت من يوم الثلاثاء باليل
يوم الخميس بعد ما خلصت سويت خالص نزلت رحت للكوافيره عملت تاني تنظيف بشره وماسك لوشي وباديكير وعملت شعري بسيط للحنه وللاسف ما لحقتش ارسم حنه علشان ما اتاخرش على الناس في البيت وبعدين رحت للخياطه اخد جيبونه الفستان لانها كانت تل وقالتلي احسن حاجه اعملهالك قبل الفرح على طول علشان تبقى نفشتها حلوه بس اخرتني ساعه ونص والطريق كان زحمه وانا مروحه واتاخرت على الناس ورحت لاقيت منهم ناس مشيت وفضل عدد قليل في الحنه وكنت عامله كوكتيل حلو على الكمبيوتر شغلته وعملنا الحنه والحمد لله طلعت كويسه بس ماما اتهدت لانها خلصت الفستان متاخر طبعا وطلع واسع شويه بس الحمد لله على كده طبعا هيصت ورقصت بس مش كتير لاني كنت مهدوده جداااااااا كان بقالي 3 ايام مش بنام خصوصا انه كان عندي زنقة شغل بخلصها كمان

بعد ما روحت راجعت شنطتي بس ما قفلتهاش سبتهم هما بقى عندي في البيت يكوا الحاجه ويحطوها في الشنطه ويقفولها بس اهم حاجه اني اتطمنت على كل حاجه
طبعا ما عرفتش انام الا الساعه 7 الصبح وجالي دوخه وهبوط لاني اكتشفت ان بقالي يومي ما كلتش حاجه مع كل الهده دي
طبعا قبل ما انام اخدت دش كويس وعملت ماسك لاخر مره علشان جسمي يبى مرتاح تاني يوم


يوم الجمعه يوم الفرح قمت الصبح ما قدرتش افطر ونزلت رحت للكوافيره عملت شعري ولفته علشان الحجاب طبعا وعملت مانيكير ورسمت حنه زي ما كان نفسي وانا كنت متفقه معاها تيجي تمكيجني في البيت فروحت بسرعه اخدت دش وطلعت لبست كانت هي جات الساعه 5 لان كان لازم تخلصني بدري وترجع الكوافير لان عندها عرايس تانيه المهم عملت المكياج ولبستني الطرحه وكواف الماظ اجرته من عندها كان شكله حلو قوي وعمل ضي جميل مع الطرحه وخلصت الساعه 6 طبعا كان الجيرب جيه
وقعدت معاهام بقى وشغلنا اغاني الافراح القديمه اللي انتوا عارفينها وبدا اللي معايا في البيت يجهزوا هما كمان وحضرنا حاجتنا سبتت الورد والدفتر والشمع والبدره اللي بتترش على العروسه ومدافع الورق الملون اللي كنت قلتلكم عليها وهي باره عن اسطوانه محطوط فيها الورق ملون ده مضغوط وفي اخرها خيط تشديه بقوه يطلع الورق ده مندفع في السما وينزل شكله بيبقي حلو موت اكيد شفتوها في الحفلات او في التليفزيون

الساعه سبعه ونص بالظبط جيه العريس اخدني وطبعا كان فيه زفة عربيات ورحنا على الدار لاني اتصورت هناك تصورهم كويس وانا خفت احجز بره اتاخر ففضلت اتصور في الدار
وصلت الدار الساعه 8 دخلت على التصوير مباشرة خلصت الساعه 9 وطلعت على الزفه على طول

ده اللي حصل قبل الفرح باسبوع بكره بقى احكلكم الفرح بالتفصيل

انا عملت الفستان عند واحده اسمها مدام حنان في مدينة نصر

اما الكوافيره كانت جنبها برضه ميكب ارتسيت ونازله في مجله مش فاكره هي ويدنج ولا حاجه تانيه اسمها سلوى كمال كانت زمان بتشتغل عند مجدي وسيد ودلوقتي سابته وعملت مكان لوحدها ساعات محمد الصغير بيطلبها تمكيج عرايس بتاعته كمان كانت عامله مكياج لعلا رامي في تمثيليه مش فاكره اسمها بس كان رقيق قوي
بتعمل لكل واحده اللي هي عايزاه يعني في ناس بتحب التقيل وفي ناس بتحب الخفيف
انا مثلا طلبت منها حاجه سيمبل خالص كاني مش حاطه مكياج اصلا فعلا عملتهولي على روزات لاني بيضا وكان تحفه عجب الناس كلها وقالوا ان شكلي كان رقيق قوي وكمان سعرها معقول بالنسبه لباقي اسعار الماكيرات اللي انتوا عارفينهم

لو عايزين تعرفوا حاجه تانيه اسالوا وبكره اكمل معاكم
يلا سلام دلوقتي

ايه رأيكم فيه

Z:\Personal fatma\Pictures\dress.jpg

آسفة يا بنات مش عارفة أحط الفستان كل مرة يقولوا لي الملف الذي تحاول ارفاقه كبير مع انه ما يعديش 165 بايت

اللي عاوزة تشوفه منكم تبعتي لي الايميل بتاعها وانا ابعته لها ان شاء الله

إيمي

وحشتينا يا أجمل عروسة في الدنيا

الله يبارك فيك يا جميلة بالرفاء والبنين ربنا يهنيكم ويسعدكم

انا فعلا الموبايل بتاعي اتكسر قبل الفرح بفترة وما كانش في فرصة اجيب غيره بس دلوقت خلاص غيرته

الف الف مبروك يا جميلة

عودة

الله يبارك فيك يا قمر ربنا يهنيك ويسعدك مع زوج صالح يتقي الله فيك

انا يوم الفرح كنت تايهة يا بنات ومش حاسة بأى حاجة حتى الأغنية اللي رقصنا عليها في البداية ما كنتش سامعة ولا فاهمة معناها

بالنسبة للدي جي انا ما كنتش جايبة بنات بس مش عارفة اذا كان فعلا فيه بنات للأفراح المنفصلة ولا لأ؟

الاستوديو من عيني هاجيب لك نمرته هو متخصص عرايس بس على فكرة

يوم الفرح ما حطيتش لوشن ولا حاجة وكنت حاطة برفان جادور وكنت معطرة السرير وقميص النوم وكل حاجة زى ما سمعت من البنات في عروس

وقبل الفرح بفترة كنت جايبة الشمع وسبت الورد وكل حاجة بس اللي زنقني هو الفرش (دايما بأحب احط كل حاجة بايدي وده تعبني قوي)

فستان الحنة انا كنت محضراه من فترة

والبنت اللي عملت لي الكيرلي عادية خالص وأنا اللي قلت لها تحط الورد ازاى بس هى فعلا تعبت وممكن أى كوافيرة تعمل الكيرلي

الورد من عيني هابعت لك رقمه واسمه الكارد في البيت أعتقد

وعموما هو في شارع عمار ابن ياسر سور نادي الكلية الحربية مصر الجديدة

بعد الفرح أصعب حاجة عليا كانت ازالة المانيكير (الأسيتون كان وحش جدا، خدوا بالكم تجيبوا اسيتون كويس علشان الصلاة مهمة قوي في الليلة دي)

وبس خلاص

:cool2:

نفسي احط الفستان بس مش عارفة زي ما قلت لكم اللي تريد تشوفه تقولي وانا ابعته على الميل

موضوعكوا كتير حلو
انا لسة جديدة معاكم ...
وهاقرا الموضوع من اوله و اتابع معكم
بس حابة ابارك للعرايس ايمان وبرايد كل اللي هايتجوز
الف مبروك
وبارك الله لكما وبارك عليكما ....وجمع بينكم بالخير