ولاده طبيعيه بعد قيصريه

انا ولت من 9 شهور قيصريه وهلأ حامل 4 شهور وقالتلي الدكتوره ممكن اولد طبيعي وما احتاج لعمليه وان شاء الله بتولدي طبيعي والف مبروك الحمل الله يتمملك حملك على خير وسلامه

انا وحده من الأهل ولادتها الأولى كانت قيصريه والثانيه الله يسر لها الحمدلله طبيعي وان شاء الله يرزقج الله بالولاده الطبيعيه

الله يبشركم بجنات النعيم آآآآآآآآآآآمين يارب بسالك اختي ماعندي اللي من اهلك كم بين ولادتها الاولى والثانيه ارجوا الرد ضروري

اختي بنت خالي والدة طبيعي بعد قيصري رغم ان ولدها كان عمره 6 شهور

ارتاحي يا حلوه ولا تفكرين الله يكتبلك الي فيه الخير اذا الله قدر لك تولدين طبيعي ان شاء الله انا ولدت الااول قيصري والثاني الحمدلله طبيعي وحده من العايله ولدت قيصري وبعد الا اربعين حملت وانا ماطولت بعد القيصريه وحملت
لا تخافين الله يسهل عليك امين

هلا .... عااااادي اختي لاتخافين انا ولدت ببكري قيصري وبعدين ولدت طبيعي ببنتي الثانيه .... لاتخافييييين ولا تحاااتين توكلي على الله .... وخلي ايمانج فيه قوي

الله يجزيكم خير رفعتوا من معنوياتي أم تشتوش كم تميتي بين الاول والثاني

وين الردود بنتظاركم لاتخلوني تكفون

اذا كان سبب الولادة القيصريه انو الحوض عنك ضيق فاحتمال انك تولدي قيصريه كبير بس اذا كان انو الطفل ووضعه بالرحم ما بيسمح انك تولدي طبيعي فيمكن انو بالحمل التاني تولدي ولادة طبيعيه والله يقومك بالسلامه

عادي يا قلبي لا تخافين أمي جابت بكرها بعملية وبعدها ست ولادات طبيعية..

ادعي ربك كل هالفترة واللي كاتبه ربي بيصير..

الله يتمم لك على خير..

الله يجزيكم خير على الردود ان شاء الله بحط اعتمادي على الله اول شي وبتوكل عليه ابي منكم الدعوه الصادقه

حبيبتي يعتمد على سبب الي ولدتي فيه القيصرية
يعني لو كان بسبب ان البيبي وضعيته غلط فهالمره عادي تولدين طبيعي
بس اذا كان السبب ان حوضج صغير وقت الولادة فالامل ضعيف انج تولدين طبيعي
بس احيانا الدكاتره يلجأون للقيصرية للمره الثانية اذا ما التأم الجرح القديم وهو في حالة ان الوحده تحمل في اقل من سنة من الولادة القيصرية السابقة
بس لاتنسين قدرة الله فوق كل شي
والله يكتب لج الي فيه الخير وتولدين طبيعي

آآآآآآآآآآآآآآآآآآآآآآآآآآآآآمين الله يسمع منك يافوفو البحرين انا الحمد الله الحوض عندي مو ضيق الرحم انفتح عندي 4سم بس ونبض البيبي ضعف عشان كذا قيصريه الله ييسر لي ولكل حامل الحمل السليم ويقومنا بالسلامه

هلا اختي تفاحه مرتاحه .... انا يوم حملت ببنتي الثانيه كان عمر الاولى سنه وثمان شهور ... بس الدكتوره قالتلي عااادي اذا عمليه قيصريه اولى عادي بعد سنه تحملين او حتى ست شهور المهم ست شهور والجرح يلتأم بس هو يقولولج سنتين عشان تكونين مرتاحه اكثر ...والرحم يرجع لطبيعته شوي ... عادي اختي توكلي على الله وماعليج من شيء..

انااا صاارلي والد بعمليه قيصريه 6 شهوور والحين حااامل بشهر الثالث ماشاء الله بسس بختاار عمليه على طووول لاني اخاف من الولاده الطبيعيه

ماانصحك بالولاده القيصريه والله والله انهامخاطرها كبيره بس احنا نستهين فيها ناس والله انهم راحوا فيها بسبب القيصريه والله وحده تقول وحده توفت بسبب انها مسويه قيصريه والمستشفى ماعقموا الادوات بعد عمليه قبلها ووحده سودانيه اذا كنتي سمعتي عنها بالجبيل حتى الجرايد كتبوا عنها طلعت من الولاده القيصريه ماتسمع ماتشوف ماتتكلم مايندرى شنوا سواا فيها حسبي الله ونعم الوكيل ماتدرين شنوا يسوون فيك لكن الطبيعي كل شي قدامك وغير كذا مذهبه للصحه صحتك تنتهي وانتي بعز شبابك والله جد اتكلم انا لما جربتها تعبت وليومكم تعبانه الحمد الله على ماقدر الله بس الشي الطبيعي اللي من ربك هو أفضل شي وانتي لك الخيار