بدي اشكيلكم ......لانكم اخواتي

بسم الله الرحمن الرحيم
في البدايه احلى سلام والحى تحية لاروع عرايس في الكون
والله اني احبكم في الله على قد حبي للموقع الي صار جزء كبير من يومي وبستفيد منو كتير
حابه في البدايه احكي عن وضعي شوي واشكيلكو شوي

أنا فلسطينية وعشاني فلسطينية هي مشكلتي
أنا مواليد السعوديه عشت فيها لعمر 13 سنة وبعدين رجعنا فلسطين ومن هون بتبدا قصتي طبعا فقدنا الاقامه الي بالسعوديه.
ابن عمي الي هو هلا زوجي كمان من مواليد السعوديه والهم زمان بالسعوديه بس هم مارجعو فلسطين دلو هون.
هلا بتبدأ قصتي بعد ماتخرجت من التوجيهي الي هو ثالث ثانوي خطبوني دار عمي من اهلي وانا بفلسطين وقرينا الفاتحه وطبعا اهلي اشترطو مايصير كتب كتاب الا لما اشوفو واخلص تعليمي وضلينا خاطبين لمدة 4 سنين وانا مخطوبه الو وبعد ماتخرجت صار لازم اشوفو ونكتب الكتاب لكن للاسف هم مابيقدرو يدخلوا فلسطين لانكم اكيد بتعرفو الانتفاضه وفوق هيك مامعهم هوية فلسطينية فشو الحل؟؟؟؟
قلنا بنطلع احنا نعمل عمره ونكتب كتابنا بالسعوديه بدنا حل
والله اطلعنا كتبنا كتابنا وطبعا مارضيو بالمحكمة بالسعوديه لاني جايه على فيزة عمره المهم كتبنا عند شيخ وبعدين اعملنا اشهار وقعدنا كم يوم ورجعنا على فلسطين وهناك وثقنا كتب الكتاب بالمحكمه الشرعيه وطبعا قصة طويله عشان العريس مو موجود بس المهم الحمد الله انحلت.
لهون القصه ماشي حلوه لكــــن!!!!!!!!
قصتي بدأت هون زوجي بدو يعملي استقدام عشان نتزوج وأجي عندو لـــكن قــرار الي هو من الخارجية السعوديه ((ممنوع استقدام حامل الجواز الفلسطيني )) طيب وبعدين ضلينا نحاول يمين شمال ومافي حل دلينا كاتبين لكتاب لمدة سنة و4شهور وخلص صراحه ماعاد فينا نستنى ومو مبين امل ابدااااااااااا واملنا طبعا مابنتهي بوجه الله سبحانه وتعالى لكن قرار حكومات
بالاخر قلنا نعمل فيزة زياره وآجي والجمد الله زبطت واجيت عند زوجي
بس مدرة هاي الفيزا 3 شهور وبتجدد مرتين بس يعني 9 شهور .
أنا متزوجه صارلي 4 شهور والحمد الله والله يخليلي زوجي يارب وهاي بجد نعمه والحمد الله
لكن قاعده وبكل وقت خايفه ومو حابة احمل واجيب بيبي عشان خايفة اروح على فلسطين مره تانيه ومااقدر ارجع لانهم كمان منعو فيز الزياره للجوازات الفلسطينية والله محتاره ومو عارفين شو بدنا نعمل
كل فتره بنسال وبندور هون وهون ومافي شي لهلأ.:'(


بدي دعواتكم الي في ظهر الغيب وانو ربنا يجيب النا الي فيه الخير يارب
والله كل ليله مابعرف انام وانا افكر بالموضوع ونفسي اجيب بيبي بس مو قاردين عشان هالوضع يارب يارب يارب ليس لي سواك