علاج الهالات السوداء بإبر ثاني اكسيد الكربون ((تجربتي))

هاااااي ياا احلى اخوات بالدنيا
انا اليوم راح اكتب تجربتي عن حقن ثاني اكسيد الكربون (( Carboxy Therapy))
وصدقووني رااح اكتب تجربتي بكل صدق واماانه لاني احبكم وابي مصلحتكم
المهم انا عندي هالات سوداء حول عيني مو تحت بس حولها بس صراحه والهالات اللي عندي خفيفه

وانا كسلانه اجرب خلطاات ولا احط كريمات شفت النااس يتكلمون عن هالابر
عشان تعرفوون هالتقنيه شوفو الفيديو هذا
مخالف

رحت عند دكتور جلديه كنت عالج عنده قبل 3 سنوات من حب الشبااب الحمدالله اختفت فسألتو اذا عندهم هالابر قاللي لا مو عندنا واصلا هالتقنيه او العلااج لسى جديد وقال انه يعرف دكتور يعطي محاضرات ودروس عن الابر يعني دكتوور خبره وصفنا عليه وهو الدكتور ((هشام عزام)) في مستشفى أدمه بالرياض
على طوول نزلنا من عنده ورحنا لمستشفى ادمه وفتحنا ملف ب 300 واستشاره ب 300 وماكان في زحمه ابداا المهم على طول دخلنا عند الدكتوور وقعد يشرحلنا عن الحبووب وعن نفسه والمحاضراات ويقول انه بيطلع بالتلفزيون وانه درس هالعلااج في امريكا المهم يمدح نفسه مررررره يعني بالمختصر المفيد انا احسن وااااحد يسوي هالابر
صراااحه احنا ارتحنا له مرره
سأله زوجي هالعلااج جلسه وحده بس صح ؟ قال الدكتوور لا لاازم من 3 الى 6 جلساات قلت للدكتور بس انا الهالات اللي عندي مو قويه قال لاازم على الاقل 3 جلسات كل اسبوعين
توكلنا على الله وقال الدكتور روحو ادفعو عند الاستقبال راح زوجي قالوله 500 قال لكم جلسه قال هذي الجلسه ب 500 والجلسه اللي بعدها 500 زوجي بدا يحسبها 500 ريال ضرب 6 جلسات = 3000 ريال
قلتله لا تخااف انا اصلا حاالتي موو مرره يعني 3 جلساات بالكثير تكفيني
توكلنا على الله ودفعنا الجلسه الاولى
رجعنا عند الدكتوور وبدأ العلاج جلست في كرسي مثل كرااسي عيادات الاسنان ومسحو حول عيني بمسحه طبيه وبدينا ابرتين فوق وابرتين تحت عند كل عين مع كل حقنه احس انه دخل هوااء في جلدي واحسه باارد واحس جلدي ينتفخ حتى زوجي لما شافه قال صرااحه شي غريب استغرقت العمليه 5دقايق وقاللي الدكتووور ((( كل سنه وانتي طيبه )) يعني ينسيني الام الابره (( صراحه الابره شوي تعور ))
عيوني كانت متفخه شوي بس رااح الانتفااخ بعد ساعتين
رجعت البيت واطالع في المرايا صرااحه لاحظت فرق بنسبة 25% وقلت لزوجي صدقني جلستين وخلاااص متأكده

مرت اسبوعين ورحنا الموعد واخذنا الابره الثانيه مالاحظت فرق كثير لان الدكتور عورني غلط شوي بالابره عند تحت عيني اليمين وسااار المكاان ازرق قاللي لا تخافين بيرووح في يومين مر اسبوع ونص ولسى الزراق ماراح بس لما رحت عنده للجلسه الثالثه اللي هي قبل اسبوع راح الزرااق ولا كنت نااويه عليه
الجلسه الثالثه نفس الاحساس ونفس العوار بس طبعا ماغلط مثل الجلسه الثانيه وخلصت وطلعت من عنده وانا وزوجي مو رااضيين ابد حسينا ان الدكتور لما يضرب الابره يخليها شوي مايطول مثل الجلسه الاولى حسينا ان الشغله اكل فلووس يعني اللحين انا بالجلسه الثالثه ونسبة الفرق 25% مالاحظت فرق عن المره الاولى
واللحين جلستي الرابعه الاسبوع الجااي وصرااحه ماادري اكمل ولا لا
وعندي خيار ثاني عندنا بالدمام مستشفى الروضه يقولون فيه هالابر وسعرها 200 او 300 ريال قلت قلت بكمل بااقي جلسات هنا منها أوفر ومنها تعبنا من روحة الرياض كل اسبوعين ايش رايكم
هذي تجربتي من طقطق للسلام عليكم صح اني ماكملت الجلساات بس اذا كملتها وعد اني اكتب لكم اللي يصير اول بأول

واي استفساااار تحت امركم بس ياليت ما تنسوني من الدعااااء