السلام عليكم ورحمة الله
طبعا مشكلة الحبوب وآثارها أغلب البنات يعانون منها :thumbs_down: والتخلص منها أبدا مو سهل وأنا وحدة من هالبنات كانت لما تطلع لي حبة تروح وتترك لي أثر :badly: .. ما ظل شيء ماجربته من تجارب البنات .. جربت ماسك السدر وجربت ماسك صفار البيض والحلبة وجربت المرة وغيرهم وطبعا من غير أي نتيجة تذكر ولما سأمت من الوضع قلت بما ان الطبيعي ماجاب نتيجة بروح الصيدلية بشوف شنو يعطيني
وأعطاني صابونة acne aid الصابونة روعة نتائجها تحتاج لفترة حتى تبان بوضوح طبعا هي تجفف البشرة شوي فلازم نستخدم كريم مرطب واستخدمها مرتين باليوم
وهذي صورة الصابونة
وهذي صورة الصابونة
وأعطاني معاها جل كلينداسين هذا الجل يحمي من البكتيريا اللي تسبب الحبوب طبعا الحبوب كانت تخف تدريجيا مع استخدامه مرتين باليوم واحطه على مناطق الحبوب فقط
في فترة استخدامهم كنت استخدم غسول نيتروجينا حلوة منتجاتهم وأحسها تنظف الوجه عدل
وكنت أنظف وجهي مرتين باسكينول كلاسيك مع حبوب الدلاسين لكن ماشفت نتيجة مثل ما البنات قالو :thumbs_down: مادري يمكن لأن الحبوب غير عن اللي استخدموهم أنا استخدمت كبسولات بيضاء ماحصلت البنفسجية بس المهم انه ينظف البشرة ويطلع كل البلاوي
ومع الجفاف استخدمت كريم QV صراحة هالكريم كلمة روعة قليلة عليه :adore: وترطيبه ولا أروع ومايخلي الوجه مدهن
وبعد 3 أشهر تقريبا بانت نتائج وخفت الآثار والحبوب يمكن بنسبة 30 الى 40% بس
فرحت صديلية ثانية قلت خلني أشوف شنو يعطوني
وأعطاني غسول وكريم exfoliac قال النتائج بتبان بعد اسبوعين الى شهر وفعلا خلال هالفترة النتائج بانت وكانت روعة :D واختي دائما تقول الحبوب خفت صارت ماتبين واضحة
فرحت صديلية ثانية قلت خلني أشوف شنو يعطوني
وأعطاني غسول وكريم exfoliac قال النتائج بتبان بعد اسبوعين الى شهر وفعلا خلال هالفترة النتائج بانت وكانت روعة :D واختي دائما تقول الحبوب خفت صارت ماتبين واضحة
هذا الغسول كنت استخدمة مرتين باليوم
وهذا الكريم مرة وحدة في اليوم فقط وأحطه على مناطق الحبوب فقط
وفي فترة استخدامهم كنت مستمرة على صابونة acni aid لأنها ماكملت الا بعد 5 أشهر تقريبا والاسكينول بعد لازلت استخدمه لكن مرة وحدة قبل النوم ومن دون الكبسولات
واستخدم تونر نيفيا للبشرة العادية - المختلطة بالنهار
واذا بطلع من البيت اغسل وجهي بصابونة دوف بالخيار والشاي الأخضر هالصابونة أحبها لأنها ماتجفف وتحسسني بالانتعاش
ووقت النوم أحط لي كريم جنين القمح هالكريم روعة من ناحية الترطيب وتصفية البشرة وتفتيحها وجنين القمح بعد له دور في التخفيف من آثار الحبوب
والحين من شهر تقريبا خلص من عندي الغسول فجربت غسول نيتروجينا لحب الشباب كان عندي من قبل هذا exfoliac لكن وقفت استخدامه لما شريت الثاني والحين رجعت له وهذا بعد فعلا يخفف من الحبوب يخليهم يطلعون صغار
وبعد ما كملت صابونة acne aid قلت بجرب صابونة كلين اند كلير الصراحة وأكيد بتقولون اني أبالغ لكن هذي الصراحة نتيجتها من أول يوم لاحظتها تنظف وتصفي البشرة وتعطي نظارة وأهم شي انها ماتجفف
وطبعا اذا بتلاحطون في نقطة ماتكلمت عنها ألا وهي التقشير والماسكات طبعا التقشير قبل كنت كل يوم وترك لكن من بديت العلاج خففت الى يوم تقشير ويومين لا اذا كان عندي دوام بالجامعة واذا كنت في اجازة فيوم تقشير و3 ايام لا لأن كثر التقشير يضر بالبشرة
والمقشر اللي استخدمه كلكم تعرفونه وهو ستيفز مرة وحدة بالاسبوع
ومرتين بالاسبوع اسوي لي مقشر طبيعي حبيته وايد وايد كل الشكر للبنت اللي كتبته والله مو ذاكرة اسمها وهو ملعقة قرفة مع ملعقة سكر بني مع ملعقتين عسل أنا كنت اكثر العسل شوي .. هالمقشر والله شهادتي فيه مجروحة اللي بتجربه وبتداوم عليه مابتتركه واللي تعاني من الحبوب وآثارها يفيدها لأن القرفة والعسل مفيدين للحبوب ولهم دور في تحسين لون البشرة
وبالنسبة للماسكات فأنا قللت المرات اللي أحط لي فيها ماسكات الى مرتين في الاسبوع فقط وتركت كل الماسكات الطبيعة وصرت استخدم ماسك freeman بالأفوكادو هالماسك أنا أحبه :adore: ينظف مسامات البشرة وينقيها وهالشي كل وحدة بتستخدمه بتحس فيه لكن للأسف مو دائما أحصله :(
طبعا اللي ماتحصل هذا الماسك مو مشكلة تقدر تستخدم أي ماسك ترتاح له سواء طبيعي أو جاهز من الصيدلية لكن من المهم استخدام ماسك لتنظيف المسام
وطبعا ما ننسى ماء الورد أنا عندي بخاخ حاطة معاه زيت الجلسرين أستخدمه مرتين إلى 3 مرات باليوم حلو للترطيب ولتصفية البشرة
نصيحة لكل بنت تبي تحصل على نتائج مرضية:
اللي تكثر من استخدام المكياج أقول لها خففي لأن المكياج يزيد الطين بلة والعلاجات لا تفكرين أبدا أبدا تستخدمينها وتطلعين في الشمس .. ووقت اللي تطلعون لازم لازم واقي الشمس وكل وحدة تشوف اللي ترتاح له انا بالنسبة لي ماارتاح الا لبايوديرما حمايته روعة والحمد لله مااحس ان بشرتي يتغير لونها من استخدمته
اللي تكثر من استخدام المكياج أقول لها خففي لأن المكياج يزيد الطين بلة والعلاجات لا تفكرين أبدا أبدا تستخدمينها وتطلعين في الشمس .. ووقت اللي تطلعون لازم لازم واقي الشمس وكل وحدة تشوف اللي ترتاح له انا بالنسبة لي ماارتاح الا لبايوديرما حمايته روعة والحمد لله مااحس ان بشرتي يتغير لونها من استخدمته
بنات اللي تبي نتيجة تبهرها لازم تصبر أنا النتائج اللي أرضتني ماحصلتها الا بعد 4 أشهر تقريبا والحين وبعد تقريبا 6 أشهر الآثار خفت عندي بنسبة 90 الى 95 % يعني تكاد لا ترى والحمد الله أحس ان بشرتي صارت صافية وحتى لونها تقريبا موحد والحبوب اللي قبل تطلع لي بشكل واضح أيام الدورة الحين صارت تطلع لي حبوب صغيرة جدا حتى ماتبين واضحة ولا هي مؤلمة مثل قبل ولا صرت أشوف آثار واضحة ولله الحمد
بنات هذي تجربتي من الألف إلى الياء وأتمنى من اللي يعجبها موضوعي تقيمه :o
لأن تعبت وأنا أجمع الصور وأحملهم وأنا أكتب الموضوع
ولا تحرموني من ردودكم الحلوة وأي استفسار أنا حاضرة
لأن تعبت وأنا أجمع الصور وأحملهم وأنا أكتب الموضوع
ولا تحرموني من ردودكم الحلوة وأي استفسار أنا حاضرة
وما أحلل أي وحدة تنقل الموضوع من غير ذكر المصدر 8o|