شنو الحل ؟

الله يفرج همك وييسر امرك الصبر خير حاولي تاخدي حقك بذكائك ولا تستسلمي

لاتطيعي كلام زوجك وتبلشي بحرب مالها نهايه
واصبري لابد انها تنفرج
واحمدي ربك انهم يحبون عيالك كان زادت المصيبه
وكلها سنه او سنتين وبيكبرو العيال وبيطلع الزوج من نفسه

بس بناتك يكبروا لحالو بصير بدو يطلع ويسكن لحالو لانو صعب بنات يكبروا والبيت مختلط وناس فايتة وطالعة وانا برفض نهائي السكن مع الاهل انا بنظر لامر انو اخوان زوجك محرمين عليكي وعشان هيك بيكون في تقيد كبير بالحركة احكيلو هالشئ وربي يسر امرك

حبيبتي إنتي فتحتي كذا قضيه ولكن كل قضيه نتعامل معاها بحيث نقدر نعيش حياة طيبة

اولا بالنسبة لكونها تتولى زمام الأمور , ترى انتي في نعمه مب حاسه فيها , المسؤولية مب

أمر سهل , الشئ الثاني , أنها تدلع عيالج احسن من العمات الي يقسون على عيال

اخوهم في هالحاله انتي في نعمه يعني انظري الى الأمور من زاويه حسنه , بالنسبة

للمحاتاه أن طريقتها ممكن تأثر في العيال , يا حبيبتي إنتي عايشه في مجتمع , انتي تربين

وتربين , لما الطفل يطلع للمجتمع , بيتعلم عادات جديده ماعرفها في البيت ,اما بالنسبة

لراحتج في المنزل , انتي في غرفتج سوي الي تسوينه , البسي احلى الملابس , واكثرها

اغراء , وقولي الحمدلله عندج غرفه حق بناتج , اما بالنسبة لنقطة الجدل مع اخت ريلج ,

حبيبتي اذا انتقدتج في موضوع لازم تردين بالحسنى وبالحكمه , عدم الرد يسبب ازمه او

نفسية مرضية انتي في غنى عنها , بالنسبه لهلج اكيد يمرون عليج , اذا جاو حطي لهم

عشا , اعتبريها بينج وبين نفسج عزيمه .

انتي رضيتي من البدايه مب هني المشكله
المشكله انج للحن ماتعودتي على هالشي
ومثل ماقالت وحده من الاخوات بناته يوم بيكبرون شويه اهو بروحه بيدور مكان تعيشون فيه بروحكم
ودامج فاتحتيه في الموضوع واهو رفض خلاص صبري عليه شويه
دامج صبرتي 6 سنين خلاص كملي الباقي

موفقه الغلا

مشكورين حبيباتي على هالردود الله يعطيكم العافية بحاول أستفيد من كلامكم و اللي فيه صلاح لي آنه راضية فيه

أنتِ وافقتِ عليه بالسكن مع أهله فمن الممكن أن تطلبي قسم مستقل لكِ بمعنى شقه في نفس المنزل

و تعملي مطبخ في الشقة تأخذي راحتك في الطبخ و كذلك عمل كم غرفة زيادة لكم بهذا الحل لن يخرج عن أهله

و يبقى معهم و كذلك يكون باب الشقة منقذ على بيت أهله ومن هنا تأخذين راحتك بكل هدوء ..

وفقكم الله .

أسأل الله العظيم أن يفرج همكم ويفتح لكم أوسع أبواب رزقه

الحمدالله على كل حال مشكورين على هالدعوات أحيانا الواحد يحتاج يجوف الامور من جوانب ثانية

{ انتوا اكيد راح تجيبون عيال اكثر وراح تكبر العائلة اكبر واكثر ف اكيد بالعقل ماراح يرضى ان يسكن عياله كلهم سواء بنفس الغرفة !...~
لكن انتي حاولي معاه بس لاتحنين
ولاتسوين مثل ماقالك زوجك عن المرادد في البيت
خليك في حالك ولاتزيدي المشاكل والطين بلة
لان بالنهاية لوصارت مشكلة ماراح يقول انا قلت لك تتصرفين بيقول ليش سويتي كذا!!!

لاتمشين ع كلامه شوفي وين الصح وسويه

وعليكم السلام ورحمة الله وبركاته

أختي لا تطبقين كلام زوجج لأن بعدين لا سمح الله المشاكل بتكبر بينج وبينهم بعدين بيشوشون زوجج عليج وتكبر السالفة , سالفة الأكل الصراحة مو من حقهم

الله يفرج همج إن شاء الله

هلا حبيبتي انا مثلج ساكنة في بيت اهل زوجي:o واحس بمعانتج بس انا صارلي سنتين وحسيت ان ابي اسكن بروحي لان ما اقدر اخذ راحتي في اي شئ:-# وللعلم هو عندة خمس اخوان وكلهم مو متزوجين وكلهم كبار :'( الله يكون في عون الجميع عزيزتي



اختج في الله @طفلة [EMAIL="زوجي@(ام"]زوجي@(ام[/EMAIL] فاطمة)

حاولي معه في شقه صغيره
واذا ماقدر اصبري
الله يسعدك وينور الي في بالك

سايسي زوجج انه تروحون شقة لو بيت اجار يناسبكم مو معقولة كل مشكلة ماليها حل انتي أبدأي خطوة خطوة لين ما يقبل وتبدأون بالتجميع و التنفييذ اذا الله اراااد انتي أبدأي خطوة خطوة

الله ييسر امورك اختي

طالبيه يبني لك مطبخ خاص حتى لو صغنون .. وبعدها شوي شوي طالبي بالاستقلالية بالامور الاخرى

ربي ييسر امورك

هذا بيتك مثل ماهو بيتهم تصرفي فيه على راحتك واذا ماعجبهم بيستاجرو لك شقة او يبنون لك شقه فوق بيتهم يكون هو قريب من اهله وانت اخذتي راحتك في بيتك