سؤال مهم ... الفرزدق وينه؟؟؟؟؟؟؟؟؟؟

يا بنات الفرزق يقولون موقف عن الكتابه .... أشفيه ... عمل أيه؟؟؟؟؟؟؟؟

تراه شارك في موضوعي ( ابي واحد جريىء يرد علي حالا)





وقال فيه:
المرأه فتنه للرجل


المرأه مخلوق جميل يعشقه الرجل


يابنات لا تقولون مافيه رجل يخفق قلبه عندما يرى بنت جميله حتى ولو كان

ملتزم ولحيته واصله سره بس يحاول يصد ويتعوذ من الشيطان على شان

ماتفتنه.

المفروض ان البنات يحثون ازواجهم على الزواج عليهم باكثر من واحده

ويتقبلونها بصدر رحب ؟ يعنى شيصير اذا تزوج اربع شنو ينقص منك

ايتها الزوجه بتنقصين رجل والا ايد ؟ ليش حاسدين ازواجكم خلوهم

يستانسون بالدنيا اللى كلها هم وغم وخصوصا ان الله محلل للرجل اربع

انا اطلب من كل عضوه فى هذا المنتدى ان تطلب من زوجها ان يتزوج

عليها وتساعده فى ذلك ولها الاجر عند الله. ؟؟؟؟؟


والله ان شباب الخليج طيبين وما يحبون يعكرون مزاج حريمهم ولا غالبية

الشباب الخليجيين مقتدرين ماديا للزواج من اربع وليس واحده بس صابرين

على شان عيون حريمهم وعلى شان مايجرحون احاسيسهم.



ياليت الحكومه تطلع قانون تجبر الرجل يتزوج اربع



بس آنه ما قدرت أيود قلبي وكتبت له رد على كلامه وقلت فيه:

أما هالفرزدق خلوه علي..................

أولا: سمله على قلبك من الخفقان ... على هالحاله أنتوا كل دقات القلب عندكم سريعه وخصوصا في المجمعات وعند أماكن تجمع الجنس اللطيف..... أرحم نفسك يمكن أيصير فيك شي لا سمح الله بعدين من يرد علينا

ثانيا:

وليش تبي الحريم يحثونكم على الزواج من زوجه ثانيه ...يا أخي أنتوا شفيكم ما تشبعون؟؟؟؟؟؟؟؟؟؟؟ ....هذي قدر المرأه عندكم...يعني اذا كل مره بتتملل منها ... شنو الحل ... على هالحاله كل مره من تتزوج لازم الزوجه تبرز لك زوجه ثانيه (هديه الزواج)... أشرايك؟؟؟؟؟؟ تكلم معانا بمنطق ناس عاقلين مو متهورين...

وأنت قلت شنو ينقص منكم اذا الزوج تزوج وحده ثانيه: انزين ليش يتزوج من وحده دام انه ناوي على غيرها وحاط هالفكره في راسه... آنا اللحين باقولك شنو ينقص المرأه اذا تزج زوجها وحده ثانيه.. بينقصني هذا الحبيب اللي عشت وعملت أشياء وأشياء علشان أرضيه...بينقصني الزوج الحنون... الإنسان اللي أختاريته شريك للعمر وصديق وأخ وحبيب وأم وأب كيف أرضاها وآنه أحس إن هذا الإنسان ملكي وممكن تسرق قلبه ومشاعره انسانه ثانيه... يا أخي نساء الرسول صلى الله عليه وسلم كانت الغيره بينهم لأنها فطرة فطرها الله فينا.... اذا تقدر تستغني عن الوالده أو الوالد الله يخليهم لك ... أحنه بنقدر نستغنى عن هذي الزوج .... لكن أحنه مو حاسدينكم نحسدكم على ايش ... ولا تتطلب من أي عضوه أنها تزوج رجلها لأنك ما بتلقى وحده ترضاها.... وآنه وحده ماأبي الأجر من ورى هالسالفه والله لو أموت ما أسويها .... والأجر احنه بنحصله أنشاء الله من كثر صبرنا عليكم!!!!!!!!!!!!!!!!!!

والله إن الحريم يستاهلون كل الخير منكم بس عاد من اللي يحس ؟؟؟؟؟؟؟؟؟؟؟؟؟


وتبي بعد الحكومه تطلع قرار ها..... وتضحك بعد..... يعني ما تيوز من سوالفك هذي ها .... الله يعطيك زوجه تحبها وتحبك وما تفكر مجرد تفكير أنك تفكر ولو بروحك في وحده غيرها ... والله يهديك

عاد خف شوي يالفرزدق .... ترانه ما نستاهل.....وإذا عندك شي تراني حاضره بارد عليك

اللهم أهدي أزواجنا وثبت قلوبهم على دينك ثم على محبتنا ولا تكتب لهم زوجه ثانيه.... اللهم آمين

(( إذا الزوج فكر في استقرار أولاده وعايلته ما بفكر بغير الحبيبه أم العيال.... وفي النهاية باقولك أن موضوعي هذي ما كنت أقصد من وراه الريال اللي يخز علشان يتزوج... كان قصدي الريال اللي مو ناوي يتزوج بس يقعد يتغزل ولاحقك النسوان على الفاضي لرغبه في نفسه ............ والله يهــــــــــــــــــــــديـــــــــــكم.............آمين


لكن مافي حس أو خبر!!!!!!!! عجيبه ما يرد ... مو من طبعه... أشفيه ... عمل ايه؟؟؟؟؟؟؟؟؟؟؟؟