هام للبنات المصريات

معلش يا عودة تلاقى البنات مشغولين فى الجهاز بس اكيد هيرجعوا بسرعة
كنت عايزه اعرف منك معلو مات اكتر عن لبنان و عن الاماكن الحلوة فيها لانى لسة مش عارفة اقرر اروحها و لا اروح تركيا ياريت تكلمينى عن لبنان لانى ما اعرفش فيها حاجة لكن تركيا خالتى كانت فيها و انا محتارة جدا:s2:s2

ازيكم يا بنات وحشتوني جدا

ازيك يا عوده ياريت ماتزعليش منا هي بس فتره وهتعدي وهنرجع تاني نكمل موضوعنا

انا بس حبيت اقول للبنات كله ان محل ملابس البيت اللي قالت عليه مصراويه اللي موجود في روكسي جنب بيتزا اللي في شارع بطرس غالي اسمه نيويورك بس محل هايل وتحفه انا رحت جبنت منه شويه حاجات حلوه قوي وهاروح تاني قريب حبيت بس اقلكم المحل :up::up::up::up::up::up::up:

ازيكوا يا بنات
معلش غبت عليكم الفترة دية لانى كنت مشغولة اوى اوى


بس انتوا بجد وحشتونى اوى


مصراية وايمان وامل عادل وعودة وروكا والحب كدة

اهم حاجة انكوا تكونوا كويسين



يا بنات اية اخبار المعرض:cool2::cool2::cool2::cool2:


مفيش حد راح المعرض ولا اية؟؟؟؟؟؟؟؟؟؟؟؟؟

بسم الله الرحمن الرحيم

السلام عليكم ورحمة الله وبركاته

ازيك يا هالة؟ انتي عاملة ايه؟؟ معلش انا عارفة اني مقصرة قوي بس مشغولة و مش ملاحقة!!! البنات شكلهم مشغولين همة كمان

أنا بصراحة مرحتش المعرض بس حطيتلكم الرابط بتاع النجف ده يمكن ينفعكم و كمان بعتلكم على الايميل و يا رب الحاجات دي تفيدكم

سلام مؤقت و حارجع تاني ان شاءالله

ازيكم يا بنات عاملين ايه

مصراويه وهاله وامل وعوده وروكا وكلكم علشان مانساش حد

معلش انا فعلا مشغوله جدا اليومين دول سامحوني

بالنسبه للمعرض انا رحت انهارضه وهو فضله يومين ويخلص يعني هيخلص يوم الجمعه ان شاء الله

بصراحه انا ما عرفتش اجيب حاجه من هناك وكمان مالحقتش الف كل الاماكن من الزحمه اصل انا مش باعرف اتفرج في الزحمه دي كلها بس احتمال اروح تاني علشان كنت عايزه احوال ابص على شويه حاجات تانيه

عموما هو مفيد اكتر بالنسبه للاجهزه الكهربائيه اما الرفايع الفرجه عليها صعبه شويه بس فيه كل حاجه يعني مفارش سرير وسفره ولحفه وبطاطين وملايات ونجف وسجاد وشوية ملابس وشنط وحاجات من دي عند النعارض بتاعت السوريين والصينيين يعني معارض العرايس زي ما بيسموها لو رحت تاني او جبت منه حاجه حقلكم بس اللي عايزه يروح يدوب يلحق

:shy::shy::shy:

وحشتوني والله كتيرررررررر

معلش كنت مشغولة جدا جدا جدا
من يوم الجمعة من يوم ما رحت بورسعيد وانا بنزل كل يوم لحد يوم الثلاثاء
وريحت الاربعاء ونزلت تاني النهاردة


لما اتهدات وطلعت عيني


كنت بشتري هدية عيد الام ل ماما وحماتي

اشترات ل حماتي خاتم دهب ابيض بس اتهدات علي ما لاقاته
بس :up:


ياتري انتم اشتراتم لحماتكم ايه انتم كمان؟؟؟؟؟


ونزلت النهاردة الوكالة
عشان صاحبتي عجبها اوي اوي قميص نوم وروب خيطتهم عند الخياطة بتاعتي اللي قلت لكم عليها

ونزلنا النهاردة اشترانا قماش شيفون لروب بريش
والريش في النمرسي اللي في المهندسين :up: ب 35 جنيه المتر
بس نضيف جدااااااااا

واشترت قماش ستان للقميص اللي تحت الروب

انا كمان هعمل ننفس الموديل

لاني بعشق الروب اللي بريش
هي في االاول صاحبتي ما كانتشي مقتنعة بالفكرة بتاعة روب بريش
بس لما شافته جاهز عجبها جداااااااااا


بس انا هعمله ابيض
وهي هتعمله اسود

بس مش لاقيا لون شيفون ابيض حلو يعجبني

هي اشترت المتر الشيفون ب 15 بس حلو

انماالابيض ما عجبنايش

واشترت كمان متر ونص ستان لونه روز علي سيلفر حلو اوي اوي لونه عشان تعمله قميص

بس


علي فكرة يا هالة انا اشترات من بورسعيد عبايات بيت استقبال سوري
شيك اوي وبسيطة اوي اوي

ورخيصة اوي

ب 70 وب 95 متخيلا

بس رقيقة

وفي احلي منها هناك والله بس الفلوس

رحت زي المجنونة كل ما تعجبني حاجة اشتريها حتي لو عندي منها
لحد ما شطبت وعند المهم الفلوس شطبت

وفساتين البيت هناك تخبل في الرقة والشياكةوالجمال

ولا تقولي لي بقا روكسي ولا جنينة ولا فابيلوس

وب 30 و25 جنيه

بس تجنن في رقتها وطفوليتها

نفس موديلات فساتين الاطفال



وكمان يا ايمان الباديهات هناك والبلوزات القصيرة احلي وارخص من اللي هنا في مصر
واشيك بكتيررررررررررررررررررررر


بس ميزة محل نيويورك ده انك ممكن تشتري كل مرة حاجة او حاجتين

انما بورسعيد لازم تشتري كمية مع بعضها

واشترات بنطلون كتان ابيض ب 30 جنيه هنا في فابيلوس وسط البلد ب 120


وكمان بنطلون برمودا قمة في الرقة جباردين بيج ب 10 جنيه

في فابيلوس برضوا ب 85 جنيه

بس المشكلة انك لازم يكون معاكي مبلغ لانك الفلوس بتتفرتك هواااااااااااااااا





انا كل مرة اخد معايا 1000 او اكتر في بعض المرات وارجع بحاجات
ولساااااااااااا عيني علي حاجات هنا ك اكترررر بكتيررررررررررررر


بس ان شاءا لله لازم اروح قريب تاني عشان اشتري العبايات الصيفي الاستقبال لانها رخيصةو ورقيقة وشيك


وكمان عبايات للبيت عيني هتطلع عليها ب 45 جنيه بس

فعلا يعني الواحد لما يجي يشتري هيوفر كتيررررررررررر
عن ما يشتريهم من هناااااااا من القاهرة



علي فكرة بالنسبة للبنات اللي ارسلوا لي رسايل ع الخاص عشان خاطر الموقع بتاع الحياة الزوجية


ما تزعلوش مني لاني مش برسله لاي حد

لاني بصراحة انا اخاف ارسله ليكم واشيل ذنبكم
وسالت وعررفت ان انا اللي هشيل ذنب اي واحدة تدخله او تقراه وتقرا االلي مكتوب فيه


ياريت يا ريت ما تزعلوش مني



فوانيس

انتي فين انتي وحشاني جدا وبقا لي كتير من زمان ما شفتكيش خالص ع الماسنجر ولا بشوف لك رد في الموضوع

ياريت نتقابل قريب عشان وحشاني جدا جدا



امل عادل

علي فكرة اننتي عسل وسكر دي شوية عليكي
زي السكر والله يا امل

وعلي فكرة صوتك حلو اوي اوي في التليفون:D2
والله بجد

وياريت نتقابل قريب عشان وحشاني



فينك يا عودة وروكااااااااا وكات وبقية البنات وكمان هالة
ياتري يا هالة حجزتي للفرح والالساااااااااااااا


علي فكرة صاحبتي هتتجوز بعد 3 شهور وعرفت منها ان امينة شلباية:down:
اللي هي كانت ملكة جمال مصر
اللي في برنامج ستوديو الفن

عندها محل وبتأجر فيه فساتين االازياء
و ان التاجير بيبدا من 1300 فيما فوق

وده اقل حاجة




اي استفسار عيوني ليكم




وكنت عايزا اسالكم واطلب منكم خدمة خاصة


ياريت يعني


لو تعرفوا قصة شعر انغام الجديدة اللي هي في اخر حفلة ليها في ليالي التليفزيون اللي هي حلوة اوي فيها دي وقصيرة


ياريت لو تعرفوا واحدة تكون بتتتقص الشعر وتعرف تقصها
بس تكون مضمونة ومجربة وتكون ست


عشان اخت خطيبي عايزا تقصهاااااااااا
واخت خطيبي دي زي العسل وزي النسمة وانا بصراحة نفسي افيدها

وقلت لها هسال لك اصحابي ع النت


ياري تما تكسفونيش

وتقوولوا لي لو تعرفواااااااااااا وااحدة تكون مضمونة وبتعرف تقصها
بس تكون مجربة وعن ثقة


احسن تبوزوااااااااااااا لي الجوازة:D2:D2

فوانيس

انتي فين انتي وحشاني جدا وبقا لي كتير من زمان ما شفتكيش خالص ع الماسنجر ولا بشوف لك رد في الموضوع

ياريت نتقابل قريب عشان وحشاني جدا جدا

و أنتي وحشاني أكتر يا مصراوية

و مصر وحشتني كلها:o:confused:


و أنا موجودة يا حبيبتي

بس أنتي اللي في بور سعيد بتعملي :D2shopping


وحشتيني موووت:cool2:

و ضروري عايزه أكلمك على الماسنجر:up:

مع السلامة يا حبيبتي

انا مش حأفيدكم في اي حاااااجة :D2

بس انا جاية هنا عشاااان اعبر لكم عن حبي للمصريااااات 00
ما تسألونيش لييييه ؟؟؟!!!
بس اللي اقدر اقوله انه فيه مصرياااات مخلصات للصداقة بشكل لا يعقل 00 ولذا من اجل عين تكرم الف عين و لأجل (( ام محمد )) حبيبة قلبية
أموووووووه لكل المصرياااات

مصراويه انا جيت اسلم عليكي هنا كمان واسال على كل البنات

بجد بجد كل ما تتكلمي على بور سعيد تشوقيني ليها اكتر بس يا رب الاقي وقت

بالنسبه للموقع ليه تشيلي زنب ما دام بيقول حاجات مفيده وصحيحه ومش غلط دي حاجه تفيد كل المقبلات على الزواج المفروض ومش تضرهم فكدا انتي بتفيدي مش بتضري

هاكلمك قريب ان شاء الله لانك وحشتيني جدا


صباح انتي نورتي والف سلام وتحيه ليكي

بسم الله الرحمن الرحيم

السلام عليكم ورحمة الله وبركاته

أولا، نشكر الأخت صباح على مرورها و على كلامها الحلو و أحب أقول لها بالنيابة عن هالة و كل البنات إننا بنرحب بأي أخت تحب تشاركنا بأي شيء حتى بتواجدها بس معانا.

ثانيا، وحشتوني جدا جدا كلكم من غير ذكر أسماء عشان مانساش حد، بس حقيقي اشتقت لكم.

ثالثا، :o:o:o كسفتيني يا مصراوية!!! بقى أنا صوتي حلو؟؟!! طب أغنيلك؟؟؟:cool2::cool2:

و الله دانتي اللي كلك ذوق و وحشتيني و وحشتني شقاوتك، انتي اختفيتي وسط المحلات و مش لاقيينك!!! و بعدين خلي بالك يا هانم إنك ملزومة تاخديني كل الأماكن اللي رحتيها و تساعديني في الشراء لما ربنا يكرمني (ادعيلي يكون قريب أحسن أنا زهقت!!!):shy:

أنا عارفة يا بنات إني مقصرة معاكم و مش بادخل مواضيعكم كتير بس ملخومة في الشغل و المذاكرة و حالتي حال!

أشوفكم قريب ان شاءالله

سلام

ازيكم يا بنات

فينكم

وحشتوني

اغيب شويه ارجع الاقيكم اختفيتم كده


يا ترى مشغولين ولا اتجوزتوا من ورايا علشان ما تعزمونيش

::s2:s2:s2:s2

على العموم يا ريت نرجع نتكلم مع بعض تاني باهتمام

ممكن اسالكم سؤال

حد يعرف محلات في مصر بتبيع ادوات المكياج الماركات العالميه وكمان الادوات اللي بتستخدم زي الفرش والقطن والاسفنج والحاجات دي بس نوعيات كويسه زي اللي بتستعملها خبيرات المكياج ياريت اللي تعرف تقلي

مستنيه ردكم

بسم الله الرحمن الرحيم

السلام عليكم ورحمة الله وبركاته

ازيكو كلكم يا بنات؟ عاملين ايه؟

ازيك يا ايمي؟ أخبارك ايه؟ على فكرة انتي زي العسل و أنا متشكرة قوي على اتصالك الجميل. طلبك عندي يا ستي. بالنسبة للمحلات اللي بتبيع مكياج ماركات عالمية حتلاقي أولا عندك محلات في ملحق هلتون رمسيس بس متسألنيش في الدور الكام عشان انا دايما باطلخبط في الأدوار هناك!! :o في كمان محل كبير قوي في أركاديا في الدور الأول أو التالت برضه مش فاكرة!!! و في محل مرجانة في الزمالك قدام اليمامة سنتر و في منه فرع في ملحق هلتون برضه. و في إم إم في أول الزمالك بس متهيألي انه حرامي في الأسعار. دي المحلات اللي أعرفها و أعتقد انها كافية قوي لأن فيها كل حاجة تحتاجيها و كلها ماركات.

على فكرة يا بنات roca فرحها التلات الجاي ان شاءالله عشان كده مشغولة و مش بتعرف ترد علينا و انتم طبعا عارفين مصراوية تلاقوها دلوقت دايخة كعب داير بتكمل الجهاز. ربنا يوفقها و يوفق كل البنات الأمورات اللي فرحهم قريب و يسعدكم كلكم يا رب

سلام مؤقت

اموله يا سكره انتي اللي زي العسل

ودايما كده جاهزه بالردود ربنا ما يحرمنا منك يا رب

ويا ترى عملتي ايه في امتحانك ان شاء الله كويس

والف مبروك لروكا وربنا معاهاوعقبالك يا قمر


وا يا ريت بقيت البنات يفضولنا شويه نعرف حتى اخبارهم ايه انا صحيح مشغوله موت بس باسال عليكم برضه

السلام عليكم ورحمة الله وبركاته

ازيك يا إيمي؟ ميرسي على ردك اللي زي العسل و يا ستي احنا في الخدمة و ربنا يقدرني اساعدكم دايما.

بالنسبة الامتحان كان وحش خالص يا إيمي و عكيت قوي خاصة في الجزء الخاص بالبيزنس لأنه كان صعب و ملعبك و أنا مش بأفهمه بالعربي فمابالك بالانجليزي! لكن الحمد لله مش زعلانة لإني عملت اللي عليا و مقصرتش و الامتحان كان صعب على الكل، مع العلم إني أشطر واحدة في الكلاس يعني لازم الراجل يكرمنا في التصحيح. ياللا المهم الامتحان النهائي ان شاءالله.

حأكلمك قريب ان شاء الله عشان أطمن عليكي عملتي ايه في الشغل اللي متكوم عندك

و يا ريت تبقي تعرفيلي معاكي موضوع الصابون المغربي ده عشان عاوزة أجيب منه و لو رحتي تجيبيه يا ريت تقوليلي قبلها يمكن آجي معاكي

سلام دلوقت

إزيكم يا جماعة

أنا لسة جديدة وبقالي يومين ثلاثة دايخة على حاجة في المنتدى لمصر أخيرا لقيتكم. كان نفسي ابدأ من الأول بس للأسف تأخرت شوية.

أنا دايخة لأني فرحي في الصيف ان شاء الله وناوية ألبس الحجاب ان شاء الله في الفرح ومش عارفة ألبس الطرحة ازاى ولا مين ممكن يعملها الي كويس :confused: حد عنده فكرة ممكن تساعدوني؟

بالنسبة للمشتروات متهيألي أحسن حاجة ان الواحد يعمل ورقة كبيرة يكتب فيها كل حاجة بأسماء الحجرات يعني النوم هاحتاج فيها ايه، الصالون محتاج مفروشات ايه كده يعني وطبعا ده يفيد أكثر في المطبخ بالذات:pain: كل ما اشعر اني خلصت حاجة تطلع لي ألف حاجة، ممكن تساعدوني في موضوع الطرحة يا بنوتات؟ ممكن:shy:

:clap::clap: بسم الله الرحمن الرحيم
الرجاء يا اخواتي متنسوش العروسه المحجبه واخر الموديلات في الفساتين والقاعات وكل الحاجات دي
:clap:

موله ازيك يا قمر معلش امتحان ويعدي والجاي احسن ان شاء الله وربنا يوفقك دايما وفعلا يا ريت اسمع صوتك قريب لانك وحشتيني جدا

مش ملاحظه ان عوده وهاله اختفوا بقالهم فتره للدرجة دي مشغولين

اما الشغل بتاعي مدوخني انهارضه رحت المكتب اعدل معاهم شوية حاجات رجعت الساعه 10.30 تخيلي اتهديت بس معلش


bridetobe انتي نورتينا واهلا بيكي معانا ويا ريت تحاولي تقري الموضوع من الاول هتلاقي فيه حاجات كتير قوي تفيدك وخصوصا في جهازك الشخصي وعلى فكره انا كمان فرحي في الصيف وهالبس الحجاب ان شاء الله وبادور على شكل حلو للطرحه واول ما الاقي حاجه هاقلك على طول

ضي النهار اهلا بيكي منوره معانا بالنسبه للقاعات هتلاقي موضوع انا نزلته قبل كده والرابط بتاعه نازل في موضوعنا ده كمان بخصوص القاعات الحلوه هنا في مصر واسعارها ان شاء الله يفيدك
بالنسبه للفستان هتلاقي الركن ملاين فساتين افراح ممكن تختاري الموديل اللي يعجبك وتفصليه بكم وكمان فيهم فساتين بكم واحنا قلنا هنا في الموضوع شوية اماكن من اللي بتفصل اما بالنسبه للطرحه للعروسه المحجبه فزي ما قلت اول ما اوصل لحاجه هقلكم بس على العموم انا بنت خالتي عملت كواف تحفه لبسته في الفرح عند واحده اسمها الفت في مصر الجديده جنب ميراكو الل في شارع الحجاز بس هي اسعارها غاليه

امل بالنسبه للصابون انا فعلا باسال عليه واول ما اوصل لحاجه هاقلكم على نطول وان شاء الله ننزل مع بعض نجيبه

أهلا بيك يا إيمي شكرا على ردك عليا انتم اللي منورين والله من أول الموضوع:smile:

وألف مبروك على فرحك، ربنا يتمم لك على خير ان شاء الله.:up:

أنا فعلا بصيت على شوية حاجات من اللي اتقالت قبل كده، وعاوزة أقولكم على محل ما حدش قال عليه حاجة، حلو خالص لقمصان النوم اكتشفته بالصدفة.

في شارع قصر النيل جنب دالي دريس في محل اسمه عدس، عنده شوية حاجات تحفة :cool2: أنا اشتريت منه لانجيري الفرح، كلها حاجات مصري والله زي المستورد أو أحلى وأذواقه تخبل. (يعني لو انتم مقاطعين المستورد زي) وبتدوروا على حاجة حلوة.

لو احتجتم وصف للمكان قولوا لي

فيه كمان محلات للمنتجات السورية في جسر السويس ومعي أرقام تليفونات سوريين بيشتركوا في المعارض لو احتجتم حاجة وهم كمان في منهم بيجيبو لانجيرهات سوري ولبناني.:up:

وأعرف كمان ناس بتبيع المفروشات السرما السوري والهندي وعندي تليفونها لو حبيتم.:up:

:shy::shy::shy:


وحشتوني كتيررررررررر

معلش مشغولة والله

وطلعان عيني في شغل البيت

بس الموضوع ليه مش ما فيهوش تجديد
والمشاركات قلت اوي كده

وما فيش غيير امل وايمان
وعضوتنا الجديدةbridetobe

منورانا ياستي


ويا ريت لو تقولي لنا عن السوريين والمحل اللي بتقول لينا عليه



وفين هالة وعودة



وفوانيس

فينكم

الموضوع مظلم اوي من غيركم