ولادتي ’ ونفسيتي بعدها تعبت

لا حول ولا قوة الا بالله

الله يجبر بخاطرك يارب ويشفيها لج يااارب

وخلي املج بالله كبير

ياااعمري ربي يصبرج ويهون اللي بيج


شوفي انا كنت راح يولدوني مبكر في الشهر السابع وحكولي عن كل شي ممكن يصير للبيبي وهو في الحضانة بسبب الولادة المبكرة ومن ضمن اللي قالولي عليه الدكاترة نزيف بالدماغ وتوقف التنفس فجأة ولكن هالاشياء صارت مو صعب يتحكموا فيها يعني بإذن الله راح يسيطروا على هالشي


ربي يشفيلج هالبنوتة ويخليها لج ولابوها

اهم شي اكثري من الاستغفار واطلبي منهم انج تدخلين ايبود وتخلي سورة البقرة شغالة جنبها واكثري من الصدقات

اختي تبين اكون معك صادقة :(
إذا هي مولودة بالسادس طبيعي ما راح تعيش الا إذا ربي كتب ذلك
لانها تكون ناقصة اشياء كثيرة
اما اذا بالسابع ان شاء الله تعيش
وكلي امرك لربك وكثري استغفار
وعليك من نفسك
والله يجبر مصابك :(

حبيبتي ربي يجبر بخاطرك ياارب
وتشوفينها بين ايديكِ وربي متيضيع لك تعب يااارب
قلووبنا معاااكِ انتي حاول تدعي لها وتدفعي عنها صدقة وان
شاء الله ربي يسلمها لك

اول شي الله يحفظها لكي ويشفيه اسالي مجربه والحمد الله على مايريد انا بنت ولدتها بالسابع وقالوا معها نزيف فى الدماغ وممكن ياثر فيه بالنسبه لسمع والنظر وقالوا ممكن تعيش معاقه لان درجه النزيف من الدرجه الثالثه ومر شهر وهي تتحرك وقالوا ان اذا راسه كبر نسوي لها عمليه وراسه ماكان يكبر عادي كان وكانت تتحرك وكنت اضم يده الصغيره ومر شهر وهي عادي بعد شهر صارت بنتي ماتتحرك ولاتحرك لاعين ولايد ولا شي من جسمه اثر عليه ودخلت فى غيبوبه مره يقوله لي ومره ميته دماغيا ومافي امل انها تعيش بس ربك اذا قدر شي كان وضعه محرج والى يومك هذا لها 8 شهور وهى على حالها والقلب يحترق عليه بس الحمد الله وان شاء الله يريحه من الا فيه وترتاح ونرتاح تعبنا من المستشفى ومن نظرة الناس ومن كل شي بس ربك كريم وماينسى عبيده انا حامل وان شاء الله ماجوريني على ذلك وانالله يعوضني بخير واضم جنيني بين يدين وان يكرمنا بشفاوه بنتي من لي فيها او يريحها
وان شاء الله حظك يكون احسن وان نزيف ماياثر على بنتك وانك تضميه وتفرحي بخروجه وعقبال ماتزفيها عروسه لبيت زوجها واحتسبي اختي هذا المصيبه واصبري وان الله مع الصابرين ولاتنسي معك رب كريما امره بين الكاف والنون مهما قالوا الطب فهم فقط سبب والشفاء بيد خالقك وان الله يفرجه عليك وعلي وعلى كل مسلم ولاتقلقي ومعليش على ذكر قصتى بس جات على الجرح واخير اتمنى لها بشفاء واعذروني على الاطاله

الله يفرجها عليكم يالغلا
والله يكملها بالصحه والعافيه وتتربى بين يديكم
الله يبعد عنها ان شاء الله ويشفيها
الحمدالله على قضاء الله وقدره

و عليكم السلام و رحمة الله و بركاته...

أول شي الحمد لله على سلامتج و مبروك عليكم البنوتة... الله يحفظها لج و يبلغج بشوفتها سليمة و معافاة بإذن الله...

و ثاني شي، أحب أطمنج إن وضعها طبيعي بالنسبة لجنين ولد قبل أوانه! لأن الأجنة الناقصة النمو تتعرض لمضاعفات بعد الولادة، و تكون مثل ما قلتي نزف في الدماغ أو مشكلة في الأمعاء، و انفصال في شبكية العين! أنا ما أبي أخوفج، بس هذي حالات و مضاعفات معروفة و الأطباء عارفينها و مارة عليهم و تعاملوا معاها كثير!

فبنتج إن شاء الله بين أيدي أمينة، و انتي وكلي أمرها و أمرج لرب العالمين، و أكثري من الاستغفار و الصدقة بنية شفاءها...

و الله يطمن بالج عليها و يردها لج و هي بكامل صحتها...


F:

الله يشفيها يااااااارب يالله الحمدلله هذا شي مقدر من الله لا اعتراض على قدرة الله , والله أعرف وحده زييك ولدت بالشهر السادس وجابت بنت عندها نزيف بدماغها والاحبال الصوتيه متقطعه لانو شفطوها وقت الولاده والحين عمرها 4سنوات سبحان الله وعايشه بس حاطين جهاز براسها وماتاكل الا الاشياء المخلوطه يعني سائله عشان تكون سهله ولاتمشي بس خليها على ربك ,,الله يشفي بنتك يارب وارزقني الولد السليم المعافى لازيادة فيه ولانقصان هذا اخر اسبوع لي بالثامن دعواتك اولد بالسلامه

الله يعافيها ويعفو عنها

ويشفيها لج ويقر عينج بشوفتها ...

ان شاء الله تعيش سليمه معافاه

امين رب العالمين

انا اعرف ثنتين ولودوا في الشهر السادس

مثل حالتج بالطلق و الحمدالله الله كتب ليهم عمر و الحين كبروا

و الثنتين بنات

انتي وكلي امرش الى الله و الله يحفظ بنتج و تكبر و تتعافه

الحمدلله على سلامتك..

والله يشفي بنتك ياااااااااااااااااارب

الله قادر على كل شي
باذن الواحد الاحد ترجع بنتك لاحضانك وهي في صحة وعافية
وخلي ايمانك بالله قوي
ولا تنسين قدرته سبحانه اذا اراد شي يقول له كن فيكون

لا حول ولا قوة الا بالله

الله يجبر بخاطرك يارب ويشفيها لج يااارب

ادعي لها بالشفاء وتوكلي على الله..وباذنه سبحانه وتعالى الكريم اللطيف يعافيها وترجع لك معافاه.. الله قادر على كل شئ عزيزتي انا اعرف وحدة ولدت بالسادس وماشاء الله ولدها بصحه وعافية.. وبنت خالي مولوده بالسابع وما شاء الله طلعت وكبرت وتزوجت وصار عندها اولاد.. واخت زوجي مولوده بالسابع وما شاء الله كبرت وتزوجت والحين حامل الله يتمم عليها.. الله يشفي بنتك ويعافيها ويرفع عنها البلاء وباذنه تشوفيها احلى عروس..

ياقلبي عليك ...

حبيبتي تطمني انا مرت ولد عمي ولدت ف السادس وكانت توها داشه السادس والحمدلله جابت بنت مثل القمر...

وخلوها ف الحضانة والحين عمرها...7 شهور..وطبيعيه الحمدلله...

ربي يشفيلك بنتك وتفرحي فيها

الله يفرج همك وتطلع بنتك بالسلامه لكن اختي اذا طلعتي من عندها قولي
استودعتك الله الذي لا تضيع ودائعه ....يارب اني اودعتك اياها فحفضها واشفها ياشافي
تطلع بالسلامه ان شاء الله

الله يشرح صدرك وييسر لك أمرك..

كل شيء مقدر ومكتوب واللي كاتبه ربي بيصير..

الله يعوضك بخير..

ويقومك بالسلامة..