مهندسة موون;14956698:
بمناسبة بقى البشرة الدهنية حد بشرتة دهنية يقولى بيهتم بيها ازاى وبيستعملها اية خصوصا للوش يعنى من تونر وغسولات والكلام دة ؟
عندي سؤال ياقمر
انتي بتقولي الصن بلوك اللي الدكتورة كتبتهولك ممتاز هو انتي مجرباه ولا تكهن منك انه ممتاز ؟
وياريت تبقي تقوليلنا على اسمه
اما بالنسبة للاهتمام والمنتجات الخاصة بالبشرة الدهنية
فا بيعتمد اذا كانت بشرتك دهنية حساسة ولا دهنية بس
لو حساسة يبقى بالنسبة للتنضيف
استخدمي تونر وغسول من اوريفليم مجموعة اوبتمالز الخضرا المخصصة للبشرة الدهنية
او نفس المجموعة من نيفيا مخصصه للبشرة الدهنية بردو
وطبعا بتستخدميهم مرتين يوميا صبح وبليل
الكريمات ممكن تستخدمي مجموعة كومبليت بالانس من ايفون سولوشن كريم الليل والنهار
انا جربت كريم الليل جميل وبيقلل افراز الدهون حتى لما اصحى الصبح فالعادة فالجو الحر بلاقي وشي عرقان خصوصا
فالـ T ZONE لكن لما استخدمته مكونتش بلاقي دهون كتيرة زي العادة
كريم النهار مش جربته بس غالبا هيطلع كويس لانه مكمل لكريم الليل
لو بشرتك دهنية اوي ومش حساسة يبقى للتنضيف
استخدمي غسول كلين اند كلير شاين كونترول ممتاز بيخلي الوش نضيف لساعات بدون ما يدهنن ولا يعرق
وممكن تستخدمي صابون طبي زي سموث فيس او صابونة اوريفليم بتاعة مجموعة التفتيح حلوة خالص وناعمة
وفي صابونات تانية زي صابونة البابايا او كلين اند كلير وفي صابون روفان بالطمي المغربي يعني الاختيارات كتيرة و اختاري حسب ما بترتاحي
التونر استخدمي الاسكينول ( التاجرات بتبيعه عالنت )
حلو بردو وبينضف كويس جدااا وبتحسي وشك منتعش من بعده
لو مش متوفر استخدمي من ايفون مجموعة كلير سكين التونر بتاعها قوي وبينضف حلو بس مش عايز بشرة حساسة نهااااائي
الكريمات ممكن تستخدمي مجموعة كومبليت بالانس من ايفون كريم نهار وكريم ليل
وممكن تستخدمي لوشن معالجة عيوب البشرة من كلير سكين بروفشنال من ايفون ممتااااز
ميزة اللوشن دا بيقلل الدهون خالص ولو عندك اثار حبوب بيضيعها عن طريق التقشير
الماسكات لو ملكيش فالماسكات الطبيعية هاتي الكلاي ماسك من ايفون واستخدميه مرتين فالاسبوع حلو اوي
وفي ماسكات الطمي المغربي جميلة وبتخلي الوش منور زي حراز او اصاله
وانتي خارجة استخدمي الصن بلوك وممكن فوقه لوس بودر خفيفة او اي كريم تفتيح هتلاقيه بيديكي نفس النتيجة بتاعة البودره لان كريمات التفتيح بطبيعتها بتعمل طبقة مبيضه خفيفة عالبشرة وافضلهم بلا منازع عن اولاي بس لو تعرفي تجيبي الاصلي منه
وبس :)
roseen;14954958:
ازيكو يا بناويت عاملين يارب تكونو بخير كلكو بتوحشونى اوى اوى اوى :adore::adore::adore:انوش نيرو نودى سيلسل بلبل حيران سارة در انجل دودى باربى هتجنن يا اخواتى وكلكو كلكو مش عايزة انسى حد:adore::adore::adore:
لاسبوزا: نورتى تجمع افون متبقيش تغيبى تانى بقىF:F:F:
سؤالى بقى ايه رايكو فى كريم اساس والبودر بتاع كلر ترند؟؟؟ حد جربهم
ازيك ياحبي
يارب تكوني بخير دايما ان شاءالله
الفاونديشن دا جربته بوصي هو مقارنة بسعره حلو انا كنت جيباه ب 9 ج هههههههه
بس عايز بشرة خالية من العيوب عشان يبقى كويس لان تغطيته خفيفة
وعلى فكرة الوانه غامقة مش عايز بشرة بيضا خالص
ومش اويل فري زي ما مكتوب بيسيح فالحر
البودرة مش جربتها بس اسمع انها حلوة
nado44;14953365:
بنااااااااااااااااااااات قولولي اللي هيطلب امتي حاجته هتيجي وبعد الساعة كام هيتأخر بلييييييييييييز قولولي ضروري
يوم الخميس الساعة 3 العصر ان شاءالله
Nouna2002;14953863:
ردوا عليا بلاش التطنيش دا ياقمرات عروووووووووووووووووووووووووووس
مشاركتى بخصوص اودر افون
حبيبتي اوردرك حلو ما شاءالله
بس الرير بيرلز انتي جيباها على اي اساس ؟
يعني شمتيها قبل كده وعجباكي ولا جيباها كده وخلاص ؟
لو شمتيها وعجباكي اوك
لكن لو جيباها عشان سعرها حلو يبقى راجعي نفسك تاني F::L:
