بنتي تعودت وبعدين بطلت

سلام لكل العرايس
عرايس بدي من الامهات يساعدوني,بنتي صار عمرها سنتين ,انا بدات عودها الجلوس عكرسي الحمام من وقت كان عمرها سنه ونص,كنت اقعدها شوي من فترة لفترة مش بهدف التعليم بس مشان تتعود وتبطل تخاف من الجلوس عالكرسي.وهلاء صار عمرها سنتين ومن حوالي شهر بدات اعلمها انو لازم تعمل الكاكا والبول في الحمام والحمد لله من اول يوم بدانا وهي مبسوطة وكل ما ارادت التبول او الكاكا تخبرني وادخلها الحمام ,اول اسبوع كان رائع وما فه اي مشاكل واستغنيت عن الحفاظ كل النهار وصرت احطو بس وقت النوم.بس بعدين انا مرضت فصارت لما تطلب الدخول للحمام الهيها باي شي او اعمل حالي مش منتبهة عشان تعملها بالحفوضة لانو كنت مريضة وما بقدر اقوم كل شوي ادخلها الحمام.وهلاء لما تعافيت وبدي ارجع عودها ملاقية صعوبة,بضل كل شوي اسالها اذا بدها الحمام وهي بتقول لا ومرات بكون بعدني ساءلتها وبتقول لا وبتعملها عحالها,ومرات قليلة اللي صارت تخبرني اذا بدها الحمام.كيف اخليها ترجع تتعود وتخبرني بحاجتها للحمام؟؟؟ حاستها اختلفت كليا بالاول كانت من حالها تخبرني هلاء كل شوي بسالها ودايما بتقول لا وبتعملها تحتها وقليل ما تخبرني انو بدها الحمام.مع العلم اني ما بضربها لما تعمل عحالها ,عالعكس بتجاهل الامر وبغسللها وكانو ما في شي ولما تطلب الحمام بشجعها وبفرجيها اني مبسوطة منها

يا ريت يا امهات تفيدوني كيف اعالج هالانتكاسة