اليوم راح نكمل الجزء التاني من الدرس السابق
كنا وصلنا لمرحلة ربط او تثبيت الخيوط ببعضها
هذا فيديو ارسلته لي الاخت الشيخه لولوه جزاها الله الف خير فيه طريقة التثبيت بطريقة سهلة وواضحة
شكرا لك اختي وهذا هو الفيديو
[YOUTUBE]J26A0nJm6d0[/YOUTUBE]
وهذا شرحي بالصور
اتمنى انكم تركزو منيح مع الصور
نبدأ بسم الله
بعد ما خلصنا لف الخيوط بنجيب ابرا وخيط اللون الي تحبيو
الخيط بندخله في الابرة ونخلي طرف طويل وطرف قصير
بعدين بنبدأ مع الخيوط من اولها
نروح عند تقاطع الخيطين
ونمرر الابرة
وناخد اطراف الخيط ونربطها عادي يعني نعمل عقدة عادية
بهذا الشكل
بعدين بنمرر الابرة بهذا الشكل
ونعمل عقدة تانية فوق العقدة الاولى
بهذا الشكل
لو قلبنا النول بنشوف عقدة على شكل ايكس وهذا هو المطلوب
بنكمل للتقاطع الي بعده من غير ما نقطع الخيط وندخل الابرة بالشكل هاذا , من اليسار لليمين
ونعمل عقدة
بالشكل هاذا
اهم خطوة هي هادي ان الخيط الممدود بين العقدتين لازم يكون مستقيم ما يكون مايل لتحت او اعوج لا لازم متل الصورة يكون مستقيم بيناتهم , وما نشد الخيط كتير مشان ما نخرب المسافات الي بين الخيوط
بنكمل , نمرر الابرة من فوق لتحت
ونعمل عقدة فوق العقدة الاولى
بهذا الشكل
ونستمر بنفس الطريقة مع الصف الاول لما نخلص نقطع طرف الخيط
بنلاقي هذا الشكل
صورة اقرب
شوفو كيف الخيوط مستقيمة بين العقد
لما نقلب النول بنلاقي الشكل هادا
الان بنروح للصف التاني
نعمل نفس الخطوات
اول عقدة
تاني عقدة
وهيك خلصت الصف التاني
بعد ما نقلب النول
وهذا هو الشكل المطلوب , وبنكمل الصفوف كلها بنفس الطريقة
بالنسبة للخيط الي بنحطه في الابرة الاحسن انو ما يكون طويل كتير يعني على قد كل صف مشان يكون سهل في حركة الايد
بالنسبة ليا بقيس المسافة بين المسمارين المقابلين يعني الي في ضلع والي مقابله في الضلع التاني
بقيسها بالخيط و بعمل قدها اربع مرات يعني بقيس قد مسافتها على الخيط اربع مرات وبقص الخيط وبستعمله هيك بيكفيني على قد الصف تمام و عند الصف التاني برجع اقص نفس القياس تاني من البكرة وبستمر بنفس الطريقة
طبعا في البدايا خصوصا اول صف بيكون متعب شوي بالنسبة للي عمرهم ما جربو النول
لكن بعد هيك بتصير ايديكم خفيفةو بتشتغلو بسرعة في كل الصفوف
اهم شي ان الخيط بين العقد يكون مستقيم وما يكون مشدود كتير يخرب المسافات بين الخيوط ولا يكون مرخي كتير
في الاخير بعد ما بنخلص كل الصفوف
بنقص الخيوط من النول
وبنطلع المفرش من نول و هيك بتكون النتيجة
طبعا هادا واحد انا كنت عاملاه بالوان تانية
وهيك خلص درسنا اليوم اتمنى انو يعجبكم وتستفيدو منه
طبعا انا منزلة الدرس اليوم بدري عن معاده مشان تستغلو وقت اكتر لاني بعرف انو بدو شغل كتير ووقت اكتر
كمان بتمنى ان كل وحدة اول ما تخلص صف تنزل صورته مشان نشوف عملها ونشوف اذا كانت بتعمل بشكل صحيح
وبرجع بذكر العضوات الي معتقدين ان اول وحدة تنزل صورتها هي اشطر وحدة ان هذا مو صحيح كل الصور انا بشوفها وبعلق عليها وبقيمها كلها فشتغلو على راحتكم وخدو وقتكم
في امان الله F:
