اللي يبي يخفف وزنه يدخل.اللي يخاف من الرجيم هذه اسهل طريق

السلام عليكم ورحمة الله وبركاته

كيفكم ياهوامير عساكم دوم بصحه وعافيه

طبعا اكيد فيه كثير من اللي يعانون من السمنه حلمهم هو تخفيف الوزن ولكن الكثير منا لايقاوم نفسه عندما يشاهد الاكل لكن اذا طبقتوا البرنامج الله يعينكم على الناس ليش نحفان عسى ماشر .. عموما مالكم بالطويله الرجيم هذا للمعلوميه فيه كبسه

اخوكم كان وزنه 101 وبعض المرات 102

الان الوزن 81

ابي اعطيكم الطريقه اللي طبقتها ونزلت 20 كيلو


اتبع التعليمات التاليه :

1-ابتعد عن الاكل والنوم ..وعدم الشرب اثناء الاكل ..وبعد الاكل الشرب لمدة ساعتين والسبب هو ان المعده خلال الاكل تفرز عصاره تساعد على الهظم اي اضافه سواء ماء او شاي او عصير سوف يخفف من هالماده وتتحول بعض الماكولات الى دهون

2- عند القيام لصلاة الفجر اشرب كوبين كبار ما فاتر على الريق فاتر حتى يشرب دفعه واحده لوكان بارد لشرب على دفعات فبالتالي لا تستطيع شرب كوب واحد استمر على هالطريقه مدة اسبوع سوف تتعود على هذا فتكون من تلقاء نفسك واقف عند البراده الفجر

3-الفطور طبعا تذكر ان الاكل والنوم ممنوع اذا كان عندك دوام او مشوار الصباح اول شي حدد الاكل اللي تاكل يعني نقول 1 خبز بر صغير وسبب التحديد هي القناعه بالكميه والمسأله نفسيه .. المشكله الاساسيه هي اننا نسحب كيس خبز كامل وناكل ولا ندري كم اكلنا خبزه فتحديد الاكل مطلوب في هذا البرنامج.

4- الابتعاد عن اكل التمر كثيرا اي تمره واحده الصباح مع فنجان القهوه والعصر تمره مع القهوه والليل لان التمر يحتوي على سعرات حرارية كبيره

5- الغداء اذا كنت مما لا يقاوم نفسه ومتعود على الغداء والنوم اول ما تأتي من الداوم كل فواكه ونم بعدها تتعود طبعا الغداء بعد العصر عندما تقوم لصلاة العصر تشرب كوب ماء كبير فاتر (اي لابارد ولا حار وسط) بعد الصلاه الغداء كبسة وش رايكم بها الرجيم فيه كبسه طبعا حنا متعودين يالسعودسسن والخليجيين ان الغدا يكون بصحن كبير انت خذلك صحن ما يعادل صحن الشوربه الكبير واملاه رز وضع عليه لحم ناشف اذا كان دجاج من الصدر واذا كان لحم ابتعد عن الشحم اذا انت تحب الزبادي خذ زبادي قليل الدسم وصحن سلطه والاكل بالملعقه والابتعاد عن الشرب اثنا الاكل ..وسبب الاكل بالملعقه ليس ثقافه ..الاكل باليد يؤدي الى تكدس الاكل بالبلعوم مما يؤدي الى الحاجه لشرب الماء وهذا اكبر خطاء في البرنامج .. بعد الانتهاء من الصحن القيام فورا والابتعاد عن الكلام اثناء الاكل لان الاكل مغري ابتعد عنه .

6- الابتعاد عن شرب الشاي بعد الاكل مباشره حيث انني ذكرت من خلال التعليمات عدم الشرب بعد الاكل لمدة ساعتين ..اعط المعده فرصه للهضم .

7- العشاء فواكه في بداية الرجيم كل قد ما تبغى ولاكن ابتعد عن المووز وقبل النوم اشرب كوب ماء

اذا كانت عندك مناسبه المعزب ماهو لازم يتعشى اما اذا كنت معزوم كل بروس الاصابع ابتعد عن الاكل بالخمس وكثر السوالف وابتعد عن شرب الماء والغازيات بعد العشاء لاتشرب قهوه او شاي اذا صبولك قل بس


تمنياتي لكم بدوام الصحه والعافيه
منقوووول
اتنمى يعجبكم موضوووعي ;)
واهم شي الكل يستفيد من النقااط
واللي يعجبها موووضووعي لاتنساني بالتقييم:adore: