صووتي وااضح :cool: ؟؟
اوكي
بما إن موعد زواجي قرب :o
حبيت اتذكر معااكم أياام خطووبتي الجميلة واللي صاارت بتبدي عدهاا التنازلي ,, ضايق صدري حيل ونفسيتي أعوذ بالله :I:,,
ذليت أهلي على هالسالفة كلما يقولي أحد شي حتى لو غشمرة عيني تدمع وأصيح أقولهم خلاص انه شهرر يمكن وأروح عنكم وراح تفتكوون مني لاتسوون فيني جذي :'(
عشاان جي حبيت أفضفض لكم وأكتب أول موضووع لي هني :009:
ادعوو لي يابناات بالتوفيق في حيااتي اليديدة
بيكووز انه خايفة حيل من هالشي :(
يوم الثلاثاء 18 مايو 2010 : تاريخ ملجتي
طبعا هاليوم تعدليت تعديل بسيط ,, شعري استشواار عاادي وميكب نااعم وهادي وردي لأن فستااني وردي غامج ,,
الحفلة صارت في بيتنا والحمدلله عدت على خير لولا المنااحة اللي سويتهاا عقب ماطلع من بيتنا
تتوقعوون شنو السبب ؟؟؟!!!
ليش يسلم علي ولا يوم بيصوروونه يود يدي ومارضى يهدهاا :mad:
عااد فديتني اليوم الثاني راحيت الجامعة عيني منفخة من البجي :o
اليووم اللي عقبه العصر وصلتناا هدية على بيتناا
الا حضرة المحاامي متصل لي يقولي شووفي ابووج ولا حد من اخواانج خل يطلع عند الباب :-o
!!!!!!!!!!!!!!!!!!!!!!!!!
كاان شعوور جميل الصرااحة ماتوقعييته :o
يقولي الطاابق الأول كليه انتي بروحج عشاان تمتنين والباقي عطي كل اللي يعزوون عليج :L:
ماعرفيت شقوله الصرااحة كان شعورا رررررررررررائع :o
أما يوم الحفلة اللي هو يوم الأربعاء 26 مايو 2010 : تاريخ حفلة الخطوبة
سويتهاا في مرمريز ( 1 )
قعديت من النووم الساعة 11
جهزيت وع الساعة 2 مشينا من البيت انه وخالتي عشاان موعدي عند بدرية الرونق الساعة 3
سشورت شعري وحدة فلبينية وعقبهاا تمت تسولف معاي بدرية وتسألني شنو تحبين وشنو ماتبين
عيزت معااي الا احط اكستنشن بس مارضيت تقولي شعرج خفيف موحلو تخلينه جي والحشواات مابيطلع مرتب ,, قاليت لهاا ادري ان كريه ومو حلو بس الناار أكره منه بواايد ,, وانتي بشطارتج ومهاارتج بتطلعيتي أحلى بدون الاكستنشن
وبس مسكينة اقتنعت
وعقب سألتني اذا خطوبة ولا زوااج وقاليت لهاا ان ابي شي ناعم وفعلا ماشاااالله بدعت في شعري حبيتني وايد :adore:
وبس خلصييت واختاريت لي اكسسواار لـ شعري ,,
وصار علي كاامل بـ 45 دينار
وطلعينا لي بيت عايشة الريس عشاان الميك آب
أول شي بدت بـ خالتي عشاان تروح القاعة تشوف الترتيبات و تتفرغ للعروس اللي هي احم احم ,, انه :009:
اول ماقعديت الا 4 وحداات داشين علينا ومرتزين جداامي :023:
يبون يشووفوون ميكب عاايشة ع العرووس
انه هني استحييت لأن ماعرف أحد جي يتأمل فيني
واللي تساسر الثانية وتقولهاا شكلهاا توهاا صغيرة وبيبي فيس وكيوت ومايناسبهاا عروس وانه ويهي صاار جي
استحييت منهم حدي :009:
سألتني شنو تبين قاليت لهاا ابي شي ناعم وغيير عن الوردي ولا البني لأن هذي ألوااني المعتاادة فـ ابي لون جريء الا وهو الأحمر ودرجاات البرونزي ,, وقاليت لهاا ماحب الأسود على عيني واايد
اول مابدت فيني جاان تخرررعني وتزفني :-o !!!
ليش ماحفيتي ولا نظفيتي حواجبج
اقولهاا حرااام ومابي أنلعن من أول ليلة بـ حيااتي اليديدة :o
ماوعيتها الا ماخذة المقص وقصت منهم شوي من فوق وحطت لي العجينة اللي تغطي الحواجب وانه ادعي ربي يطلع الميكب حلوو بس الحمد لله يوم بطليت عنووني الحمدلله مثل ماتخيليت روحي واحلى الحمدلله ,,
سوته لي بـ 75 ديناار
اتصليت حق حضرة المحاامي عشاان ياخذني للقاعة وانه حدي متوترة لأنها المرة الثانية بس اللي أكلمه بالفوون ,, وفوق كل ذي هو اللي يبي اييبني من عندهاا وخاالتي راحت عني عشاان تخليه اييني :009:
ربع ساعة الا هو عندي
وصلني القاعة ولبسيت فستااني وطرحتي وبدوا تصوير فيني
عقب شوي دخل حضرة المحاامي وتم يصوور معااي وكل شوي ويهه يصير :adore:
جاااااان يقولون يلا يا حرم المحاامي زفتج :-o:-o
حسيت راسي يدوور وانه اسمع الشعر لأن عقبه زفتي :confused:
تسكرت الاضاءة
وتولعت الشمووع :o
وعلى أنغاام زفة الورد الأبيض للمبدع الجسمي مشيت :oF:
حمااتي بـ نص القاعة سلمتني الباقة
هذي صورة باقتي
والا اشووف خالاتي وحمااتي ومعلمتي مالت الثاانوية ومالت الروضة يرقصوون ع الزفة جداامي
خنقتني العبرة وانه اشووفهم =")
بس يوم وصليت ع الكوشة استلمووني تصوير وتبوس وخلاااااااااااااااااص
لا يعني ماخلصت الحفلة بس انه تعبيت وانه أتيب ع الكيبوورد :lol:
هذي هو صندووق مهري :009:
وهذي شبكتي بـ2500 دينار
وهذي طقمي الثاني بعد بـ 2500 دينار
وأخيرا هذي هي العروس
قولوا ماشالله تبارك الرحمن علي :o
ادعو لي بالتوفيق والهداية والذرية الصالحة لما أتزوج
وأمانة عليكم بناات مابي ولا وحدة تاخذ من الصور ولا راح أحلل أي وحدة تاخذ منهم ليوم الدين
واذا استاهل التقييم ,, ميزااني يناديكم ويستغيث بكم :009: