زوجي والمرض

شجرة الاراك;15107050:

حبيبتي الصرع عمره ما كان مشكله في الزواج يكون بالريال ولا يكون بالمره مثلا عندج اختي فيها الصرع للحين ما تزوجت وكثير من الرياييل يو يخطبونها بس من يعرفون انها مريضه بالصرع يهونون وحتى لو خدعناهم وزوجناها بيكتشف انه فيها الصرع وبيردها لنه ليش عاد ترد لنه مطلقه وثانيا لو اهي تطبخ او حامله ولدها تبي تطهره ويجيها الصرع شبيكون حالها ذيك السنه كانت بتسوي الغدى لأنه الوالده كانت بالمستشفى واحنه بالمدرسه فتبي تصفي العيش بالمشخال الا يجيها الصرع بهاللحظه وتكب مرق العيش على جسمها وتشوهة رقبتها وويها شوي وجتفها ويدها بعدفحمدي ربج ان هالمرض بريلج مو فيج والحمد لله ان هالصرعه كلها ربع ساعه وتروح ومع تأقلمج مع الوضع وكلامج الحلو وصبرج انا متأكده انه راح يستجيب للعلاج وحتى الصرع راح يخف عنه

انا بنت عمي جذي بعد كانت تدري انه فيه صرع وانه يتعالج وحتى بعد الزواج لمن كان يتابع علاجه يقوله الدكتور ما شاء الله وايد مرضك خف وبديت تتجاوب ويا العلاج وحالتك وايد تتحسن شنو السبب شنو تتوقعون بسبب صبر بنت عمي عليه وحبها له وخوفها عليه هالشي خله مرضه يخف عليه وايد

فالي اقوله لج اصبري على زوجج اذا كان طيب معاج واحمدي ربج ترى في ناس مرضهم جايد اكثر من زوجج اصبري وراح تنالين الي تبينه