جرحي من ابي وامي لا استطيع ان انساه

السلام عليكم انا عمري 32 سنه والي الان لدي مشاكل نفسيه كثيره دائما برجعها لتربيتي الخاطئه وقسوه ابي وامي انا شايفاهم قاسيين وابي متسط
انا طول عمري كنت بنت حساسه جدا ورقيقه وتجرح بسرعه وطول عمري وانا حاسه بمراره في حلقي من ابويا وامي
امي ست بيت ممتازه تطبخ كويس تنظف البيت كويس تدبر لك الفلوس لكن لا تجيد التعامل معي دايما متوتره وعصبيه وعمرها ما قعدت تسمعني ولا حاولت تفهمني دايما تقولي ما تتكلميش عن حد وكاني بغتابه رووحي صلي روحي ذاكري انا تعبانه ومفيش فايده لو متضايقه من حد تقولي وانا اعمل ايه ؟؟ واحنا اطفال عمرها ما اعطتني خبرات حياتيه عايزه اللي يحتويها
ابي متسلط دايما وانا صغيره كان بيضربني بالحزام ويحرجني قدام قرايبي دايما لما بيزعق حتي الان بتهز وبتخض واصبحت افزع من اقل صوت ياما حاولت اسيب البيت وكانت امي تقولي انتي اللي حتخسري وكان هما مش حيخسرو حاجه دايما حاسه بقله قيمتي ودونيتي
انا مش بحبهم دي حقيقه حاولت استفيد من امي من انها تعملي اكل كويس تغسلي هدومي ترتبلي حياتي ودايما عندها لامبالاه ولما بتعمل الحاجه بتعملها بزهق وبقرف وعصبيه هي اللي هلكت نفسها عمرها ما علمتني اطبخ والغريبه اني بكره اطبخ في بيتنا او حته انضفه ولكن ممكن اساعد اختي المتزوجه عندي حاله نفسيه
الي الان لم اتزوج واعتقد انه لن اتزوج ويمكن اكون انا سعيده بده لاني بكره الرجاله وبرغم كده حرماني العاطفي يقتلني وبداخلي زلزال كان نفسي حد في حياتي يدعمني واتعرفت علي زميل ليا لكن للاسف مش عايز يتزوجني وبيستغلني اختي بتقولي لازم اكون قويه واعتمد علي نفسي في كل حاجه ده غير بقه استغني عن العواطف وانا حاسه بضعف جامد وخاصه انني بحضر دبلومه في لغه صعبه محتاج من يهتم بيا
انا مش قادره ارضي ابويا وامي وعايشين في البيت مش بنكلم بعض وبحاول اتجنبهم مش قادره اكلمهم صدقوني انا محتاجه فلوسهم خدمتهم وبس