السلام عليكم
مشكلتي اني والده لي اسبوعين بعمليه قيصريه طبعا الولاده الثانيه وولدي الاول عمره سنه و10شهور
يعني حملت بدري
ونفاسي ببيتي نفسيتي زفت مولاقيه شي حار ولا اكل نفاس بس اشياء بارده من المطعم انا في قريه يعني المطاعم يالله الشكر
ماعندي جيران انا طلعت من المستشفى عند خالتي بس نفس الوضع اكل من اكلهم اذا فيه واذا مافيه اجلس بجووعي جلست اسبوع ورجعت بيتي امس
عاد قررت اكتب لزوجي طلبات المطبخ واصير اطبخ لروحي ولزوجي
بس الشكله لسى مو متأقلمه مع اثنين كيف الحياه
والطبخ مابقدر كثيييير لان عمليتي لسى شوي تألمني
انا ماانكر اقدر اقوم امس رتبت وغسلت الملابس بس يوم انسدحت حسيت بروحي بسخن
نفاسي الاول عنداهلي في الدمام بيننا مسااااااااااافه
وبسبب الظروف ماقدرت اروح لهم
واهل زوجي بعيدين ماحد يجيني
والله نفسيتي تعبانه
عطوني حلول مع البيت بأختصار جدوول لان ولدي يسهرني والظهر لازم غدا زوجي يشتغل بشركه دوامه متعب جدا جدا
يبغاله عيشه واهتمام وشلون اوافق بينه وبين العيال والبيت
نفاسي ببيتي تعبت
ت
01-04-2011 | 01:32 PM
ع
01-04-2011 | 01:44 PM
الله يكــون بعونك أختي
أن ششآْ الله غيري يفيدك
أن ششآْ الله غيري يفيدك
ب
01-04-2011 | 02:03 PM
الله ييسرامرج ياقلبي والله كسرتي خاطري ...شوفي ادا راتب زوجج يسمح جيبي شغاااالة ضروري في حالتج لان الصحة اهم شي ماتنباع ولاتنشرى ..والله يجعلج عالقوة يارب ..
w
01-04-2011 | 03:51 PM
الله يعينج الصراحه وايد أوكي هاتي لج خدامه اذا ما تقدرين هاتي الخدامات مال نظام الساعات والله يسهلج
ش
01-04-2011 | 04:08 PM
ياقلبي جيبي لك الشغالات اللي بالاجار <<مثل الحبشيات والارتيريات والافلبينيه
وان شاء الله تفيد
والله ياقلبي انتي اللي راح تتعبين <<هذي عمليه يالغلا
طيب ماتعرفين حريم يسوون اكل ويبيعونه <<توصينهم يسوون لك اكل نفاس
يعني يخف عليك
وان شاء الله تفيد
والله ياقلبي انتي اللي راح تتعبين <<هذي عمليه يالغلا
طيب ماتعرفين حريم يسوون اكل ويبيعونه <<توصينهم يسوون لك اكل نفاس
يعني يخف عليك
ش
01-04-2011 | 04:09 PM
انتي وين ساكنه اسالي احد في قريتك يمكن يعرف ؟؟
ص
01-04-2011 | 04:24 PM
اول شئ بقوله لج ياحياتي الحمد الله على السلامه والله يخلي لج هالاثنين ويتربون بعزج وبعز ابوهم ان شاء الله
انا مستعده اسوي لج نظام بحيث انج راح تقدرين بحيل الله توافقين بين الابناء والزوج والراحه وتحافظين على الصحه بس ياريت تقولين لي شنو نظام بيتج كبير صغير وجم غرفه ومتى دوام زوجج ومتى وقت نومة عيالج عشان اعرف اسوي لج جدول يتناسق مع اوقاتج وان شاء الله اقدر اساعدج
وتقبلي مروري
انا مستعده اسوي لج نظام بحيث انج راح تقدرين بحيل الله توافقين بين الابناء والزوج والراحه وتحافظين على الصحه بس ياريت تقولين لي شنو نظام بيتج كبير صغير وجم غرفه ومتى دوام زوجج ومتى وقت نومة عيالج عشان اعرف اسوي لج جدول يتناسق مع اوقاتج وان شاء الله اقدر اساعدج
وتقبلي مروري
ذ
01-04-2011 | 04:28 PM
الله يكون في عونج الغلا
ت
01-04-2011 | 05:16 PM
انا بيتي صغير وزوجي يداوم 8ويجي12بريك غداء ويرجع مايجي الا 5ونص المغرب
ونوم ولدي وزوجي الساعه 11
اما البيبي يوم يسهر ويوم ينام ماني عارفه
ونوم ولدي وزوجي الساعه 11
اما البيبي يوم يسهر ويوم ينام ماني عارفه
أ
01-04-2011 | 05:25 PM
الله يساعدش وييسر امورش
ق
01-04-2011 | 05:25 PM
ياقلبي الله يعينك ويعطيك الصحه والعافيه
ا
01-04-2011 | 05:43 PM
الله يعينك ويقويكي نفس مشكلتي بابني الاول ولدت بعمليه قيصريه وما لقيت حدا عندي بالبيت بعملي اي شي وحماتي ما كانت كتير بتهتم وحالتي صارت زي الزفت بس ابني التاني رحت عند اهلي اسبوع وكان الوضع كتيييييييييييييييييييييير منيح اكل وشاوربات وفواكه بس اسبوع وكنت كتير منيحه وبقدر اني اقوم باعمال بيتي وباولادي الاثنين والله يقويكي يا رب
ص
02-04-2011 | 12:20 AM
مرحبا رديتلج مره ثانيه بعد ماسويتلج برنامج وجدول يومي يلا نبدأ بس السموحه شوي طويل بس والله التطبيق سهل يلا بسم الله:
بما أن ريلج دوامه الساعه8,00 فاراح يبدي اليوم مثل بداية يوم زوجج يعني راح تصحين الساعه 7,00 على ما تجهزين الفطور اذا اهوا نظام يفطر فالبيت الا صارت الساعه 7,30 يعني راح يأخذ الفطور تقريبا نص ساعه من وقتج بعد ما يفطر ريلج ويطلع من البيت اهني عاد يبدأ يوم البيبي
اول شئ فكرت فيه بصراحه اللي اهو البيبي لان حسيت اكثر شئ متعبج خصوصا وان النوم عنده مو منتظم بس عادي لا تحاتين هذي المرحله كل الامهات مروا فيها واعتقد انتي بعد مريتي فيها واكيد تصرفات طفل عن طفل تفرق بس مو مهم لان مو هذا موضوعنا فمن كثر مافكرت شلون اتغلب على مشكلة عدم انتظام نوم البيبي احترت فشسويت قمت وسويت سيرج (يعني:بحث) في قوقل واللي استخلصته من هالسيرج اشياء مهمه والاهم تطبيقه جدا سهل يقولج ان العلماء اثبتوا ان الطفل الرضيع قادر على التعلم بحيث انج تقدرين تخلينه يفرق بين النهار والليل بما انه طفلج عمره مابين عمر حديثي الولاده وعمر 3 اشهر اذن فهو يحتاج انه ينام من 16 الى 20 ساعه يوميا يعني من اربع الى خمس غفوات فاليوم والليله راح انرتب مع هالمولود مواقيت النوم من بعد اذنه طبعا
يعني اول ما يطلع ريلج من البيت اذا كان صاحي كان بيها واذا البيبي نايم حاولي تصحينه من النوم بتقولين لي شلون بقولج شلون يعني تقومينه غصبا عليه تبطلين الستاره وتخلين النور يتخلخل الغرفه اللي نايم فيها البيبي وتفكين الرباط اوالمهاد عنه وتلعبينه وتداعبينه المهم انه يقوم من النوم بعد ما يقوم خليه ياخذ حمام دافي عشان يصير نظيف ويحس بنشاط الحين راح انقسم مواعيد نوم البيبي بالهطريقه وان شاء الله انها تعجبك
يعني اذا قسمنا 18 ساعه على 5 غفوات راح تطلع حصة كل غفوه ثلاث ساعات ونصف طيب الحين اذا صحتي البيبي الساعه 8,00 صباحا مثل ما اتفقنا غصبا عليه يصحى بعد ما يطلع الوالد اتوحدين فيه
راح تخلينه يرد ينام الساعه 10,30 الصبح
تردين تصحينه االساعه 1,00 الظهر
راح تخلينه يرد ينام الساعه 3,30 العصر
تردين تصحينه الساعه 6,00 المغرب
راح تخلينه يرد ينام الساعه 8,30 المساء
تردين تصحينه الساعه 10,00 المساء (بجذي البيبي راح ينام 10,30 ساعات
والثمان ساعات الباقيه راح ينامهم بالليل )
راح تخلينه ينام الساعه يا 11.30 او 12,00 على حسب رغبة البيبي المهم ما تعدى على الساعة الواحده من منتصف الليل (بجذي نام البيبي الثمان عشر ساعه يعني لانقصنا عن 16 ساعه ولا زدنا على 20 ساعه).
ملاحظه اذا صحى بنص الليل ما يخالف يمكن يكون مبلل الحفاظه او جوعان يبي حليب ومو قادر يكمل نومته ترى الاطفال عشان هالاسباب يصحون من النوم فحاولي اول ما تسمعينه صحى من النوم يبكي اول شئ تفقدي حفاظته يمكن تكون مبتله واذا هي نظيفه فهو اكيد جوعان بس اهم شئ اذا صحى حاولي بانج ما تلعبين معاه وتحسسينه بنشاط كأن الوقت بالنهار حسسيه انه لازم يرد ينام يعني تكون الاضواء خافته ودهيه على ظهره ليمن ينام غطيه باللحاف لان البيبي اذا حس بالدفا راح ينام خليه بسريره وحاولي انج ما تكلمينه او خليه بجو هادي راح يحس بإيحاء انه وده ينام ويدرك ان هذا الوقت وقت النوم مو الوقت اللي يصحى فييه سبحان الله راح يفرق بان النهار يطلع نور والليل الاضواء فيه شبه عتمه الحين خلصنا موضوع نومة البيبي وهذي المصادر اللي خذيت منها الافكار عشان تستفدين اكثر يالغلا:
بما أن ريلج دوامه الساعه8,00 فاراح يبدي اليوم مثل بداية يوم زوجج يعني راح تصحين الساعه 7,00 على ما تجهزين الفطور اذا اهوا نظام يفطر فالبيت الا صارت الساعه 7,30 يعني راح يأخذ الفطور تقريبا نص ساعه من وقتج بعد ما يفطر ريلج ويطلع من البيت اهني عاد يبدأ يوم البيبي
اول شئ فكرت فيه بصراحه اللي اهو البيبي لان حسيت اكثر شئ متعبج خصوصا وان النوم عنده مو منتظم بس عادي لا تحاتين هذي المرحله كل الامهات مروا فيها واعتقد انتي بعد مريتي فيها واكيد تصرفات طفل عن طفل تفرق بس مو مهم لان مو هذا موضوعنا فمن كثر مافكرت شلون اتغلب على مشكلة عدم انتظام نوم البيبي احترت فشسويت قمت وسويت سيرج (يعني:بحث) في قوقل واللي استخلصته من هالسيرج اشياء مهمه والاهم تطبيقه جدا سهل يقولج ان العلماء اثبتوا ان الطفل الرضيع قادر على التعلم بحيث انج تقدرين تخلينه يفرق بين النهار والليل بما انه طفلج عمره مابين عمر حديثي الولاده وعمر 3 اشهر اذن فهو يحتاج انه ينام من 16 الى 20 ساعه يوميا يعني من اربع الى خمس غفوات فاليوم والليله راح انرتب مع هالمولود مواقيت النوم من بعد اذنه طبعا
يعني اول ما يطلع ريلج من البيت اذا كان صاحي كان بيها واذا البيبي نايم حاولي تصحينه من النوم بتقولين لي شلون بقولج شلون يعني تقومينه غصبا عليه تبطلين الستاره وتخلين النور يتخلخل الغرفه اللي نايم فيها البيبي وتفكين الرباط اوالمهاد عنه وتلعبينه وتداعبينه المهم انه يقوم من النوم بعد ما يقوم خليه ياخذ حمام دافي عشان يصير نظيف ويحس بنشاط الحين راح انقسم مواعيد نوم البيبي بالهطريقه وان شاء الله انها تعجبك
يعني اذا قسمنا 18 ساعه على 5 غفوات راح تطلع حصة كل غفوه ثلاث ساعات ونصف طيب الحين اذا صحتي البيبي الساعه 8,00 صباحا مثل ما اتفقنا غصبا عليه يصحى بعد ما يطلع الوالد اتوحدين فيه
راح تخلينه يرد ينام الساعه 10,30 الصبح
تردين تصحينه االساعه 1,00 الظهر
راح تخلينه يرد ينام الساعه 3,30 العصر
تردين تصحينه الساعه 6,00 المغرب
راح تخلينه يرد ينام الساعه 8,30 المساء
تردين تصحينه الساعه 10,00 المساء (بجذي البيبي راح ينام 10,30 ساعات
والثمان ساعات الباقيه راح ينامهم بالليل )
راح تخلينه ينام الساعه يا 11.30 او 12,00 على حسب رغبة البيبي المهم ما تعدى على الساعة الواحده من منتصف الليل (بجذي نام البيبي الثمان عشر ساعه يعني لانقصنا عن 16 ساعه ولا زدنا على 20 ساعه).
ملاحظه اذا صحى بنص الليل ما يخالف يمكن يكون مبلل الحفاظه او جوعان يبي حليب ومو قادر يكمل نومته ترى الاطفال عشان هالاسباب يصحون من النوم فحاولي اول ما تسمعينه صحى من النوم يبكي اول شئ تفقدي حفاظته يمكن تكون مبتله واذا هي نظيفه فهو اكيد جوعان بس اهم شئ اذا صحى حاولي بانج ما تلعبين معاه وتحسسينه بنشاط كأن الوقت بالنهار حسسيه انه لازم يرد ينام يعني تكون الاضواء خافته ودهيه على ظهره ليمن ينام غطيه باللحاف لان البيبي اذا حس بالدفا راح ينام خليه بسريره وحاولي انج ما تكلمينه او خليه بجو هادي راح يحس بإيحاء انه وده ينام ويدرك ان هذا الوقت وقت النوم مو الوقت اللي يصحى فييه سبحان الله راح يفرق بان النهار يطلع نور والليل الاضواء فيه شبه عتمه الحين خلصنا موضوع نومة البيبي وهذي المصادر اللي خذيت منها الافكار عشان تستفدين اكثر يالغلا:
ولي رجعه ثانيه بإذن الله ادري طولت عليج بس والله اختصرت بما فيه الكفايه لكن دون جدوى
يتبع..........
يتبع..........
ن
02-04-2011 | 01:59 AM
ياحياتي الله يكتب أجرك ويرفع قدرك أن شاء الله ومايضيع شي عندالله سبحانه وتعالى
الحمدلله على كل حال والله عانيت مثلك بس ربك رحيم
اول شي يالغاليه جيبي شغاله ضروري بالساعات او تجيك من الصباح وتمشي المغرب أذا قدرتي مثلا" حبشيه أو صوماليه أيا" كان المهم انها تساعدك بالنسبه للبيت في المطبخ والغسيل والكوي والذي منه
ثاني شي الله يعينك في الليل إذا كان عندك وقت مانمتي فيه حاولي تسوين الغداء مثل مكرونه او ايدام خضار او من الأكلات الشعبيه الحارة اللي تصلح للنفاس
وتحطينها بالحافظة وعلى الثلاجة واليوم الثاني طلعيها وسخنيها بس وحاولي تريحين نفسك بعد الغداء والعصر سوي حاجة خفيفه مع الحليب بالقرفه او النعناع واليانسون او تسوي العصيدبالتمر
وهو انك تنقعين التمر في ماء حار لمدة ساعة ثم تصفين التمر وتحطين ماء التمر في قدر ولما يقرب يغلي حطي دقيق اسمر عليه الكميه اللي تبغينها على النظر إذا تبغينها ثقيلة مره او وسط بس لاتجي خفيفه وتخلينها تستوي وتحطي عليها رشة شمر ويانسون وتقدميها وتأكليها بالعافية مع قهوه او قشر قهوه افضل للبطن والعشاء ماهي مشكله لو كان من بره بس يكون ثقيل لأنك نفاس يعني مو نواشف وإلامعجنات اشياء ساخنه واشربي سوائل ساخنه كثير
واكثري من الأستغفار فهو كنز وحل لكثير من المشاكل بحول الله وقوته
واسفــــــــــــــــــــــــه يالغاليه طولت عليك بس ان شاء الله اني افيدك ولو بشي بسيط ودعواتي لك بالشفاء والتوفيق
الحمدلله على كل حال والله عانيت مثلك بس ربك رحيم
اول شي يالغاليه جيبي شغاله ضروري بالساعات او تجيك من الصباح وتمشي المغرب أذا قدرتي مثلا" حبشيه أو صوماليه أيا" كان المهم انها تساعدك بالنسبه للبيت في المطبخ والغسيل والكوي والذي منه
ثاني شي الله يعينك في الليل إذا كان عندك وقت مانمتي فيه حاولي تسوين الغداء مثل مكرونه او ايدام خضار او من الأكلات الشعبيه الحارة اللي تصلح للنفاس
وتحطينها بالحافظة وعلى الثلاجة واليوم الثاني طلعيها وسخنيها بس وحاولي تريحين نفسك بعد الغداء والعصر سوي حاجة خفيفه مع الحليب بالقرفه او النعناع واليانسون او تسوي العصيدبالتمر
وهو انك تنقعين التمر في ماء حار لمدة ساعة ثم تصفين التمر وتحطين ماء التمر في قدر ولما يقرب يغلي حطي دقيق اسمر عليه الكميه اللي تبغينها على النظر إذا تبغينها ثقيلة مره او وسط بس لاتجي خفيفه وتخلينها تستوي وتحطي عليها رشة شمر ويانسون وتقدميها وتأكليها بالعافية مع قهوه او قشر قهوه افضل للبطن والعشاء ماهي مشكله لو كان من بره بس يكون ثقيل لأنك نفاس يعني مو نواشف وإلامعجنات اشياء ساخنه واشربي سوائل ساخنه كثير
واكثري من الأستغفار فهو كنز وحل لكثير من المشاكل بحول الله وقوته
واسفــــــــــــــــــــــــه يالغاليه طولت عليك بس ان شاء الله اني افيدك ولو بشي بسيط ودعواتي لك بالشفاء والتوفيق
ص
02-04-2011 | 11:52 AM
رديت مثل ما وعدتج وراح نرد للجدول مره ثانيه:
من الساعه7,00 الى الساعه 7,30 (تجهيز الفطور واذا فطر وطلع الزوج) وفي وقت يعني الساعه ما صارت 8 للحين تقدرين تتفطرين في هالوقت انا امي كانت مثل قصتج تقريبا امي سعوديه وتزوجت ابوي الكويتي وماعندها احد بالكويت من اهلها وبيت الحمى مو مثل بيت الاهل فكانت شتسوي تحط المردود في حليب ساخن وتشربه تقول انها استفادت من هالطريقه وخصوصا على الفطور.....
من الساعه 8.00 الى الساعه 10.30 (يكونون صاحين الحلوين الاثنين البيبي واللي اكبر منه )تخليهم يفطروا وتفطرين معاهم اذا ما كملتي الفطور المهم حاولي ان البيبي ما ينام مثل ما تفقنا انتي قلتي انه بيتج صغير فإذا في مجال انج تنظفين الصاله وغرفة النوم والحمامات كرم الله السامع نظفيهم لان في هذي الحاله يكونون اولادج قدام عينج وتضمنين سلامتهم لان حرااام صغار لا يغيبون عن عينج ولا دقيقيه .....
من الساعه 10.30 الى الساعه 1.00 (راح تردين تنومين البيبي الاصغير مره ثانيه فراح تاخذين راحتج لان نايم والكبير بيكون صاحي وهذا اخذيه معاج وين ما تروحين ) لاتخلين الكبير ينام عشان موعد غيلولته الساعه 1.00 وبعد ما يتغدى طبعا يجذي ما يتصادف مع وقت قعدة البيبي من النوم وتحتاسين مابين هذا وذاك تسوين الغدا لريلج وتأكدين من نظافة اهم شئ غرفة النوم والصاله والحمام اللي يستعمله عشان ما يحس انج اهملتيه وطبعا ما تاكلين معاه صح لان اكل الانفاس شوي غير عن اكل الناس ونصيحه اخرى لا تاكلين شئ في ريحه الا داخل المطبخ خاصه اذا كان من ادوية الحريم اللي لهم ريحه لان ريحتها ما تروح بسرعه من البيت فأكلي كل اكلج خاصه اللي فيهم ريحه داخل المطبخ عشان ما تنتشر الروائح الكريهه في المنزل ....
من الساعه 1.00 الى الساعه 3.30 (قبل ما تصحين البيبي الاصغير اللي موعد قعدة من النوم الساعه 1,00 خلصي المواعين اللي فالمطبخ حتى لو تغسلينهم وانتي قاعده واشربي شاي اعشاب وراى الغدا وحافظي على نفسج قد ما تقدرين السروال الطويل لا تنزلينه والشرابات اهم شئ عشان تحفظين نفسج من الهوى وشغل البيت لا تشدين على نفسج شوي شوي ما حد لاحقج ولا الزوج راح يعتب عليج اذا انتي نظيفه يوم بعافيتج صدقيني هو بيقدر وضعج بيقول انه هي نظيفه بالايام العاديه بس بهالفتره عشان هي تعبانه صدقيني لا تعبين روحج بتنظيف البيت اللي تقدرين عليه سويه واللي ما تقدرين لا تسوينه وان شاء الله اذا طلعتي بالسلامه تبين تعوضينه بعدين صحي الببيي اذا خلصتي من تنظيف المطبخ واذا صارت الساعه 3,00 نوميه ونامي انتي معاه يعني اخذ غيلوله اذا حستي نفسج نعسانه وحطي منبه يقعدج الساعه 4.30 عشان تصحين الولد الكبير وتصحين معاه اذا البيت نظيف كان بيها اذا مو نظيف حاولي ترتبينه قدر المستطاع لان موعد عودة زوجج الى المنزل الساعه 5.00 شوفي الغسيل راح نخصص له 3 ايام بالاسبوع وهذا راح نشرحه في اوقات غسيل الملابس الجايه .......
لا تغرج الهذره (الكلام الكثير) ترى والله التطبيق اسهل من الكلام بوااااااااااااايد
من الساعه 3.30 الى الساعه 6.00 (البيبي الاصغير نايم وانتي والولد الكبير تقومين عالساعه 4.30 وتستقبلون المحروس ريلج لان وقتها يكون راد من الدوام عالساعه 6.00 صحي البيبي الاصغير من النوم).......
من الساعه 6,00 الى الساعه 8,30 (تصحين البيبي الاصغير والولد الكبير ما ينام عشان ينام الساعه 11,00 بالليل مثل موعد نومته السابقه اذا اليوم مخصص للغسيل مثل ماقلنا 3 ايام بالاسبوع يوم الاحد يوم غسيل ملابس الزوج ويوم الثلاثاء غسيل ملابس الاطفال ويوم الخميس يوم الغسيل لملابسج بس ها ملابسج الداخليه اذا تبللت ولا توسخت فغسليهم من ساعتهم لان اذا تبللوا وما غسلتيهم من يومهم تطلع لهم ريحه كريهه اذا اليوم هذا مو مخصص لغسيل الملابس تقدرين ترتاحين انتي والاصغار وااظن عيالج ما يحوسون وااايد لان بعدهم صغار والولد ابو سنه يمكن حده يحوس بالصاله وهذا مقدور عليه بحيل الله ..
اذا تبين تسوين لج عشاء بما انج بالانفاس لازم تاكلين مرقوق واعرف طريقه سهله لعمل المرقوق الا وهي:
تطبخين مرقة خضار عاديه تعرفيين خبز الرقاق الطري ويمكن يسمونه عندكم خبز مراهيف وتقدرين تستبدلينه بخبز ايراني عقب ما تستوي المرقه تحطين فوقهم الخبز وتغطين الجدر وتخلينه يطبخ لمن ينضج الخبز مع المرق لمدة 15 دقيقه او اقل وبعدين تبدين تدقين الخبز لين يتقطع صغار صغار بس ديربالج على نفسج شوي شوي وبعدين خليه يطبخ على نار هاديه لين يتشرب الخبز المرق ويصير كأنه مرقوق سوي عى قدج وخليه شوي حق الساعه 10 او 11 بالليل هاذي الاكله اسمها عندنا بالكويت محروق صبعا .......
اذا تبين تسوين لج عشاء بما انج بالانفاس لازم تاكلين مرقوق واعرف طريقه سهله لعمل المرقوق الا وهي:
تطبخين مرقة خضار عاديه تعرفيين خبز الرقاق الطري ويمكن يسمونه عندكم خبز مراهيف وتقدرين تستبدلينه بخبز ايراني عقب ما تستوي المرقه تحطين فوقهم الخبز وتغطين الجدر وتخلينه يطبخ لمن ينضج الخبز مع المرق لمدة 15 دقيقه او اقل وبعدين تبدين تدقين الخبز لين يتقطع صغار صغار بس ديربالج على نفسج شوي شوي وبعدين خليه يطبخ على نار هاديه لين يتشرب الخبز المرق ويصير كأنه مرقوق سوي عى قدج وخليه شوي حق الساعه 10 او 11 بالليل هاذي الاكله اسمها عندنا بالكويت محروق صبعا .......
يتبع...........
ت
02-04-2011 | 01:21 PM
الف الف شكر لكم ولكي اختي صبري ندم
ص
02-04-2011 | 03:34 PM
لا شدعوه يا تريزا اوف جوي ما سوينا شئ يستاهل اهم شئ سلامتج واعتبريني وحده من خواتج طيب خلينا نطلع من المهم ونروح للاهم هذي تكملة الجدول شوفي ياتريزا انا مو عايشه معاكم بالبيت فما اعرف وش هي ظروفكم او روتينكم اليومي فأي شئ مو متناسق مع من نظام عيشتكم تقدرين تعدلين في الجدول لمن يضبط مع النظام اللي انتوا عايشين فيه
تكملة الجدول:
من الساعه 8.30 غلى الساعه 10.00 (الحين الغفوه الثالثه للبيبي الصغير لكن احب اوضح لج شئ موهم ترى موشرط تكون الاوقات بالدقيقه والثانيه بمواعيد تنويم البيبي لان شوي صعب لكن حاولي انها تكون متقاربه بحيث انها مقسمه على من 4 الى 5 غفوات بمجموع من 18 الى 20 ساعه ، فمن الساعه 8,30 يرد الطفل الى النوم يقوم الساعه 10 )
الحين بما ان الطفل نام فانتي بتكونين فاضيه عشان تجهزين عشاء ريلج والولد الكبير طبعا انتي لازم تعشين قبلهم احسن عشان تاكلين المرقوق بالمطبخ مع ادويتج اذا عندج ادويه وحطيلهم العشاء ولما يخلصون غسلي المواعين على هونج وشوي شوي ليمن تخلصين غسيلهم بعدين لمن تصير الساعه 10.00 صحي البيبي الاصغير من النوم لان انتهت مدة الغفوه فتكون الحين وقت الساعه العائليه فهذ الوقت بتكونين انتي والبيبي الاصغير واخوه اللي اكبر منه وريلج صاحين والله يجمعكم على طاعته ......:)
من الساعه 10.00 الى الساعه 1.00(ذا صارت الساعه 11 تنومين الطفل الكبير لان هذا موعد نومته والبيبي العبي معاه ليمن يقول بس بحيث انج ما تخلينه يفكر ينام واذا نام ريلج والطفل الكبير عاد هذي فرصتج بانج تروحين تكملين مرقوقج ديربالج لا تجوعين ترى مو زين كل ما جعتي اكلي عصيده في وحده من الاخوات قالت طريقة عصيدة التمر ترى ووايد يمدحونها وزينه واذا في مجال تسوين شوربه على وقت المغرب وتحطين معاها فلفل اسود عشان يدفي بطنج اهم شئ انج ما تجوعيين ولا تخلين بطنج يخلا من الاكل) اذا صارت الساعه 12 ولا 1 هيئي للبيبي الجو الهادي الخافت الاضواء اللي يعطي الطفل إيحاء بأن هالجو الهادي هذا جو للنوم ابتعدي عن الاصوات المزعجه مثل التلفزيون والراديو واذا صوتج جميل حاولي انج تهمسين بإذنه اناشيد او ادعيه وحطيه بحضنج وخليه يدفى الطفل اذا حس بدفا وحنان ينام ودهيه وامسحي على ظهره صدقيني راح يدرك انه هذا الجو للنوم المهم انج تلبسينه بيجامه مريحه ويكون نظيف عشان يرتاح بالنوم ما عليش اذا صحى بنص الليل يمكن يكون متضايق من الحفاظه المبتله او يمكن يكون جوعان غيري الحفاظه وشربي حليبته ورديه للنوم مره اخرى واذا في اي استفسار عن اي شغله موفاهمتها او تحبين تسألين عن اي شغله احترتي فيها لا يردج الا السانج .
ويتربون هالاثنين بعزج وتشوفينهم معاريس ان شاء الله
مع اجمل امنياتي لج بدوام الصحه والعافيه
تكملة الجدول:
من الساعه 8.30 غلى الساعه 10.00 (الحين الغفوه الثالثه للبيبي الصغير لكن احب اوضح لج شئ موهم ترى موشرط تكون الاوقات بالدقيقه والثانيه بمواعيد تنويم البيبي لان شوي صعب لكن حاولي انها تكون متقاربه بحيث انها مقسمه على من 4 الى 5 غفوات بمجموع من 18 الى 20 ساعه ، فمن الساعه 8,30 يرد الطفل الى النوم يقوم الساعه 10 )
الحين بما ان الطفل نام فانتي بتكونين فاضيه عشان تجهزين عشاء ريلج والولد الكبير طبعا انتي لازم تعشين قبلهم احسن عشان تاكلين المرقوق بالمطبخ مع ادويتج اذا عندج ادويه وحطيلهم العشاء ولما يخلصون غسلي المواعين على هونج وشوي شوي ليمن تخلصين غسيلهم بعدين لمن تصير الساعه 10.00 صحي البيبي الاصغير من النوم لان انتهت مدة الغفوه فتكون الحين وقت الساعه العائليه فهذ الوقت بتكونين انتي والبيبي الاصغير واخوه اللي اكبر منه وريلج صاحين والله يجمعكم على طاعته ......:)
من الساعه 10.00 الى الساعه 1.00(ذا صارت الساعه 11 تنومين الطفل الكبير لان هذا موعد نومته والبيبي العبي معاه ليمن يقول بس بحيث انج ما تخلينه يفكر ينام واذا نام ريلج والطفل الكبير عاد هذي فرصتج بانج تروحين تكملين مرقوقج ديربالج لا تجوعين ترى مو زين كل ما جعتي اكلي عصيده في وحده من الاخوات قالت طريقة عصيدة التمر ترى ووايد يمدحونها وزينه واذا في مجال تسوين شوربه على وقت المغرب وتحطين معاها فلفل اسود عشان يدفي بطنج اهم شئ انج ما تجوعيين ولا تخلين بطنج يخلا من الاكل) اذا صارت الساعه 12 ولا 1 هيئي للبيبي الجو الهادي الخافت الاضواء اللي يعطي الطفل إيحاء بأن هالجو الهادي هذا جو للنوم ابتعدي عن الاصوات المزعجه مثل التلفزيون والراديو واذا صوتج جميل حاولي انج تهمسين بإذنه اناشيد او ادعيه وحطيه بحضنج وخليه يدفى الطفل اذا حس بدفا وحنان ينام ودهيه وامسحي على ظهره صدقيني راح يدرك انه هذا الجو للنوم المهم انج تلبسينه بيجامه مريحه ويكون نظيف عشان يرتاح بالنوم ما عليش اذا صحى بنص الليل يمكن يكون متضايق من الحفاظه المبتله او يمكن يكون جوعان غيري الحفاظه وشربي حليبته ورديه للنوم مره اخرى واذا في اي استفسار عن اي شغله موفاهمتها او تحبين تسألين عن اي شغله احترتي فيها لا يردج الا السانج .
ويتربون هالاثنين بعزج وتشوفينهم معاريس ان شاء الله
مع اجمل امنياتي لج بدوام الصحه والعافيه
ا
02-04-2011 | 04:23 PM
الله يكون بعونج .. صبري ندم ما شاء الله عليج في ميزان حسناتج ان شاء الله
م
02-04-2011 | 05:18 PM
الله ييسر عليك
ن
03-04-2011 | 12:56 AM
ياحبيبتي هذا غلط اللي تسوينه كذا بتنهارين لازم ترتاحين وتاكلين وتدفين وتنامين انتي نفاس وقيصري وعندك طفل كمان لازم احد معاك من اهلك ولا من اهل زوجك ولا جيبي خدامة بالشهر تساعدك وضعك صعب لازم تتصرفين ولا زوجك يتصرف ... صدقيني اذا انتي مااهتميتي بنفسك محد راح يهتم فيك ...الله يعينك بس لاتسكتين ..