مشكلة صديقتي الطويلة ومعاناتها

السلام عليكم ورحمة الله اهلا اخواتي حبيت اقولكم اليوم مشكله لصديقتي القريبه مني والله مدري من وين ابدي بس ابيكم تعطوني حلول لاني عاجزة اني اقدم لها اي حل وقلبي محروق عليها وصداقتنا من 20 سنه تقريبا
اولا هي بنت ايوها اتوفى من كنا بالثانوي يعني من زمان ولها اخوان من اب وخوات كثير وامها هي الزوجه الثانيه لان الاولى ماتت وجاب من امها بنتين فقط هي واختها اكبر منها معاناتها من خواتها من ابوها عذبوها كثير المهم كلهم اتزوجو وبدات معاناتها الثانيه لمن اتوفى ابوها رحمة الله عليه سكن عندهم اخوهم المتسلط وجات منه مشاكل وبعدين اخوها الثاني قال باخذهم وسكنهم جمبي - هو ارحم من اخوه الاول - المهم اتزوجت اختها الكبيرة وبقيت هي وامها استأجر لهم بيت قريب منه وسكنهم يجيب لهم المؤن وما يعطيهم مصروف كا في يعني عايشه على قد حالها مع ان اخوها مرتاح ما ديا وعنده فلا مسكن اهله فيها وزوجته هي المعاناه الثالثه لئيمة وماتحبها وما تبيهم وهي غير سعوديه المهم - اخوها واثق بزوجته كثير وهي تكره صديقتي يعني قدامها بوجه وقدام زوجها بوجه ثاني زي اللي تشوفونه بالمسلسلات بالضبط يعني لمن تقوله اشتريلي اراض يشتري ويعطيها زوجته وهي تاخذ الاغراض وترسلها ناقصه او تخربها باي طريقه او ترسل لها شي خربان وتاخذ هي الجديد- المهم قالت لاخوها اللي صار من زوجته -قالها انتي تفترين عليها وكذابه وصارت توريه الاغراض الخربانه عشان يتأكد -تخيلو يقولها ذي خربانه عندك وتبين تتهمين زوجتي - المهم صارت البنت ما تقوله شي وصابره - ولا يطلعها ولا يوديها سوق حتى لمن تقوله ابي اشتري للعيد يقول روحي مع زوجتي وتروح زوجته تتحكم لا تاخذين ذا مو حلو لاتشترين ذا وتختار هي لها اللي يعجبها - وكنت اقولها لاتتطاوعينا وافرضي شخصيتك وما عليك منها - تقولي هي قويه ولئيمة يعني ممكن تتهمني اني سويت لها شي :'(- البنت عمرها الحين 32 سنه يعني كبيرة مو طفلة وظروفها مسكينه في تدهور قلت لها دوري لك شغل وما لقيت ولمن تلاقي زوجة اخوها تاخرها عن الشغل وما ترسل لها السيارة وتشتغل بحركاتها اللي تقهر عشان تطفشها الى ان البنت تزهق وتخرج من الشغل وصارت تكره تخرج معها لانها تعاملها زي الزفت واخوها يقولها ليه ما تخرجين -؟؟ انتي بتعششين بالبيت - المهم المشكلة الثانيه امها اللي تدهورت نفسيتها وصارت توسوس وما تحب الناس وكل ما جا للبنت خطاب ولا يسألون عن بنتها تطيرهم وما تكلمهم زين وما تعرف اصلا تتكلم معهم - وتقول لبنتها ليش تتزوجين خليكي معي نعيش سوى - والبنت تبي تامن مستقبلها ومي قادرة- وشي ثاني ان امها غير مضمومة بكرت العائله يعني ما فيه اثبات رسمي انها زوجة لابوها -لان الام بكرت اهلها واتزوجها الاب وهو كبير بالسن وما ضمها بكرت عائلته يعني كان يقدر بس يمكن من كره اخواتها من ابوها لامها ما عملها -- وتصدقون لمن تمرض امها وتبي تروح مستشفى حكومي لانها ماتقدر توديها خاص ما عندها اثبات هويه لامها واخوانها ما يسوون شي والله العظيم انها تبكي وتتصل علي وتقول ايش الحل قلت لها روحي المحكمة اشتكيهم قالت ما اقدر اخاف يضربوني ويطردوني انا وامي وتصدقون ماتقدر حتى تسجل بالضمان الاجتماعي بحكم ما فيه اثبات هويه لامها ولا اثبات ان ابوها متوفي يعني ما عندها شهادة وفاة لابوها ( وهذي مشكلة اخرى) يعني اخوانها ما يبون الجهات الحكومية تدري ان ايوها متوفي عشان ما يتقسم الورث وخايفين مره ان احد يكشفهم ويقولن لها ابوكي مات مديون مع انها تقولي ان ابوها كان تاجر ومبسوط وكنت انا وهي صديقات وكانت حالتها احسن ماديا كثير -وكل ما قلت لها روحي اضمان الاجتماعي وروحي لمسؤل فيها وحكيه قصتك وهم يدورون ان ابوها ميت ويثبتون وتقدر بكذة تامن لنفسها بيت وراتب من الدولة -لكن اخوانها ما يبون كذا بحجة انها تبي تفضحهم وش يقولون الناس لو يدرون انك بالضمان ؟؟يقولون مانصرف عليكم؟؟ والله العالم بحالهم يمر عليها اقوات جوع وبيت عفشه قديم واذا خرب لهم مكيف ولا ثلاجه ما يصلح لهم ولا يقدرون يصلحون هم - مع العلم ان اخوانها الثلاثة بوظايف مرموقه جدا ومنصب عالي-ومشكلتها الاخيرة والعويصه الحين انها تبي تتزوج وترتاح منهم لكن امها تحول دون زواجها وثانيا انها ماتخرج وتقول كيف الناس يشوفونها ويعرفونها وهي بين جدران لا تطلعولا شي وامها تطير الناس بعد واختها المتزوجه انا نيه وما تفكر فيها كثير - ((اختها من امها )) وحاولت تكلم خطابات بس ماتجيب لها الا ناس ما يناسبون او لعابين وقلت لها انا اتركي الخطابات لان لها تجارب معهم سيئه واحس ما تثقين بهم وحاولت اني ادور لها عريس وقلت لها لو جاكي خطاب انا اساعدك واستقبلهم بدل امك وما عليك هذا كل اللي اقدر اسويه لها بصراحه لكن ما جاها شي,, وقلت لها روحي تحفيظ قران بالمساجد واختلطي بالناس والحريم صدقيني بتنخطبين وراحت وامها ما تبغاها تتكلم مع احد ولمن يسالون امها بنتك مخطوبه تقول ايه مخطوبه - عشان ما تبي احد يتقدم لها-- والله البنت يأست لدرجة تقولي افكر اشرد بس اتعوذ من الشيطان واستعين بالله واتقرب من الله شوي مع انها كثير كانو بيخطبونها بس سبحان الله ما صار نصيب مع انها على درجه من الجمال وجسمها حلو وشعرها ناعن وحلو وشكلها اصغر من سنها كأن عمرها 18 سنه مو 32 والله وطيبه جدا وحبوبه بس سبحان الله حظها مو حلو لدرجة انها تقولي الحين احس ممكن اللي فيه عين وصارت تقرا سورة البقرة كل يوم والله اني ادعيلها دايم ادعولها بالله كل وحدة تقرا مو ضوعي تدعيلها وتقولي لحل لمشكلتها ولو تعرفون جهه ممكن تهتم بيهم بطريقه سريه وتهتم لمو ضوعهم من نا حية اثبات الهويه لهم لان من حقم العلاج بمستشفيات الحكومة واخذ الاعاشة للارامل والايتام ومن حقهم بيت لهم اللي يقدر يقدم لها المساعده يطرحه لي ارجوكم واي استفسار انا حاظرة :(