هالمره مقهوره من حاجه غير :(

السلام عليكم ورحمة الله وبركاته


بدخل بالسالفه على طول مع انها طويله شوي بس تحملوني احب افضفض بكل اللي بداخلي في ركني المفضل اللي احس ان كل اللي فيه اخوات لي يشاركوني بكل حاجه تخصني .. وسامحوني لو ثقلت عليكم :( بس لازم اتكلم عشان ارتاح :confused:



انا عندي زميلات دراسه هم يعتبروني صديقه لهم بس انا اساساً ماحبهم وعلاقتي معاهم صحيح كانت كبيره ايام الدراسه وهم دائما يقولون حنا اصدقاء و مدري وشو بس انا بخاطري دائما اقول والله انا ولا بحياتي راح اعتبركم اصدقاء لان مثل ما انتو عارفين كل وحده بعد التخرج من الثانويه يكون عندها اصدقاء وبنفس الوقت ممكن فيه ناس كانت تدرس معاهم بنفس المدرسه تعرفهم كازميلات او عن بعد بس المهم لما رحنا للكليه ايام ماكنا ندرس انا افترقت عن اصدقائي لانهم راحو اقسام غير قسمي وكنت في كليه منفصله عن كليتهم وصارو هم كلهم بكليه وحده بس كل وحده او ثنتين في قسم واحد من الاقسام اللي اختاروها الا انا في القسم اللي اخترته بالكليه المنفصله عن كليتنا الاساسيه مع كذا درست ولله الحمد اربع سنوات بالكليه وتخرجت ولكن اكيد تعرفت على بنات ووصلت معرفتي فيهم الى انهم كانو يجون عندي للبيت يعني اما اعزمهم ولا هم يقولون يبغون يجون عندي كزياره يعني المهم انهم هم يعتبروني صديقه لاني ولله الحمد وفيه معاهم لو وحده منهم تكلمت على الثانيه بشي ماهو زين مستحيل اقول للثانيه وش قالت عنها اما هم طبعا العكس عشان كذا انا ماتعودت على هالبيئه اللي هم يتعاملون فيها كذا فاعتبرتهم زميلات ولكنهم مستحيل يرقون لمستوى الاصدقاء عندي لان فيه كثير من صفاتهم واطباعهم واخلاقهم اكرها كثير بس هم بالمقابل يعتبروني صديقه لهم ويحاولون يتصلون فيني كثير المهم ان حنا بعد انتقالنا لسكن ثاني غير السكن اللي كنا فيه طلبت من اخوي يغير رقم التلفون بس عشان ما يكلموني المهم ان بالصدفه وحده من صديقاتي اللي قريبه مني التقت بوحده من هذول اللي كنت ادرس معاهم فسألتها عني فهذي صديقتي على نياتها على طول راحت قالت لها انو انتقلنا من بيتنا فاطلبت منها رقمي وخذته واتصلت علي وكانت صدمه كبيره بالنسبه لي على الرغم اني قايله لصديقتي هذي اني ماحبهم والسبب في هذا انهم دائما من بعد ماتخرجنا كلمتني هذي اللي كانت تدرس معي وهي طبعا من النوع اللي يحب يثير البنات هي متزوجه طبعا ودائما تتكلم بس عن الزواج فحنا بعد التخرج تقريبا كل المجموعه اللي كانت معاي تزوجو يمكن بس ثنتين بقو ماتزوجو وانا .. المهم انهم هم مايكلمون هالبنتين هذول بس يكلموني انا فدائما كل ماتكلمني هالبنت اللي اتصلت علي تجلس تقولي ايه والله كل البنات تزوجو وجابو عيال حتى فلانه من جماعتنا اللي كانت تدرس معانا تقول وش فيها (ع) ماتزوجت كل البنات تزوجو الا هي ماتزوجت وطبعاً وهي تقول الكلام تقوله لي بطريقه تقهر حتى هالمره لما اتصلت تخيلو حنا من غيرنا رقمنا لنا 9 شهور ما كلموني ومع كذا اول ماكلمتني جلست تقولي فلانه تزوجت وفلانه حملت وجابت عيال وفلانه وفلانه مابقى احد ماتكلمت عنه وقالتلي انه تزوج ونا اقولها الله يوفقهم وهي ترجع وتقول يالله عاد تزوجي هذا كل البنات تزوجو ونا اقولها الله يكتب اللي فيه الخير انا مو هامني كلامها بس اللي قهرني انها تبي تقهرني بأي شكل ونا بصراحه صرت اتحسس مره من هالموضوع ولا احب احد يكلمني عنه احس انه يحز بخاطري لما احس ان احد يبي يقهرني بهالشي مع كذا هذا انا عندي صديقاتي اللي احبهم لو قالو لي ان شاء الله تتزوجين ونفرح فيك بالعكس افرح وانبسط واضحك معاهم بس هذول لا احس بشي يقهرني لما يكلموني بهالطريقه اللي تحسسني ان فيني نقص غيرهم وكل وحده منهم تتباهى انها تزوجت وصار عندها زوج وعيال غير كلامهم عن ازواجهم وانهم سفروهم وراحو وجاو معاهم مع كذا دائما اقولهم الله يوفقكم .. وبس خلصت سالفتي بس من جد ودي اتخلص منها مابي يكون لي علاقه لامعاها ولا مع اي وحده من هالمجموعه مع اني عارفه انها بتعطي رقمي لكل هالبنات وهي قالت انها بتتصل علي عشان تزورني وهذا اللي كنت مابيه بس وش اسوي استحي ولا اقدر اقول حق احد لاتجين عندي والله صعبه مدري وش اسوي وصعبه بعد اقولها كل ماتتصل مشغوله ولا مقدر اخليكم تجون لان لو هي عندها دم لي فتره طويله ماكلمتهم هذا اكبر دليل اني مابي اكلمها ولا اكلم اي احد من هالمجموعه ولا كيف اعطي الرقم لصديقتي هذي اللي شافتها وهي واللي معاها ما اعطيهم رقمي بس ماعندها احساس ولادم والله بجد تضايقت مره لما اتصلت اليوم اكبر صدمه يوم سمعت صوتها :confused: