السلام عليكم ورحمة الله وبركاته
،
،
محتاجة أفضفض ومحتاجة حد يخبرني شو اتصرف،
أنا عمري 26، مو متزوجة، مخلصة دراستي، وموظفة.
مشكلتي بالرجال اللي أنا حامله اسمه!
هو عصبي، ومزاجي، ساعات يكون عال العال، وساعات أتفه شي يعصبه،
ولمّا يعصّب علي كله يتهجم يبغي يضربني!
أنا مو صغيرة! ومو من حق أي أحد يمدّ يده علي،
،
،
آخر موقف صار لي معاه ـ وهو اللي خلاني أتكلم لأني وصلت حدي! ـ هو إنه عصّب علي
وأنا كنت بالطابق الأول، وهو بالطابق الأرضي، وركب فوق يبغي يضربني،
أنا من الخوف ركضت ودخلت غرفة قريبتي وقفلت علي الباب،
هو على باله إني في غرفتي، وسمعته يضرب باب غرفتي وهو يصارخ يبغيني أفتحه!
أنا صادتني حالة صدمة من الرعب اللي حسيت فيه،
صادت ذراعي رجفة، وصارت تتحرك وترتجف لا إرادياً لفترة مو بسيطة،
وأنا ما قدرت أبكي من قلب، هي كم دمعة نزلت، وسكتت،
لكن يدي ظلت ترجف،
ولما وقف الرجفة اللي بيدي،
صادني نفس الشد في وجهي، ومال فمي على جنب،
خفت ورحت المستشفى مع أخواتي، وعملوا لي فحوصات، وركبوا علي مغذي، والحمد لله راح اللي فيني،
لكن الأذى النفسي ما راح،
ما تخيلت في يوم بيصيدني هالرعب اللي بيدخلني المستشفى!
ومن وين؟! رعب من البيت اللي أنا ساكنه فيه!!
،
،
أنا ما أبغي أعيش في هالمكان،
أنا عايشه في رعب!
أخاف بأي لحظة باب غرفتي ينضرب أو ينكسر!
هذا الموقف الأخير صار من كم ساعة،
وأنا بس رجعت من المستشفى دخلت أكتب هالموضوع،
أخذت إجازة مرضية حق بكره لأني ما أقدر أروح الدوام،
هذي مو حياة أبداً!
،
هذا الموقف الأخير صار من كم ساعة،
وأنا بس رجعت من المستشفى دخلت أكتب هالموضوع،
أخذت إجازة مرضية حق بكره لأني ما أقدر أروح الدوام،
هذي مو حياة أبداً!
،
أرشديني,,