ضايقه بها الحياه

السلام عليكم

حبيت افضفض لك لاني بجد اتعبت حياتي مختلفه عن الاخريات ليش ما ادري طفولتي شقى ومراهقتي شقا وطول عمري شقا مليت بطفولتي امي كانت قاسيه علي يعني لك تتخيلي اني وانا عمري سنتين ونصف وانا انضرب طبعا هذا على كل ماما لما تتكلم وهي ندمانه عشنا بظروف ماديه صعبه وبعدها سافر الوالد لعمل ضروري وغاب عنا فتره طويله خوفي من امي افقد ثقتي فيني شخصيتي جدا ضعيفه ومرت فترة المراهقه كنت شاطره وهمي دراستي وبنات اقاربي كانو العكس تماما لعب ومسخره وعلاقات فكنت بينهم محتقره وبهذه الفتره اصبحت ظروفنا الماديه اصعب والله لدرجة انو بعض الايام لايوجد حتى قرص الخبز في المنزل ونحاول قد مانقدر مانبين هالشي للاهل رقم ان الشكل واضح في الجمعات الكل ياكل ويشرب وطلبات من المطعم واحنا بدون شي واذا سالونا بتطلبون نقول لهم لا شبعانين هذا وغير لبسي قسم بالله مشقق و بعضهم من عند خالتي ملابسها القديمه وغير احتقار البنات لي كنت اقول في قلبي اكيد راح يجي اليوم والله بيعوضني الحمدلله مرت الايام والظروف تحسنت دخلت الكليه بعدها انخطبت اه وابتدى المي يزيد اللي خطبني كانت الخطبه مثل الخدعه عطونا معلومات وكلها كذب الشهاده والراتب واللي قهرني بعد الخطوبه اكتشفت انو اللي خطبني كان تبع مراقص ومعقد وتعليقات على جسمي طولي 162 ووزني 58 ابدا ماحسسني بانوثتي تجريحات يطعن فيني والله يا اختي انا مستغربه انا على خلق ودين والكل يشهد لي بهالشي ومحبوبه اشوف بنات مسخره وعلاقات وبعدين يتوفقون بالزواج وانا ليش الدنيا مكشره عندي كل قريباتي صارو امهات اللي اصغر مني واللي في سني وانا اطلع من جرح لجرح جالسه في بيتي لا زواج ولا وظيفه ليش الحياه دائما ضدي واكون اقل من غيري ادري كلامي ملخبط بس والله من كثر الضيقه