¨°•√التجمع الخامس : للحوامل اللواتي سيلدن بإذن الله بشهر يونيو (6) 2011 ♥√•°¨

بنت سبتمبر;14783526:
مساء النور شخباركم

قريت الواجب كامل..>>شطورة

ضايق خلقي وزوجي مضيق خلقي اكثر لا يروح شغل ولا هو داري فيني
ياربي فرجك

عفية على الشاطرة الي قرت الواجب كامل
دكري ربج وماعليه الا العافية انشاء الله ورب العالمين يحفظه ويحفظ كل شبابنا

روبي22;14783696:

مبروووووووووووووووووووووك علينا التجمع الجديد

مبرووووووووووووووووووووووووووك ام فاطمة وروز ’’’على معرفة جنس البيبى ,,,انا ابي الحلاااااااااااااااوة لانى قلت لكم ان فيكم بنااااااااااااااااااااااااات ,,,تشوفهم بحضنكم ان شاء الله
مبروووووووووووووووك مس بحرين على معرفة جنس البيبى

هلا حبيااااااااااااااااااااااتى

الله يبارك فيج حياتي

حبوبة زماني;14783985:
مس بحرين
الحمد احنا بخير وصحة والله يعينك على الدوام وبالعافية عليك الايس كريم
ان شاء الله تكملين اغراضك وحلووووو الثيم تغييير

نيغار

وعليكم السلام والرحمة انتبهي لنفسك وربك كريم يصلح الحال بحق محمد وآل محمد
الحارق من دخلنا السابع زايد امس مارتحت الا يوم رجعت بعد كنت شاربة بيبسي وزاد عليا

unlimited
احنا الحمد لله بخير جعلك بصحة وعافية
والنوم صار بالحسرة علينا كلنا ربك يعينا

xxRosexx
ماتشوفين شر اختي بعيد الشر عن
وبالعافية المشتريات عليك وعلى البيبي

بنت سبتمبر
مساء الورد احنا بخير الحمد لله
ربي يفرج عنكم

روبي22
ربي يجعله تجمع خير علينا وعليك اجمع

دووم يارب اتكونون بخير وصحة
الحمدالله على كل حال صج الدوام متعب بس هالايام محتاجة له عن تغير الجو اشوي
انشاء الله يارب اكملهم وافتك شكرا

نوارة الحياة2;14784199:
السلام عليكم

روز اسم الكالسيوم اللي اخذه (استيوكير) وهو مو بس كالسيوم في مجموعه فيتامينات مثل الماغنسيوم والزنك وفيتامين د
وماتشوفين شر انا بس انام خلالالاص عظام الحووض تعووور كل اشوي اقلب الجهه الثانيه

مس بحرين مافهمت شنو الثيم اللي تقصدينه ^_^ وماتشوفين شر حبوبه وزين سويتي ريحتي ومارحتي الدوام اهم شي صحتك

نيغار الله يعينك على الحارق ممــــــــل واحسن حل له الحليب البارد او آيس كريم بالفانيلا

زخت مطر الحمدلله انك تطمنتي على البيبي واستمري على اهتمامك عشان ماينزل عندك الحديد

بنت سبتمبر انا من الشهر السادس بدأ يصير معاي مثلك خخخخخ كل اشوي يتجمع الجنين في جهه وحدة صحيح يكتم على النفس انا لصار كذا امسح على بطني لين يعدل وضعه

برلينت ههههههههههه ضحكتيني اي والله خلاص ماعلي منها بواصل ان شاء الله على الكالسيوم

قمر شخبارك ياعسل

تومي وام فاطمه و حبوبه زماني وبقيه البناات شخباركم كروشات

توني شارحته بس ولا يهمج ادا قريتي ردي عن الثيم ومافهمتي قصدي ساليني و من عيوني
مشكورة حبيبتي

xxRosexx;14784999:
سلاااام يااااحلوين

اليوم العصر رحت ايضا شريت كم غرض وصورتهم وترى التصوير مفييييد علشان تقدرين ترجعين للي شريته من غير ماتحوسين الاغراض

جلااابيات الرضاعة للاستقبال اخذت وحدة بيج وحده بطيخيه وكل وحده فيهم قطعتين





ثياب قطنية للبيت حق البنوته حبيتهم مريحين



طقم ابيض حبيت اللون وشكلي بضيف له اضافات ويصير مميز



فوطة و شنطة فيعا مقص اظافر و ملعقة للدواء وميزان حرارةو الرابع بعد حق الدوا



حابة اعرف رااايكم :D

حلوين وعليج بالعافية ملبوسة الهنى انشاء اله لج وللبيبي

ToOoma ToOomy;14785018:

بنات شخباركم

انه اليوم مو زينه كلش....... من صبح الالم حاولت اتغلب عليها بس الحين زايده

واحس الالم طلق.... كل ما امشي ازيد ... وبيبي متحجر.... ونازل بطني تحت.... ويرفس على مثانه احسه بيطلع

ودي اتصل حق امي وصيح.... وخاطري اروح لها بس وضعنا يخرع شسوي مو قادره مابي اولد

ادعو لي وين اروح مافي مستشفيات امان

ماعليج شر خيو هاي لانه نفسيتج تعبانة
اتوقع اتروحين التخصصي امان
لا تخرعين امج حرام مسكينة بتقعد اتحاتيج انتي ريحي وريحي اعصابج لا تطالعين الاخبار

هلا فيج اختي ومنورة التجمع مجنونة انا

حبوبة زماني;14788125:

مس بحرين;14788692:
هلا فيج اختي ومنورة التجمع مجنونة انا

Unlimited

هلا والله يمكن من ضغط البيبي حبيبتي

برلينت

اسم الله عليج ياقلبي

شجرة الاراك

انا ماحسيت بالحركة عدل الا بداية السادس
والله يسهل عليكم

حبوبة

تسلمين ياقلبي

Qamaar

علينا وعليج

مس بحرين

اها حلوة الفكرة ما شاء الله

العهد

جمعة مباركة علينا وعليج
بالنسبة للتجهيزات واخيرا بديت وحطيت الصور اتمنى تشوينهم يهمني رايك حبيبتي

مس بحرين

الله يعااافيج ياقلبي

اليوم ما ادري ليش ماحسيت برفسات قوية

احس باهتزاز يعني رفه بسيطة بس تهز بطني

اول مرة احس بكذا

om eyas حبتك العافيه ياااقلبي خجلتيني >.<

مس بحرين فهمت قصدك يالغلا وحلوووووة الفكرة وتغيررر عن الوردي

تومي وزهرةالرمال وان ليمتد الله يكون في عونكم حبيباتي والله يفرج عنكم وتنزاح هالغمه والألم اللي فيكم كلها من التفكير
وطبيعه الشهر السابع تجي آلام فترة وتخف لاتحاتون

العهد لاتأجلين تحليل السكر ضروري تسوينه عشان تطمنين انا ان شاء الله الاثنين عندي تحليل والثلاثاء الموعد مع نتيجه التحليل

روز ياحسافه هالمحل اول مرة اسمع فيه مااظن عندنا بالاحساء تتهني فيها وسعرها ماشاء الله حلووو
انا شفت جلابيبات يشبهون لموديلها بس عشان اكمام ماخذت خخخ تدرين بنولد في عز الصييف وانا ماتحمل الحر

برلينت وووي ذكرتيني بالذي مضى انا كان يجيني جاثوم ررررررعب بالموت اقدر اتحرك واسم الله عليك والله يطول بعمرك

______________

اخباري انا من امس لليوم زاااااااايدة علي حساسيه الحمل

كلا احك قطعت جسمي >.<

الليله زواج بنت عمي وماظنتي بروووح لان حتى عيوني ساعات تجي فيها حكه

المرهم اللي كتبته لي الدكتورة من الشهر الرابع اول مابدأت الحساسيه معاي ودي ارجع له بس اذكر كلام الدكتورة قالت مو زين كثريته حدك اسبوعين وقطعيه

مادري شالحل ياااربي لازيت زيتون نافع ولا مرهم احترررت

من زد الحكه جلست الصبح وانا احـــك ولا خفت الا يوم غسلت جسمي بالغسول

توته الصغيرونة
هلابك توتة احنا الحمد لله انتي كيفك؟؟ يمكن يعملون لك تحليل سكر بس انتي ماتدرين انا يعملون لي
مع الدم بس وانا صايمه مايعطوني المحلول اللي يقولون عنه حتى ببنتي ماسوه لي بس لما سالت
قالت احنا بس وانتي صايمه لو بين ان زايد في الصيام مو طبيعي نعمل لك بالمحلول نتاكد
xxRosexx
هلا شخبارك مشترياتك روعه تتهني فيهم انتي والبنوته
ToOoma ToOomy
احنا الحمد لله طيبين انتي شخبارك وماتشوفين شر لا تفكرين كثير علشانك وعلشان البيبي
ادري انه صعب انك ماتفكرين بس حاولي تبعدين عن الاخبار وكلما سمعتي خبر يضايق
اقري قرآن والله يفرجها يارب ودامك صرتي احسن ان شاء الله ربي يتمم لك ولنا على خير ومانولد الا بشهرنا يارب

حبوبة زماني
هلا شخبارك وشو مسويه كاني جيت وماطولت عليكم الانتظار ههههه شخبارك وشو عامله
الله يحفظك يارب وماتشوفين شر التحجر الحمد لله ماجاني هالمره بفطوم كلا تتحجر تجنني
هالمره الحركه اقل والتحجر جاني يمكن مره وبسرعه راح
مجنونة انا
هلا وغلا فيك نورتينا والله وربي يؤزقك بالبنوته الحلوه وتقر عينك فيها يارب

زهر الرمال
يارب تفرج عليكم وينصركم ويحفظ شبابكم وعيالكم هو الكريم يارب

om eyas
اهلين كروشة
عاشت الاسامي اللي انتي مختارتها وايد حلوووة الله يتمم لك بخير
unlimited
صباح النور والسرور كروشة وماتشوفين شر والالام كلها بالشهور الاخيرة عادية تصير ارياح استقبال وتوسع لانالرحم ضاق على البيبي بعد كبر
مس بحرين
الحمد احنا بخير وصحة والله يعينك على الدوام وبالعافية عليك الايس كريم
ان شاء الله تكملين اغراضك وترتاحين من التسوق
نيغار
وعليكم السلام
الحارق من دخلت السادس وانا اعاني خاصه وقت النوم بس احط راسي بنام احس بالنار تصعد في حلقي
وارفع راسي احس ابي ابرد علي ونسيت لما رحت عن اقول للدكتوره لان بنتي عطتني دوا وخفف علي لازم
الموعد الجاي اقول لها وانتي بعد خبريها وماتشوفين شر

برلينت
صباح الخيرات برلينت كلها كوابيس بعيدالشر عنك ربي يحفظك ويحفظ لك بنوتتك وتربينها بعزك وعز ابوها
والجاثوم كريه كريه يضايق تحسين ان خلاص روحك بتطلع وخاصه احيانا لو رديتي ونمتي يرجع عاد هذا اكره شيء

شجرة الاراك
هلا بك زوود اختي احنا الحمد لله وجمعة مباركة علينا وعليك اجمعين
الجنين يتحرك اما في بداية الرابع او يتاخر في ناس مايحسون الا بالسادس لو تحرك بدري ولد ولو تاخر بنت كلام امهاتنا
وشكله فعلا صحيح
Qamaar
شخبارك ياكروشه وشو عامله مع البوبو ورفساته وشقاوته

بنت سبتمبر
مساء الورد احنا بخير الحمد لله انتي كيفك وكيف الاوضاع وكيف الكروشه كبرت ولا لسه ؟؟
ربي يفرج عنكم
زخت مطر
الحمد لله تطمنتي على نفسك وعلى البيبي وهذا اهم شي وديري بالك على حالك
العهد
هلاااااا وغلا شخبارك ؟؟
روبي22
هلا شخبارك الله يبارك فيج اي طلع كلامك صح يالله علمينا كيف عرفتي علشان نتعلم خبرات :)
وحلاوتك دعوة لك بتسهيل الولاده ان شاء الله وتقر عينك بشوفة البيبي في حظنك
زهر الرمال
ياقلبي شخبارك ولا تفكرين وكلي علشانك والبيبي مو زين لكم
هلا نوارة الحياه
شخبارك يالغاليه ماعليه تحملي بروحك وحاولي ماتحكين قدر ماتقدرين
ذكرتيني بزوجة اخوي كذي تعبت وحالتها حاله تحك وجلدها تقطعه كلا دم
والله حالتها كسيفه كلا من جساسية الحمل الله يعينك يارب
وماتشوفين شر

ابتهال الروح بنت الروضه رقة عروس تحبكم كلكم

جعفريه ثلج ونار عيون احمد اين ونوار وباقي الامهات المختفين

وينكم شو اخباركم ان شاء الله تمام طمنونا عليكم

العهد
مساء النور والسرور وجمعة مباركة علينا وعليك يارب ولك العافية معنا يارب
ولاتتاخرين عن تحليل السكر ترا مو زين لك وللبيبي وان شاء الله يطلع كويس
وربي يسمع منك ويفرج عنهم ويزيل غمهم

xxRosexx
طبيعي تقل الرفسات بسبب ضيق المكان
ويمكن البيبي نايم ويتحرك براحته


نوارة الحياة2
ماتشوفين شر نوارة وربي يخفف عنك بس لازم تروحين الدكتورة أنا بنت خالي كانت كذا وقطعت جسمها حتى بعد الولادة ماراح
وروحي الزواج على الاقل تغيرين جو وتلهين عن اللي فيك

أم فاطمة
هلا بك اختي احنا متحملين كل شيء بعد وش نسوي كل يوم يطلع شيء مرة حكة مرة تحجر
مرة عظمة العانة بتنفك يلا الله يعين ويسهل علينا اجمعين يارب

شكرا كروشات على الرد. . بس عندي سؤال يعني شنو ريح استقبال??

سلام كروشات

شخباركم؟

انا الحمدالله اخباري بخير وقاعدين كله بالبيت
رحت يوم الاربعاء موعدي والحمدالله كان كل شئ تمام سمعتي صوت نبض البيبي وبعد المركز جابوا جهاز سونار
وقلت لها راويني بشوف البيبي وراوتني الراس والقفص الصدري وقلت لها اكدي لي شنو جنس البيبي
قالت انا مااعرف اقول لش لاني مو اخصائية،بس البيبي وضعه بخير الحمدالله
وكان ضغطي نازل وماعطتني شئ له، بس اكيد نازل بسبب الاوضاع والنفسية تعبانه

وعن التجهيزات انا اكتفيت باللي اشتريته لانه الاوضاع ماتسمح لواحد يروح يشتري ويدور
توزيعات اذا انفرج الوضع انشاالله بسوي، واذا ماصار خليها لوقت العقيقة
بعوض البيبي في العقيقة بسوي شئ معتبر انشاالله
وانشاالله تخلص الازمة بسرعه ونعيش بامان

النوم طاير مني وكله جسمي يتورم عليه ويصير فيني شخوط ولا اقدر انام من فخودي
واذا بنقلب لازم اقوم اقعد وانقلب، النوم كلش متقطع
والله مشتاقة انام ساعتين متواصل من دون الم ولا اروح الحمام
الله يقضي هل الشهرين على خير

نوارة

صح كلامك فكرت بهالشي بس انا دائما احس الكم يعطي هيبة للجلابية ههههه
بس ناوية اشتري بعد وحده نص كم كشوخة و قطعة وحدة حق المستشفى اريح

ام فاطمة

تسلمين حبيبتي

حبوبة

ايوه شكله كذا ضاق المكاان

بنت الروضة

هلا وغلا حبيبتي مشتاقين لج

اي والله الله يعدي هالشهرين

ما اتخيل نفسي مو حامل تصدقون اليوم قعدت افكر اشون كنت خفيفة وبدون الالام ولا تعب
الله يسهل علينا

روز
تم التقييم خيو وانشاالله ملبوس العافيه

توما
لا انشاالله مو ولاده وخلي بالج على عمرج وادا بتولدين روحي جدحفص اهون

ام فطوم
هلا خيتو شخبارش وشخبار اخت فطوم القمر

مجنونة انا
ولكم خيتو بينا

برلينت
الجاثوم يقتل؟؟؟ والله اول مره اسمع لاتخوفيني خيتو :( بروحي اخاف منه

العهد
هلا خيتي والله مافي تجهيزات الى الحين انشاالله الله ينصرنا وبعدها بنشوف سالفه التجهيزات

بنت الروضة
الحمدلله تطمنتي على البيبي ومثل ماقلتي انشاالله تعوضين في العقيقه واصلا التوزيعات شي مو مهم اهم شي صحة البيبي

ابتهال الروح
انا صديقتي من جم اسبوع ولدت في جدحفص ما كان في شي غير التفتيشات طبعا وبس حالات الولاده مسموح تدخل المستشفى
وعلى المستشفى الخاص اليوم امي قاعده تقنعني اولد في ابن النفيس واغلبية الي يولدون يروحون هناك



الحين دوري :)

اليوم الحمدلله عال العال البيبي بخير وانا بخير والي مخفف علي وجود امي واخواتي معاي وصحيح الي قال رب ضارة نافعه لوما تحولت من شقتي جان الحين انا في وادي وبيتنا في وادي ولكن الحمدلله على كل حال

مثل ماقلت الى ابتهال الروح اليوم امي قالت لي تبيني اولد في ابن النفيس ياريت الي تعرف تعطيني معلومات وشلون الحجز ومن هالسوالف واهم شي الاسعار شلون؟؟؟