اللي سوت قيصرية تتفضل عندي كم سؤال؟!

سلامات ماتشوفين شر ياحنيييييين .... بالنسبه للألم انشا الله فتره بسيطه ويروح انتي اخذي مسكنات اللي كاتبينها لج وبالنسبه للمشي لازم اول شيء تمشيين وانتي حاطه ايدج على بطنج فتره بسيطه بس وبتصير الامور كلها طبيعيه يعني مش اكثر من اسبوعين انشا الله انا بالنسبه لي العمليه الاولى بسرعه طبت منها يعني اسبوع وقدرت امشي شوي شوي...اما العمليه الثانيه تعبت شوي وطولت لين طبت منها يعني اسبوعين ويالله يالله قدرت امشي منها .... على العمووم اختي لاتخافين فتره بسييطه وبس بعدها بتكونييين حصان انشا الله عادي تمشين وتركضين ولا تحسيين بشيء بعد ....
بالنسبه للمانع انا ما استخدمت اي مانع لاني كنت ارضع طبيعي ما يتني الدوره الا بعد تسع اشهر من الولاده وبعدين حملت لما كملت سنه ...
انا ماعمري استخمت موانع الا الموانع الطبيعيه مثل العزل لاني كنت اخاف انها تاثر فيني وتسبب لي مشاكل انا في غنى عنها .... بس هالمره انشا الله بعد ما اولد على طول بركب لولب انشا الله ... وبريح راسي

على العموووم الغاليه لاتخاااافييييييين كلها ايااام وبترجعين طبيعيه انشا الله بس تحملي على نفسج ولا تشيلين اشياء ثقيله ...

للرفع

اهلين اختي بالنسبة لي انا ظليت ميودة بطني فترة طويلة يعني يمكن اسبوعين حتى فكرت اني ما راح ارجع مثل قبل

والاستحمام خست ظليت 10 ايان اني اغسل جسمي بس نص

اهم شي تحاسبين لروحش ولا تسوين حركات عنيفة بتشوفين تحسن بعد 25 يوم بس لا تغامرين بحركات خطيرة يعني ترفعين راسش مرة وحدة من على السرير على الاقل لما تطلعين من الاربعين بس بعد الشهرين بتكونين انسانة عادية جدااااااااااااااا

الله يخفف عنش ويقومش بالسلامة

هلا اختي

انا توني والد قيصريه قبل اسبوعين

جاتني الدكتوره ثاني يوم من الولاده قالت بكره لازم تاخذين شور كامل

غريبه انتو تتروشون نص نص

اصلا الوالد تطلع فيها ريحه وبعد ماتتروش تخيس


بالنسبه للمانع ناويه استخدم حبوب رضاعه فتره مع عازل اذا رضى بو الشباب اذا مارضى بستخدم حبوب منع حمل

والالام مع المشي تخف وترووح بس اهم شي تمشين بقد ماتقدرين

مين قال لك تسبحين نص نص أول مره اسمع أنا ثالث يوم جاني الدكتور وتطمن على الجرح وقال لي يالله سبحي عادي وغسلي مكان الجرح بصابون وخليه ناشف دايما لاتخلينه رطب وبالنسبه متى رجعت طبيعيه والله أخذت وقت على مارجعت طبيعيه عانيت كثير بألآم بالظهر خاصة لما اغير لولدي ملابس او غيره وجاني اكتئاب مابعد الولاده لاني تعبت بعد الولاده ومفكره انه خلاص صحتي راحت وماعاد اني برجع مثل قبل بس الحمد الله مريت بتعب كثير خاصة بالرجول كنت اموت لما اجلس وارجع اقوم اتعب بشكل ماتتخيلين وظهري ليومك يورني خصوصا باخر الظهر بالنسبه للمانع اخذت حبوب رضاعه بعدها زهقت لانها لازم كل يوم بنفس الوقت مو اي وقت تاخذينها وهذا زهقني وتركتهم استمريت على العزل لحد ماجاني التهاب وتأذيت منه وتعالجت ورحت فيها والعزل صار فشووووووش رحت فيها وحملت على ولدي مسكين ياعمري توه ثمان شهور والله ضاقت بي الدنيا بس الحمد الله اولا وأخيرا هذا قضاء الله وقدره الله يتمم لي على خير ويرزقني ولاده طبيعيه لاني ماابي قيصريه يارب تحقق هالشي ياقدير ياعزيز بس أقولك اذا ماتبين تتوهقين مثلي وتحملين استخدمي مانع قوي حبوب منع حمل عاديه او لزق وان شالله تناسبك يارب