تجربتي في استيراد اللانجيري من الصين لازم تشوفوها وتدعولي ربنا يعوضني خير

بسم الله الرحمن الرحيم

اولا انا بكتب تجربتي هنا عشان تستفيدوا من غلطتي
انا كنت مقيمه هنا في منتدى عروس لفترات طويله جدا
وعجبتني فكره التجاره على النت
ففكرت اني اجيب لانجيري وابدا ابيع على المنتديات المجانيه وبالفعل
بدأت ادور على الانترنت على مواقع لانجيري وماكنت اتخيل اني ممكن استورد من الصين
لحد مالقيت موقع صيني حاجاته جننتني
ونادره جدا جدا جدا
ماشوفت زيها في مصر اطلاقا
وده اللي شجعني اني امشي في موضوع الاستيراد
كتير نصحوني بلاش تستوردي لازم تكوني شايفه البضاعه قبل ماتجيبيها
وانا صممت لاني وثقت في المسؤله اللي بعمل معاها الاوردر
هيا صينيه من خدمه العملاء
اتصاحبنا واتكلمنا كتيييييييير جدا ووثقت فيها ثقه عمياء
عملت معاها الاوردر
واتفقنا انها هتبعتلي فاتوره صوريه عشان نظام الجمارك في مصر بياخدو 40% من قيمه الفاتوره
قالتلي ان الاوردر هيوصل خلال اسبوع
وفعلا وصل
اول صدمه لقيت الجمارك اضعاف اضعاف ما كنت متخيله
دي اول خساره ليا
تاني خساره كنت طالبه 16 قطع على اساس انها اول مره مش عايزه ادفع مبلغ كبير قولت اجرب في مبلغ صغير الاول
وبالفعل
بدل ماتبعتلي 16 قطعه بعتتلي 14 قطعه وده طبعا عملي عجز كبييييييير
ثالث صدمه بقى وهيا الكبرى
الموديلات المعروضه كانت درجه اولى والموديلات الي وصلتني درجه تالته بمعنى الكلمه
مش كل الموديلات بصراحه
يعني تقريبا 4 موديلات درجه اولى والباقي درجه ثالثه
الحمدلله على كل حال
عرضت البضاعه فعلا من غير ولا جنيه زياده عن تكاليفها بالفعل
وسلمت امري لله واستعوضت ربنا المبلغ اللي دفعته في اللانجيري
وحمدت ربنا ان المبلغ مش كبير
تقريبا 1600 جنيه

يارب ماحد يغلط غلطتي دي ابدا
بجد انا مش زعلانه على الفلوس هو المبلغ مش كبير
انا اتحطمت مش اكتر
وربنا يعوض عليا