عالج السرطان بالأيمان و بالنفسيه !!!

السلام عليكم ,

يا جماعه أدري أنكم كلكم تخافون من كلمة سرطان و العياذ بالله
بس صدقوني السرطان مرض مثل أي مرض ثاني نقدر بعون الله نكون قده

و أعطيكم أكبر دليل :

جدتي مريضه بالشين بالغدد اللمفاويه من 13 سنه
و الحمد الله نفسيتها عال العال و على الدوام تاخذ حبوبها و بيم كل فتره و فتره تزور الطبيب علشان تتأكد
حتى ان ألحين نسبة كريات الدم البيضا بدمها صفر.

بس احنا دايما نصبرها و نيب لها أمثال و نقول لها المرض مو بكل شي و هذا اختبار من رب العالمين
و خلال هذي ال 13 سنه رقدت بالطبيب مرتين

مره خذت فيها العلاج الكيماوي في بداية المرض الي بعدها راح كل شعرها
بس صبرناها و قلنا لها هذا شي مؤقت
والحين الحمدالله طلع كل شعرها

و مره قبل فتره صغيره بسبب فيروس بصدرها و هل مره تمت شهر بالمستشفى و اسبوعين منهم كانت بالعنايه المركزه

لي درجه الطبيب قال هذه ما راح تعيش و عطاها مهلع اسبوعين و بعدها احتمال تموت :down:


لكن و بفضل الله عليها و بقوة ايمانها كانت تدعي دايما و تطلب من الله يطول بعمرها و يشافيها

و اليوم و بعد مرور شهرين من هل شغله يدتي عال العال
و الحمد الله الطبيب قال لها تركي كل أدويتج
لأنها كانت تاخذ وايد حبوب
و انتي الحين سليمه
اهي لي الحين فيها المرض بس يدتي الي عمرها 70 صارت بعون الله أقوى من المرض و قدرت تغلبه



أتمنى اني أكون عطيتكم دافع عشان توقفون بويه هذا المرض