HOBBOZ;15147880:
انوشا فين العقد والحلق بتوع زاهارا ده
وايه طقم الورده اللى نازل الشهر الجاى هاه هاه قولى قولى :p
قوليلى صحيح اللوشن بتاع ايفون اللى كنتى جبتى منه نوعين واحد بالقطن باين والتانى بالتفاح مش فاكرة المهم اللى هما نازل عليهم عرض الاتنين ب 38 باين
مين فيهم اللى لقيتيه خفيف كده وبيرطب ومش يدهنن ومين فيهم اللى ريحته احلى
زهارا دا اللي انتي جبتيه الشهر الفات يا مسطوله هههههههههه
ركزي يابت كده الامتحانات لحست دماغك ولا ايه
اللوشن بوصي الاتنين نفس الريحة بس عجبني ترطيب الاخضر اكتر لان البمبي خفيف زي الماية ومن رأيي هاتي اللي باللوز وزبدة الكاكاو الجديد شكله حلو ومكوناته لذيذة
sylsyl;15147925:
انوووووش حبيب قلبييييي
انتى اللي مبهدلاهم وناشرة قصصنا على جروب الحقيقة بتاع طنط افون؟؟؟؟
هههههه جدعة يانوشة انا عرفت انك انتى لما لاقيتك بتحكي مغامراتي مع الروليتات قولت ده انا ده انا،،، ومغامرات العلب الفاضية بتاعت الجليمر اللي راح في المجهول ههههه شطووووورة
عارفين يا بنات احنا ننشر القصص دي كمان في صفحة الفيس الرسمية بتاعتهم وخليهم بئة يعملولنا حظر الجبناء اللئيمين الشريييرييين
ده احنا هاننشر افلام هندي وانوش هانرشحها تبقى المخرج واحنا هانعيد تمثيل الجريمة هههههه
اه هو انا انوش المسيري ههههههههه
بس على فكرة مشكلة الروليتات دي حصلت لبنوته الشهر دا بردو غير الموقف بتاعك يعني الاخطاء بتتكرر باستمرار بسبب الناس المتخلفة اللي اعده عالكول سنتر
والراجل ميدو دا مش عارف يرد ينيله اخر ما تعب قال هوصل كلامكم للاداره ههههههههههههههههههه
ميااااااده;15148041:
مرسي يا نوشه
بس في اكسسورات بتبقي احلى من كده انا حسه ان مش كل الاكسسورات حلوه والطقم اللبنى ده زى الزفت الصراحه هههههههه يقرف
انا عجبنى الطقمين الاخرين بس والساعه
والطقم الورده برضه حلو اليه نازل الشهر الجاى بس مش حساه يستاهل كل ده
ده في بيتباع فيها اكسسورات احلى من كده ممكن الواحد يشتريها و يطليها فضه
وبكده هتعيش اطول و مش هتجيب حساسيه
انوش قوليلى برفيوم سيكرت فانتازيا احلى ولا اوت سبوكن انهى اقيم وثابت اكتر ويكون انثوى
ههههههههههه انا كنت بدور على اكسسورات افون ولاقيتهم
وحطتيتهم
دى كمان صور لاكسسورات افون هى مش موجوده في الكتالوج بس شفتها في
كام كتالوج قبل كده في افون
طقم الحلقان ده بتاع اقراط البحر نفسي اجيبه اوى ومعرفش هينزل تانى ولا لا
طقم الورده فعلا غالي اوي كان حقته ينزلوه الحلق والدلاية سوا ب 70 مش كل واحد بسعر مختلف
واكيييد مش كل الاكسسوارات حلوة زي ما قولتي بس في حجات بتبقى لقطة متعرفيش تجبيها من برا بالسعر دا لكن الحاجة اللي متوفره بره انا مش هجيبها من ايفون طبعا عالاقل هاشوفها واعاينها ادامي
بالنسبة للبرفيوم طبعا اوت سبوكن .. سكيرت حلو وكل حاجة بس لا وجه للمقارنة اوت سبوكن راقي جدا جدا جداااااااا :thumbs_up:
mes333;15148397:
هو زاهارا بكام الشهر اللي جاي؟؟؟
؟
نازل ب 49 قبل الخصم :)
ميااااااده;15148484:
بنات عوزاكم ترشحولى برفان يكون جامد اخر حاجه يكون حريمى
اجيب ان بلوم ولا اوت سبوكن ولا سيكرت فانتازياولا سبوت لايت ههههههه شفتوا كل دول محتاره فيهم وياريت لو اجبهم كلهم طماعه اوى انا
اوت سبوكن أو سبوت لايت
وعلى فكرة سبوت لايت لما بترشيها بتعمل جليتر عالجسم زي برشيوس مومنتس بتاعة اوريفليم وليه اخترتلك سبوت لايت . لان انتي جايبة لوشن اوت سبوكن واللوشن ريحته قوية وفواحة ممكن تغنيكي عن البرفيوم فا من باب التجديد هاتي سبوت لايت F:
sylsyl;15148561:
هو الطقم النحاس ده بيحلو كدة ازاي في الصور؟؟@@!!
ده عالطبيعة لونه اصفر وللا يكونوش جابولنا طقم فرز عاشر؟؟؟؟
لا حبيبة قلبي بس عشان التصوير لما بيجي عليه نور الفلاش بينور ويبان مصفر
لكن فالحقيقة بيكون فضي بهتااااان
