تجربتي في غضون ثلاث شهور

السلام عليكم ورحمة الله وبركاته

.........................................



حبيت اقولكم تجربتي في اشياء استخدمها من ثلاث شهور ماشاء الله والنتايج اوكيه يعني غيرت روتيني من ثلاث شهور بس حلو التغيير


بنات انا استخدم الورس


الورس يشبه الكركم بس لونه ياي على اغمج اشويه عن الكركم محمر يعني


لي تقريبا ثلاث شهور استخدمه ماشاء الله روعه ويستخدمونه عدنا فالامارات حق العرايس ويحطونه مع النيله والكركم

بس انا استخدمه روحه ماحب احط اشياء وايده على جسمي


يا اخلط الورس بماي ورد

ولا اخلطه ويا زيت اللوز المر

ولا اخلطه ويا زيت الزيتون

واحط بعد زيت الغار

بس وامسح فيه جسمي كامل واخليه ينشف وبعدين البس اي ملابس قديمه واخليه على جسمي ثلاث ساعات تقريبا


وساعات احط زيت اللوز المر بروحه وزيت الغاربروحه وزيت الزيتون بروحه على جسمي واخليهم ثلاث ساعات تقريبا وبعدين اتسبح

ماشاء الله بنات نعومه مع تفتيح لكامل الجسم مع صفاء ونقاء للبشره بدون الحبوب السوده الصغيره اللي تظهر فالجسم


وتحسين جسمج حرير ماشاء الله


بنات المنطقة الحساسة لازم يوميا ادهنها بكريم سودو مخلوط عليه زيت اللوز المر واتم ادلكها بالخفيف بين الفخوذ

والمؤخره لازم ادهنها بزيت اللوز المر وساعات جليسوليد واتم ادلكها بالخفيف

الركب والاكواع امسحهم بالشوفان والليمون تقريبا ثلاث مرات بالاسبوع ويوميا الترطيب بالجلسرين والجيلسوليد ماشاء الله طالعات ورديات وحلوات


الصراحة بنات بتحسون انه لون جسمكم نفس الشيء ماشيء فرق


اهم شيء


التغذية الصحية


اشربوا حليب طازج مخلوط فيه 7 تمرات ولا اكلوا التمر عادي اذا ماتحبون تسوونه مكس

اشربوا ماي وايد

سلطات

تمارين رياضية

هذي اهم شيء لازم تواظبون عليه لانه خلطات بدون تغذية صحية ما بتستفيدون شيء وبيتم جسمكم مثل ماهو ماتغير شيء فيه



بنات نصيحة اللي جسمها يتحسس ولا في حساسية لا يستخدم الورس كفاية الزيوت روحهم ويعطون نفس المفعول



وبس


وان شاء الله تعيبكم عنايتي