اريد حلا انا تعبت

السلام عليكم ورحمة الله وبركاته
انا عمري 23 وصار لي 3 شهور متزوجه
مأساتي بدت من يوم تزوجت
اول شي رحنا شهر عسل كل ما اقوله خل نطلع يقول لا مالي خلق روحي انتي اطلعي وكل مره يقول لا اطلعي انتي ويعطيني الكرت ويا الله روحي بأسلوب مو زين انا عصبت قلت هاذي طرده
اخذت الكرت وطلعت كلمت اهلي وجلست ابكي لاني في غريه واول مره اسافر
ومرت الايام ما احس اني مستانسه صار يهاوش علي ويعصب
ولما اقوله مخنوقه ما اقدر اتنفس بطلع يرفض
المهم مرت علي الايام كأنها حلم بصراحه ما احس اني انبسطت كأي عروسه لاني منصدمه منه وما توقعته كذا رحت ورجعت وانا دمعتي على خدي وما يعرف لاموده ولا حتى رحمه
رجعنا لديرنا رحت لاهلي كم يوم اريح وما قلت لهم اي شي جاملتهم ما حبيت اضايقهم
بعدين رحت لبيتي وصار يوميا يروح لاصحابه وفي الويكند ما يرجع الا الفجر
ارسل له مسجات اكلمه يصرفني واذا رجع يزعل مني ما يكلمني لاني قلت له تعال
وطول الوقت ساكت ما عنده رومنسيه يقول انا ما احب الرومنسه
واذا قلت له ليه ما ترسل لي مسجات قال انا موب راعي مسجات ما احبها
وصاير بارد معاي جنسيا يعني 6 ايام او 4 ايام في الاسبوع ما يلمسني
لو البس له واتعطر له وكل شي ما ألفت نظره مو يمي
وتعبت جاني انهيار عصبي لاني اكتم بداخلي اقوله انا تعبانه مدري شفيني
يقوم يطلع ويقول يا الله بروح انا انام برا عصب لاني ازعجته بعدين عصبت عليه قلت انت صاحي ولا مجنون تعال ودني مستشفى انا مريضه مو قادره اتحرك
وداني المستشفى وصار معاي انهيار عصبي وتوتر شديد
وقلبه قاسي مايرحم
ودايما يزعل واذا زعل علي يزعل على اهلي معاي
واذا قلت له ترا اذا عرف ابوي بتصرفاتك معاي من تزوجنا الى الحين بيزعل عليه بكل برود رد علي واذا
وصاير بخيل بكل شي
ولما امزح ياخذها بجد ويعصب وصرت ما عاد امزح معاه صرت اسكت مثله اقهره ولا انا مو من طبعي السكوت وانا اكثر شي اتكلم معاه ولا اهو ما يتكلم
واول مره بحياتي اصحيه للدوام طردني يقول اطلعي برا بس سبحان الله ربي معطيني قوه قلت ما راح اطلع انت الي اطلع وقام طلع
بعدين اعتذر لي ومشيتها
واذا قلت له ابي شي ولا بشتري شي قال انا حاليا ما عندي امكانيه
اروح للناس وانا وجهي متغير ويديني فاضيه
وبعض المرات لما يسافر للعمل ما يعطيني مصروفي
ولما اكون عند اهلي او طالعه ما يتصل علي الا لما انا اتصل عليه
ما يسأل عني واذا ما رديت من اول مكالمه خلاص ماعاد يتصل يقول لي من قالك ما تردين
ويقول انتي كل مالك وتكونين للاسواء
قلت ليه انا وش قصرت فيه وجباتي قايمه فيها على اكمل وجه
يقول من قالك ان الزواج انك تقومين بواجباتك
الزواج انك انتي الي تشتاقين لي وتسوين كل شي وقلت طيب استحي
والله تعبت معاه كل ما قولها ليش تطلع ليش تروح يقول لي انتي انانيه
واصلا موب شغلك اروح ولا ما اروح وكل مره انا اعتذر منك لكن ها المره ما راح اعتذر
انا والله تعبت معاه اصلا ما ارتحت معاه من اخذته طبعه كرهني فيه
ولما اكون جنبه با السرير وانا تعبانه ابكي لحد الصباح ما التفت علي وقال تبين شي ولا فيك شي ما يحس حتى
وقلت له وصارحته بكل شي انا ما ارتحت معاك انا تعبت انا كذا وكذا وقام يتكلم ولما خلص قفل بوجهي
خلاني اسبوعين ماكلمني
يقول خلو بنتكم تتأدب تتربي
واليوم جاء يقول لا ابوي انا ماقصرت معاها وانا احبها وابيها بس اذا كانت اهي ما تبيني هذا شي ثاني هذا شي راجع لها
قال له ابوي انا عطيتك بنتي لا نك ولد اخوي وما حافظت عليها في غربه والحين مشاكل من بداية حياتكم يا اما امساك بمعروف او تسريح بأحسان وما رد علي ابوي
وانا طلعت عليه وقلت له الي يحب يعذب يذل انت كذا وكذا بكل برود رد علي وقال انا انا
انا وش قلت لك اخر مره قلت تهاوشنا وسكرت بوجهي
وطلع من بيتنا وحتى ما تكرم وعطاني مصروفي
ولا قال ابي زوجتي باخذها كأن ماله زوجه حتى اتصال مسج مافيه
انا الحين خلاص تعبت طفشت من ها الحياة نفسي احس اني متزوجه مثل اي بنت
ودي احس با المحبه والامان من تزوجته وانا مو مرتاحه معاه كرهته
ما ادري وش اسوي مع ها الرجال حتى امه واقفه في صفه مو راضي يتعدل ثلاث مرات زعلت عند اهلي وارجع عشان امي ويوعدني ما يتكرر بعدين يلعب علي
آآآآه هـ والله ماعاد فيني اول كنت ورده متفتحه والحين ذبلانه من الهم