محتاره :(

بسم الله الرحمن الرحيم

السلام عليكم ورحمة الله وبركاته

انا داخـــله من نـك نــيم ربيـعتي ( ربي يعطيها العافيه )

عندي مشكلتين وماعرف كيف اتصرف :hysterical:

انا احب واحد من 4 سنوات طبعا حب من طرف واحد

هو مايحبني او ع قولته يعزني ويقدرني ومرات يقول يحبني ,, انا بس اكلمه ع التيلفون.

هو من النوع الي يحب التغيير او يمل من البنت بسرعه وكل مره يطلعلي بعذر مثل ( بتزوج ,, او بستوي مطوع ) وطبعا ها كله كذب بس يقول جذي عشان ما اكلمه

انا واايد احبه مش حب مصلحه ولا لعب والله حب عفوي بس هو مايحس فيني

ومرات يغلق تليفونه باليومين واخر مره غلق تليفونه اسبوع وكنت ادخل الماسنجر واصيح واتوسله يفح تليفونه هو يقول انا مقدر ويطلع اعذار واقوله بموت من الصياح وعقب طلع من الماسنجر

انا كنت بجن وترقدت بالمستشفى

ويوم ماشافني بالمسن فتح تليفونه :'(

يقول انتي تصلين وتصومين وتقرين قران والاذكار وتكلميني ؟؟ اونه مايسوي جذي

والله غصبن عنيه

وايد عذبني المشكله ماني قادره اودره تعبانه نفسيا وجسديا وحتى مستواي نزل بالدراسه :thumbs_down:

كيف اقدر اودره وابا ارتاح ترا قالي طبعا ما بناخذ بعض يعني مابنتزوج

والله ندمانه اني عرفته تكفين وجهيني للطريق الصحيح ادري الي اسويه غلط :( وحرام بس احبه والله




المشكله الثانيه

قبل 3 سنوات حجزني واحد من الاهل هو يحبني مووت وانا هالوقت كنت ثنويه عامه ومراهقه جوني خطاب وسكت وماعطيتهم رايي موافقه اولا لانه هو حجزني فقط

وهالعام جا بيتنا وخطبني رسمي وانا كارهتنه وحتى كنت اصيح ماباه ويوم كنت اقول حق اهلي ما اباه يعصبون وامي تتعب وتمرض وحاتيني وانا قلتلهم كيفكم اذا تبونه وافقوا المهم ردوا ع الناس ع اساس اني موافقه وانا ماحبه للحين ماحبه معنى ريال مصلي وصايم وطيب وهو ذهب ومايتفوت بس وربي ماقدر اتقبله :thumbs_down: وكلمته ع الماسن عل وعسى احبه بس ماحبيته قلت مابرمسه يمكن اتقبله بعد نفس الشي الا كرهته زود وقبل اسبوع كلمت امي اني خلاص مابا هالريال مابا اظلمه معايه :badly: وهو قال يمكن الملكه تكون ع السنه الجايه ف اجازة الربيع

امي قالت فكري قبل لا تتخذين اي قرار انا صليت استخاره اكثر من 4 مرات ومارتحت عقب ما اصلي اصيييح واتكدر

بعدني مارديت عليهم خبر محتاره



:'(:badly::hysterical:


ادري كلامي متلخبط ومش مرتب اعذريني

وانتظر استشارتج