السلام عليكم ورحمة الله وبركااته
علي احلي منتدي في الدنيا... حبايب قلبي في عرووس
امبارح ماما صممت رايها اني اعمل الغداء النهاردة الجمعة..لان ده اليوم اللي كل اخواتي بيكونوا اجازة وموجودين فيه
وماما كل شوية تقولي انتي فاشلة في المطبخ ... ( وانا كلمة يافاشل بتعصبني ..يافاشل يافاشل :lol::lol:)...المهم قلت لألألألألألألألأ والف لألألألألألألألألألألألأ
هعملهم الغداء من ايديا وهيبقي احلي غداء لاني نيبتي صافية وربنا هينصرني اكييد :D
يلااا بقي نبتدي بسم الله
( بطريقة العضوة برنسس شاهي ) بس انا مزودة عليها شوية حاجات
طريقة البط بالبرتقال بالصور
ملحوظة :-
(صور البهارات من النت - لكن صور البطة بعد ما استوت دي عماايل ايديا )
المقادير:-
بطة - ورق لوري - كوب عصير برتقال - جنزبيل - حبهان - ملح - فلفل اسود مطحون-بقدونس مقطع - رز - بصل مفرومة - زبدة - خل - زبادي
الطريقة بقي :-
1 - نتبل البطة من قبلها بيوم ( بصل + خل + زبادي + ملح +فلفل اسود + حبهان مطحون + جنزبيل + 1/2 كوب عصير برتقال )
ملحوظة :- انا تبلتها قبلها بكام ساعة علشان نسيت اطلعها من الفريزر قبلها بيوم :thumbs_down:
اليوم التاني بقي اللي هو هنعمله فيها
2 - نحط البصل علي النار في شوية زبدة لحد ما البصل يدبل ( يعني مش هنحمر البصل )
3 - نضيف علي البصل بعد ما يدبل كوب رز مغسول كويس ونقلب
4 - نضيف الماء علي الارز وبعدين الملح والفلفل الاسود والحبهان وورق اللوري
5 - نخليه لحد ما يستوي نص سوي وبعدين نحط البقدونس المقطع ونقلب شوية صغيرين وبعدين نطفي البوتجاز.
6 - نجيب البطة بقي ونبتدي نحشيها بالارز من جوه .
7 - نقفل البطة انا جربت اقفلها بخلة الاسنان الخشب دي معرفتش :thumbs_down:
فقلت خلاااص هفتكس حاجة جديدة..جبت ابره جديدة وخييط وخيطتهااااااااااا :worn_out::worn_out:
8 - واحنا بنعمل الارز هنكون حااطين حلة كبيرة فيها ماء علي البوتجاز لحد ما الرز يكون استوي الماء هيكون غلي...هنروح نحط البطة في الماء اللي بيغلي ده بعد ما نقفلها كوويس طبعاا علشان الحشوة مش تطلع منها...ونضيف علي الماء اللي بيغلي بصل مقطع وبهارات وملح وفلفل وحبهان وورق لوري .
9 - بعد ما تتسلق البطة وتستوي كوويس... هنطلعها ونسيبها لحد ماتبرد
10 - هنجيب معلقة زبدة متوسطة ونحطها علي النار وعليها ملح وفلفل وحبهان و باقي عصير البرتقال ...ونقلب لحد ما تسيح الزبدة و الخليط ده يبقي سائل
11- ادهني رشي الخليط علي البطة من فوق
12 - حطيها في صينية ودخليها الفرن وافتحي عليها الشواية لحد ماتحمر وبعدين اقلبيها الناحية التانية تحمر برضو
13 - بالف هنــــــــــا وشفــــــــــا
:L::L::L::L::L::L::L::L::L::L:
ادعولي بقي بالدعوة اللي في التوقيع
ومتنسووووش التقييم ياقمرااات
ومتنسووووش التقييم ياقمرااات
[/BACKGROUND]