احس الدنيا طويله في عيني

اختي الغااليه ادري موقفك صعب وحااسه فيك
بس حطي نفسك مكان زوجه ابوك اكييد تتمنين بيت تتصرفين فيه ع كيفك واثاث ع ذوقك ولاتنسين هي اللي راح تدوم بهالبيت وانت بيجيك نصيبك وتتزوجين بإذن الله عاجلا غير اجل وتتحكمين ببيتك مثل ماتحبين
اهم شئ خليك طبيعيه وتأكدي هذا من حقها لانه بيت زوجها ولازم تتقبلين هالشئ لانه واقع
عيشي حيااتك اشغلي نفسك زوري خوااتك وادعي ربي يزوجك قرريب عشان ترتاحين من الافكار اللي تضايقك
وحسني علاقتك مع زوجه ابوك عشان ماتتضايق منك وتأذيك
اسأل الله يوفقك ويهدي باالك ويزوجك يااااااارب

كيف علاقتك مع زوجه ابوك؟

الاخت الغالية (shoarfsky
مشكوره على الرد وجزاك الله الف خير والله يسعدك يااااارب دنيا واخرة وردك اعجبني كثير بس انا احس بغيره لاني كنت انا الاساس في البيت والآن اصبحت هي
اما علاقتي معها علاقه سطحيه انت تعرفي ان زوجت الاب ما تنحب وبنت الزوج ما تنحب هذه فطره من عند ربنا يعني كل واحد فينا عايش في حاله وانا طول الوقت مقفله على نفسي في غرفتي لاني الحمد لله كبيره وما احتاج لها وكل اموري اقضيها بنفسي

اختي شئ طبيعي بتحسين بغيرره لانها خذت مكانك
بس هذا حقها ومثل ماقلت لك حطي نفسك مكانها ماراح ترضين بأثاث قديم
واحسن كذا خلي علاقتك سطحيه وشيلي موضوع البيت من رااسك اريح لك لانك ماراح تدومين فيه
بينك وبين نفسك انتظريالفرج من الله والزوج الصالح اللي يحقق لك كل ماتتمنين

استغفر الله شنهي الفطره الي تعلم القطيعه ياما زوجات ابهات ربو عيال ازوجهم احسن من امهاتهم انتي ما الومج يمكن زوجه ابوج موكبيره وايد وتبي تدلع حبيبتي هونيها حاولي اكسبيها خليها قريبه منك وقتها هي بعد بتصير قريبه منك بس موتخليثنها محل سرك الا هذا الشي مافي شي بعيد على ربنا وان شاء الله يرزقج الزوج وترتاحين

حبيبتي البنات كفوا ووفوا

بس اسمحي لي اعلق على كلامك هذا ..
"" زوجت الاب ما تنحب وبنت الزوج ما تنحب هذه فطره من عند ربنا ""

استغفر الله
تعالى ربنا عن هذا الشي
مستحيل رب عادل ورحيم يفطر البشر على كره او مشاعر شينة مهما كانت
كلنا انفطرنا على المحبة والبراءة وطيبة القلب وحسن الظن
بس الظروف والبيئة والتربية والتقاليد والشيطان وعوامل كثيييير ثانية تغير هالشي في نفس الانسان

واكبر دليل..
شوفي الطفل اللي توه عمره سنة او سنتين..
تتوقعيه يعرف يكره؟؟ يعرف يحقد؟؟
اذا عاملتيه بالاحسان والمحبة والابتسامة الحلوة ,,, تلقيه يحبك ويبتسم لشوفتك حتى لو كنتي غريبة عنه ما شرط تكوني امه او اخته
وهذا حال الانسان بكل مراحل عمره ومع كل خلق الله

الله يخليك لا توهمي نفسك بأفكار قصص سندريلا وقصص الحريم اللي ما منها الا الفساد والحقد
طبيعي جدا البنت تحس بغيرة لما ابوها يتزوج حرمة ثانية .. لأن هذا باباتها وهي دلوعته
بس في الاخير هذي زوجته .. وانت بنته ... كل وحدة منكم لها مكانة خاصة
ولاااااتفكري في يوم ان اي وحدة منكم ممكن تاخذ محل الثانية
هي لها معزتها ومحبتها ومن حقها الرعاية والاهتمام
وانت بعد من حقك تلقي المحبة والاحترام والحنان

وربي اني اعرف شخصيا حرمة.. هي زوجة الاب بس والله والله والله انها تعامل اولاد زوجها كأنهم اولادها
تحبهم وتمووووت فيهم وتهتم فيهم اكثر من نفسها.. وبالمقابل هم يحبوها كثير ويعتبروها في مكانة امهم
وفي كثير من هالحريم صدقيني .. بس المهم انها تكون وحدة تخاف ربنا اولا ... وثانيا ما تحس ان في حد ينافسها او يكرهها.. لأن هالشي يولد حساسيات وهو اللي يجيب المشاكل وسوء المعاملة


وفي الطرف الثاني صدقيني في امهات يعاملوا بناتهم اللي من لحمهم ودمهم معاملة سيئة لأبعد الحدود


لا تحكمي على الشخص من مسمى او شكل او موقف واحد
عاشري الشخص وحاولي تفهميه
واهم شي عامليه بالاحسان وشوفي النتيجة


بصراحة في نظري مصدر غيرتك واحساسك هو تفكيرك السلبي ناحية زوجة ابوك
انا ما اعرف طبعها ولا اسلوب تعاملها معك
بس الدور عليك انت ...اكسبيها .. لا تخلي بينكم هالجفا
عاملي الناس مثل ما تحبي يعاملوك
وربي يصفي القلوب ويلينها



في الاخير هذا بيتها وبيت زوجها ومن حقها تغير فيه
صدقيني انها تغير من باب التجديد والتغيير.. ما لأنها تريد تقهرك مثلا !!
انظري للوضع بمنظور ثاني.. ركزي في الاشياء اللي غيرتها.. اكيد رح تلقي فيها شي حلو
وحطي في بالك لو كان هالتغيير في البيت ((قبل وبعد)) وحدة حاطته هنا بالمنتدى على اساس انها غيرت وجددت في بيتها .. شو رح يتكون نظرتك لهالتغيير؟؟
عادي جدا ... وحلو .. ونوع من التجديد

شو رايك انت بعد تغيري في غرفتك الخاصة وتجددي فيها
هذا شي بيشغلك وبيفرحك وبيحسسك بالراحة
وفي نفس الوقت ممكن يكون مفتاح لمواضيع تتشاركي فيها مع زوجة ابوك وتتناقشوا فيها وكل وحدة فيكم تعطي الثانية افكار واراء بس تذكري,,, هذا بيتها مثل ما هو بيتك
ولا تحاولي تفرضي رايك بأي طريقة

وربي يبعث لك النصيب ويوفقك ويصلح بينك وبين زوجة ابوك :)
واكيد ابوك اذا شاف علاقتك بزوجته حلوة رح يرتاح .. وشو احلى من ابتسامة اب راضي ومرتاح؟؟

اتمنى ما تزعلي من كلامي بس حبيت اكون صريحة معك حبتين واوضح لك هالنقاط البسيطة

حاسه فيكي والله
بس انتي غيري حيااتك ولا تتسرعين في حكمك على مرت ابووكي
يمكن الحرمه طيبه وعشريه وراح تصيرو صديقات وحباايب بدل الوحده اللي انتي فيها حاولي تتقربي يمكن تشوفي فيها خصال حلوووه
وموده واذا شفتي العكس ذيك الساعه ابتعدي وقللي احتكاك فيها
بخصوص البيت اكيييد يا عمري ان مرت ابوكي لها الحق تتصرف ببيتها
لان هي زوجه وام وعندها طفلين يعني شكلها من زمان موجوده ومنها فكرت تغير الاثاث
عادي يا قلبي خذيها بروح رياضيه ولا تحرقين دمك
اعرف ان الاثاث غالي عليكي لانه مرتبط بذكريات في داخلك
بس مردك تفارقين البيت والاثاث لما تتزوجي با الرجل الصالح
حبيبتي الان لا تفكرين بمرت ابوكي ولا البيت ولا اي شئ
اشغلي نفسك بشئ يفيدك وادعي ربك يسعدك ويعوضك خييير
الله يسهل امرك ويسخر لك الخير

حبيبتي انت لازم تتقبلي الوضع الجديد ولازم تتقربي منها وتحبيها وهي اكيد بتكون منيحة معك وبتحبك مو لانك بحاجتها لا انت اكيد مو محتاجه الها بس هاي حياه بدنا نعيشها يعني مش معقول اضلك امسكره على حالك الغرفه طول العمر او لحد ما يجي نصيبك
حاولي تتعايشي مع الوضع الجديد وحسسيها انك مبسوطه على العفش الجديد وانها بترتب بالبيت حتى لو كنت زعلانه على العفش الي قبل انت لازم تتقبليها ومو عشانها عشان ابوكي لانها صارت زوجته وانت ان شاء الله بيجي نصيبك عن قريب وقتها بتحسي كيف الوحدة بتحب انها تكون ملكه في بيتها وتتصرف فيه على كيفها بدون ما حد يحاسبها

جزاء الله خير كل من ردت عليه والله كلامكم صحيح ويثلج الصدر الله يحفظكم ويحرسكم ويوفقكم ويسعدكم يااااااااارب وان شاء الله اسوي بالذي قلته لي مع بنات عروس ما احس نفسي وحيدة لان نصائحكم كلها جميلة وعين العقل

البنات ماقصروا في نصايحهم الي طالعة من قلب وانا حاسة فيك بعد ماكنتي الكل فالكل والراي رايك الحين تغير الوضع بس تاكدي ان كل زوجة من حقها تاخد راحتها فبيتهاوان اقتنعتي بهالشي بتلاقي نفسك متقبله الوضع الجديد بصدر رحب ومملكتك الحين غرفتك غيري فيها الي تبغين وربي يرزقك بالزوج الصالح عاجلا غير اجل وتسكني فبيت لوحدك تغيري وتسوي فيه الي تبغين وربي معاك

جزاكم الله خير اخواتي والله يسهل اموركم والله يسعدكم يااااااااارب والله جبرتوا بخاطري

ماتبينها مب لازم تحبينها بس لاتكرهينها بعد بعدين انتي عندج اخوان صغار حبيهم لانهم مايعرفون الكره يمكن يكونون سندج بهالدنيا حبيهم العبي معهم سولفي معهم اضحكي معهم وهي عادي تجدد البيت وانتي لاعرستي باذن الله بتجددين بيتج
بس لانامو الناس دقي باب من ماتنام عينه قولي تعبانه محتاجه فرج همي وابشري بعزج لانه مايرد من دق بابه وهو الرحيم

{ لاتنظري لزوجك ابوك نظرة انها هي الي خذت مكان امك..~
غضبك منها مو لان غيرت الاثاث الي انتي اخترتيه
غضبك سبب يرجع بداخلك انتي
انها خذت مكان امك الله يرحمها وعقلك يؤمن ان زوجة الاب لازم اذا سوت شي يكون عناد في ابناء زوجها

لكن اختي ...

الدنيا اخرتها موت
والدنيا ماتسوى تتضايقي علشان امور ماتستحق
غيري نظرة الحساسية بينك وبينها
حاولي تصلحين علاقتك معها
وتحسنينها

محد يدري يمكن اذا شفتي الجانب الحلو منها
تحبينها وتندمين ع طريقة تفكيرك هذي
ويمكن بعد ماتتقبلك
كل الاحتمالات واردة

بس انتي لاتعقدي حياتك بسببها
وحطي نفسك مكانها قبل كل شي
واخلقي لها الاعذار

دام المراة مو ماذيتك بشي احمدي الله
ودامه ابوك مرتاح معها خير وبركة
واموركم ماشية تمام

ان شاء الله انتي ماراح تبقين طول عمرك بالبيت عندهم
اكيد بيجيك نصيبك وراح تطلعين منه
ف لاتدققي بكل تفصيل
بكل حركة
بكل كلمة
بكل نظرة عين
بكل اسلوب

خذي الامور بالهون
خليك كووووووول

:)

البنات كفوا ووفوا اقرئي ردودهم اكثر من مره واعملي بنصائحهم وان شاء الله يتعدل حالك الى الاحسن

ادري انك اتضايقتي لما غيرت في البيت بس هيا كمان من حقها هادا بيتها ...اتوقع انك اتضايقتي لان الفرش اتغير عن الوقت اللي كان عليه زمان لما كانت في امك بس انتي عارفه الحياة بتتغير مابتفضل على حال مدام الزوجه كويسه وبتريح ابوكي خلاص لا تسوي مشكله واذا انتي متضايقه لان ماصار لكي دور في البيت فأنتي غلطانه لكي دور ولكن ثانوي يمكن يكون ....لاتنسي اذا انتي كنتي مكانها ايش راح تفضلي ؟؟؟بنت زوجك تتصرف ولا انتي؟؟؟؟؟ الله يصلح حالكم ودنيتكم ويشيل الضيقه من قلبك

شكرا غاليتي على الرد وجزاكم الله الف خير والله يسعدكم دنيا وآخرة ياااااااااارب
وحدة من الاخوات تقول ان اثاث البيت قديم اثاث البيت جديد جددناه انا واختي البيت قبل ما تتزوج اختي وكل اثاثه فخم قبل خمس سنوات وابويه له اربع سنوات من يوم ما تزوج وانت تعرفوا ان السنين تمر بسرعه والبيت دخله قليل واولاد ابويه صغار ما يخربوا البيت وكل شيء جديد واليوم رمت بكل الاثاث الاول.