من تجاربكم الخاصه لتغذيه الطفل

اولا انا بابتدي بتجربتي
غلطت وايد لما سمعت كلام الانترنت وتسرعت وايد في اعطاء بنتي اشياء غير الحليب لما كان عمرها شهرين دخلت له العصير وبسكويت فورلييز مع الحليب يوميا وهذا خطأ ، وحصلت زف من اخصائين اثنين مال التغذيه كل واحد في عياده مختلفه قالوا لي تو الناس ، التغذيه الصحيحه تبتدي في الشهر السادس . على العموم بديت حاليا بعصير طبيعي برتغال و عنب وكامثره وطماط وجزر وتفاح بجميع الانواع في البدايه كا مخفف بالماء بنسبه اكثر من العصير شوي شوي ازيد لما صار عادي ..
وبسكويت فورليز قمح في البدايه ربع قطعه في مرضعه الحليب ومع الوقت ازيده لما صار واحد كامل في مرضعه وحاولت اعطيه بسكويت غليض بملعقه طبعا لعوزتني بس مستمره في المحاوله.
بديت ااعطيها ملوبا يباع بكارتون على ارز ونوع ثاني على خضارر ونوع ثالث على فواكه ، مكتوب على العلبه اني اخلطه مع الماء لكن انا اضيف له الحليب وفي البدايه اعطيها عن طريق المرضعه علشان تتغذى وبعدها بديت احاول عن طريق الملعقه .
بديت ايضا بالخضار المسلوقه بس مو كثير مثل البطاطس .
حاليا بنتي بتدش الشهر الثامن ومع اي تطورات في الاكل راح اكتبها

sweetqueen;14819276:

مووووووووووضوع جاء في وقته الله يعطيك العافيه على طرح الموضوع انا عمر بنتي ست ر ومو عارفه ايش الاكلات المناسبه لها وكيف اسويها خفيفه مره ولا ثقيله شوي وابي اعرف متى اعطيها وكذا ... ننتظر الامهات العسلات يفيدونا الله يجزاهم الجنه :)

شكرا مره اخرى موضوع رائع ومفيد

F:

العفوا اختي ان شاء الله اكون افدتج ونتشارك تجاربنا مع بعض ، ونتمنى باقي الامهات يحطون تجاربهم . F:

يعطيك الف عافيه على الموضوع المفيد

سندريلا الكون;14823388:
يعطيك الف عافيه على الموضوع المفيد

الله يعافيج اختي

SomeOne1;14823543:

آنه بديت مع بنتي لما دخلت 6 اشهر

الكل كان يقولي عطيها من الشهر الرابع بس ما سمعت كلام احد لانه الدكاترة كلهم يقولون من الشهر السادس

اول شي بديت اعطيها موز اهرسة لها بملعقة واعطيها
وبعد كم يوم عطيتها تفاح بس اهرسة بملعه واعطيها
وبرتقال اعصر لها برتقالة واخلط معاها شوية ماي
لازم في البداية ما انوع في الاكل في اليوم الواحد لانه بعض الاكلات ما تناسب الاطفال وممكن تسبب لهم اسهال ..
بعدها عطيتها الفارليز اذوبة بحليب واعطيها بملعقة
وخذيت لها ميلوبا على قمح اسوية مع ماي واعطيها ..
وفي الشهر السابع بديت اعطيها خضار
افوح البطاطس لين يصير لين واهرسة بملعقة واعطيها
وبعد كم يوم جزر
وبوبر وكوسة
بعدين صرت اسوي كل هالخضار
اقطعهم وافوحهم لين يصيرون لينين بعدين احطهم في الخلاط مال العصير واحط معاهم مكعب جبن كيري واخليهم ينهرسون الجبن يعطيهم نكه حلوة

وجبن كيري اليهال يحبونه وايد كنت اعطيها شوية جبن تاكلة

وبس من الشهر الثامن تقريباً خلاص صرت اعطيها كل شي
يعني صارت تاكل معانا
صرت ما احط فلفل في الاكل علشان تاكل معانا
والحمد الله كل شي كان اووكي والحين لا اسوي لها خلطات ولا شي
تاكل دايماً معانا

F:شكرا على المشاركه والله يخلي لج بنتج يارب ،عندي جم سؤال
لما بديتي تعطينها الموز والاكل المهروس تقبلته من اول مره؟ اشكثر خذ لها لما تعودت على الاكل؟ وهل في طريقه اتبعتيها علشان اتاكلينها ؟؟ يعني البعض يقلون احضن الطفل حتى يرتاح في الاكل ويحس بحنان الام والبعض الاخر يقول لا لازم يكون جالس في كرسي الطعام الخص بالطفل؟ اشرايج؟؟ ، وكم كانت الكميه تقريبا؟؟

نور رائد;14827637:
الله يعافيج اختي


F:شكرا على المشاركه والله يخلي لج بنتج يارب ،عندي جم سؤال
لما بديتي تعطينها الموز والاكل المهروس تقبلته من اول مره؟ اشكثر خذ لها لما تعودت على الاكل؟ وهل في طريقه اتبعتيها علشان اتاكلينها ؟؟ يعني البعض يقلون احضن الطفل حتى يرتاح في الاكل ويحس بحنان الام والبعض الاخر يقول لا لازم يكون جالس في كرسي الطعام الخص بالطفل؟ اشرايج؟؟ ، وكم كانت الكميه تقريبا؟؟

SomeOne1;14829835:

تسلمين ويخلي لج عيالج

طبعاً من اول مرة بدت شوي تتطعمة بس شوي وكأنها تبي تطلعه
او تاكل شوي وبعدين تطلع الاكل وهذا لازم من اول ما تبدين تعطينهم الاكل اول لقمة لقمتين لازم يطلعونه عقب ياكلون ...

في البداية كنت عادي آخذ موزة وبالملعقة أأكلها اهرسها شوي واعطيها
ااذا كان الياهل يعرف يقعد بروحه عادي خليه قاعد ع الارض مثلاً واكلية
آنه كنت اخليها قاعده ع الارض واقعد معاها واعطيها او ساعات اقعدها في حضني واعطيها

واذا كان عندج كرسي للطعام بعد حلوو قعدي البيبي عليه واكلية ...

اتمنى اكون افدتج

واي استفسار آنه حاظرة

مشكورة اختي الصراحه انا استفدت من تجربتج :thumbs_up: عساج على القوه دوووووم

حاظررررررررررررين ولوو

في الخدمة ...

بسم الله الرحمن الرحيم ..

في أولادي اثنينهم نصحوني المستشفى أبدأ أأكلهم من كملوا الشهر الرابع ..
لأن الوزن كان نازل شوي ..

بديت أكطيهم وجبة وحدة باليوم ..

سيريلاك ..
أو
فواكه مسلوقة مثل تفاح .. كمثرى ..
أو
بسكويت مدوب في الحليب ..

لمن كملو الشهر السادس بديت اعطيهم وجبتين .. أو بالأحرى 3 وجبات ..

أول مايصحوا أعطيهم الحليب مدوب فيه قطعة بسكوته ..

بعد شوي أعطيهم سيريلاك ..

العصر أعطيهم فواكه .. تفاح .. كمثرى .. موز .. طبعاً سهل اهرسه وأعطيهم .. في البداية مابيتقبلون بس بعدين عادي يأكلونها كامل ..

الليل ..

خضار + أرز أو شوفان ..

..

طبعاً الوجبة الثالثة أغلب الاحيان ماياكلوها .. يعني وجبتين في اليوم والحليب ..

..

وفي البداية طبعاً تجربين لهم كل اسبوع صنف من الخضار .. وتشوفي الي يسبب لهم حساسية اتركيه ..

الخضار ..

البوبر .. البطاطس .. الفندال (البطاطا الحلوة) .. الكوسا ..

..

بعدين تدخلي الفواكه شوي شوي علشان يتقبلون الخضار أول ..

..

..

وطبعاً بتعانون شوي على مايتقبلون الأكل ..

بس اصبروا إحنا ماربينا روحنا :|..


بعد تقدري تسوي لهم زبادي بالفواكه .. زبادي وتبشري فيه تفااح حلوو ..


..

موفقه ..

قطرة مطر ..

قطرة مطر ..;14833669:
بسم الله الرحمن الرحيم ..



..

وطبعاً بتعانون شوي على مايتقبلون الأكل ..

بس اصبروا إحنا ماربينا روحنا :|..


بعد تقدري تسوي لهم زبادي بالفواكه .. زبادي وتبشري فيه تفااح حلوو ..


..

موفقه ..

قطرة مطر ..

:thumbs_up: هاذي الناحيه اللي قاعده اعاني منها احاول اصبر قد ماقدر لان ماتتقبل الاكل بس قاعده اصر عليها ، حبيت فكره الزبادي مع الفواكه تغير عن الزبادي بنكهات ، مشكورة اختي الله يعطيج العافية

Someone1أختي العزيزة
أنا بنتي دخلت بالشهر الرابع من اسبوع لكنها ما تقعد أبداااا لوحدها ما تقدر ؟؟؟؟ متى يبدأ الطفل يقعد لوحده ؟؟؟؟

طبعا انا هذي اول بيبي ....وانا اعرف انه الطفل يقعد بالشهر السادس ...!!!! انتي شو رأيك من تجربتك ؟