السلام عليكم ورحمة الله وبركاته
اخواتي كروشات وزائرات القسم اسئل الله لكم الحمل السليم بالقريب العاجل واسئل التساهيل والتيسير للكروشات بحملهن وولادتهن <<<<لاتستانسون بس المقدمه بالفصحى هههه
امانه امانه والامانه محاسبه عليها يوم الدين
كل الي تقرى قصة ولادتي تذكر الله وتدعيلي بالتوفيق والعافيه لي ولعايلتي ...F:
كل الي تقرى قصة ولادتي تذكر الله وتدعيلي بالتوفيق والعافيه لي ولعايلتي ...F:
فجر الاحد 3\4 كنت متواجده بتجمع كروشات شهر اربعه خخخ وحسيت بالام بدت تقوى والام كانت باديه عندي قبلها بيومين تروح وترجع وكل مره تقوى ورحت على طول خذيت شور دافي ويتني الام وانا تحت الماء الدافي...
قبل لا اصحي ريلي صليت وقريت سورة مريم وبعدها صحيته واتصلت على المستشفى قلت للقابله انا يتني الام وماني عارفه اجي للمستشفى وله لا؟
قعدت تسئلني كل كم تجي ؟ ومتى بدى وانا فعلا كنت مسجله كان الطلق يجي كل عشر دقايق وانا اكلمها ياني كل خمس دقايق قالت انتي الحين تكلميني وجاج مرتين فتره خمس دقايق قرري تبين تجين وله لا ^o)؟؟؟؟؟
هههه حلييييييييييييله تقولي قرري تجين وله لا يعني ادري اهي عزووومه :cool:؟؟
انا متعوده اول شي الماي وبعدها الطلق لا الحين انا طلق والماي مانزل علي احترت ولكن الالم شد علي ريلي قال بوديك موبكيفك انتي اصلا فيك ولاده خلاص قعد بناتي ووديناهم لبيت اخوي والجو كان بااااارد جدااا وحبيتهم ولميتهم ووصيت زهراء على اختها واهي تقولي يمه وين بتروحين وتخليني:'( ....بس ماقدرت ارد عليها صرخت سكر الباب لان يتني طلقه وماقدر اتكلم ... ومابي بنتي تشوفني وانا اتالم ....
اخوي قال انا بروح وياكم :o:-#وانا اقول بخاطري وييييي شلون الحين شسوي لو يتني الالم :badly:
وصلنا للمستشفى دخلنا الطواري خذت معلومات من عندي وقالت انتظرو شوي ناخذ بيانتكم بس انا يتني بعد يعني خلاص اصلا انا مقربه اولد حاااسه اني بولد مابكمل اصلا وهاذي تبي معلومات ادري ولدوني وبعدين اعطيكم المعلومات ... تخلف يااجماعه تخلف موطبيعي :mad: انا مراجعه وولاده بنتي عندهم وعندهم ملف كامل عني ....
خلصنا وقالت تبين نخليك بكرسي متحرك وله تمشين انا قلت لا بمشي احسن ويريتني ماقلت بمشي امشي اربع خطوات تيني الالم وقعد اون وابكي ...
مشينا وصلنا للاصنصير ......................................... خربااااااان :-# شالدبره شالحل يالممرضه قوليلنا قالت والله مالكم اله تطلعون بالدرج ..... على اساس حلتها الذكيه ...
يسلام تخيلو يعني طلق كل اربع او ثلاث دقايق ودرج شنو يصير ؟؟؟؟؟؟؟؟؟؟
اطلع درجتين واوقف ابكي واون وصلت لغرفة الولاده حسيت اني الحين اشوه انا بالمكان المناسب يعني شوية احساي بالطمئنينه
هاذي صوره وحده خذيتها قبل لااولد <<<< الحين انتي وين التصوير وين هههه
هاذي صوره وحده خذيتها قبل لااولد <<<< الحين انتي وين التصوير وين هههه
انفجر الماي الساعه 6 الى ربع
النيرس قعدت تقول انه ابي منك عينه من البول تكرمون علشان اسوي تحليل انه ماعندك التهابات
وحطت جهاز النبظ تشيك نبظ الجنين
النيرس قعدت تقول انه ابي منك عينه من البول تكرمون علشان اسوي تحليل انه ماعندك التهابات
وحطت جهاز النبظ تشيك نبظ الجنين
قامت تتقارب الاالم جيكت لقتني 6 سانتي سئلتها قلتها يعني متى تتوقعين اولد قالت احتمال بعد اربع خمس ساعات :-o:-o:-o
انا هني صج حسيت بصاعقه يعني بظل اطلق خمس ساعات :'(:'(
توجهت بكل جوارحي لربي ودعيته قلت ياربي ياخلق الكون ادعوك تعطيني على قد نياتي وانا راظيه ان كانت نياتي سليمه تسهلها علي وان كانت عكس ربي راضيه لو اظل يوم كامل مو اربع ساعات وادعي وادعي ربي.....
وبدت الطلقات الساعه 6 بظبط وعطتني غاز استخدمه لكل طلقه
ساعدني وايد بوقت الطلقه احساس ثاني عالم ثاني خلاص تنعزلين عن الي حوالينك تكونين انتي وربك والامك واملك بشوفت البيبي بحظنك وهاذا الي يخليك تكونين قويه تقاربت الطلقات وانا اصارخ وابكي ماقدر اتكلم ماقدر اكون جمله اطالع ريلي واقوله بناتي الاء الاء بنتي عمرها سنتين حسيت اني بموت وتركها وراي وريلي يقولي صلي على النبي ماكو الى العافيه
الساعه 6 وعشرين دقيقه طلع البيبي على الدنيا يبكي وحطوه لى بحظني وانا اقول يمه حياتي وليدي حبيبي لاتبجي ياقلبي ياياسر وفعلا كانت ولادته يسر وسهلات والحمدالله على نياتي ربي رزقني مثل ماطلبت ودعيته ماردني رب العباد وان تدعوني استجب لكم والحمدالله حصلت الاستجابه الف حمد وشكر انتهت قصة ولادتي وبدت قصه جديده بحياتي وهي ياسر حبيب قلبي
احساس غريب وحلو ومؤلم لحظه ترووح بعد الولاده لحالها خلاص تنسينها ولكن تترك حلاوتها وراها وهي طفلك الي انتظرتي تسع شهور واهو يتحرك ببطنك ويرفس هاذا اهو بين ايدك وكانك ملكتي الكون خلاص ماتبين شي ثاني
وربي يرزق كــل الي تتمنى الذريه الصالحه بالقريب العاجل ويسر ويسهل على كل الحوامل يارب
اختكم
أم يــاسر
أم يــاسر