مشكلتي..........................................

وعليكم السلام والرحمة..

حبيبتي افضل حب هو يجي من المعامله بين الزوجين بالحب والاحترام والحنان..
ممكن بالبدايه ماتحبينه بس مع الوقت اكيد بتحبينه

وخطيبك الاول ليش للحين تحبينه دام تركك وخطب اعز انسانه ع قلبك صديقتك..
يعني هي مسأله انه يبي يقهرك ويجرحك..
اذا مره ماقدرتي تنسيه ادعي بكل صلاه ان ربك يصرف التفكير فيه عنك ويحبب قلبك ف خطيبك الجديد..
بس هذا الي عندي وان شااءالله اني افدتك..

وزي ماقلت لك الحب بيجي من المعامله الحسنه

حبيبتي,,
طلعي خطيبك السابق من مخك وتفكيرك مثل ما طلعتيه من حياتك,,

حرام خطيبك الحالي حنون ويحبك.,, بعد الزواج راح تعرفي معنى الحب الحقيقي,,

التفاهم و المعاملة الطيبة اكبر من الحب .. واجمل,
بالنهاية هذه حياتج تحددين انتي مصيرها :)

انا مع كلام الاخت روووح قلبه


ربي يسعدك وربي مايستاهلك الاول انسيييييه

{ خلاص لاتفكري بشخص تركك وراح لصديقتك القريبة !..~
لان باين كان يريدها من وقت علاقتكم سوا ببعض
ولا ماراح يتركك ويعور قلبك
ياخذ صديقتك

واتركي هالهم وراك

واهتمي بنفسك
علشان تقدري تهتمي بخطيبك
ودامه شخص طيب
وحبوب
وفيه المواصفات الي تحبيها
خلاص

ليش تفكري بشخص ثاني كان من الماضي
مهما بكى ومهما زعل
دام مالكم نصيب ف بعض مافي داعي للتفكير فيه
ولاتنسي ان تركك بالمقام الاول

el 7ob el 7a2i2y beygy be3d el zawag..rabna yetamemlk 3ala khier..tol manty a3da fakary fi momayazat khatebk..

حبيبتي .. اللي باعك بيعيه ولا تهتمي له ..!!

كيف رخصتي عليه يتركك بالسهولة هذي ويروح لأقرب صديقة لك ؟..!!!

والحين تقولين .. أحبـّـه وما أدري إيش ؟.!!!

بالعكس .. طلعيـه من مخك مثل ما طلعتيه من حياتك ... !!

ولا تحطي في بالك أن الحياة الزوجيـة كلها حب في حب ..!!

بالعكس .. الحب الحقيقي في الحياة الزوجيـة ما يجي الا بعد المعاشرة بالحسنى والاحترام والثقه ..... !!!

توكلي على الله .. وتزوجي خطيبك الثاني .. وعيشي حياتك بسعادة و راحة بال .. وخطيبك الأول أنسيه .. لأن باين عليه أنه شخص متسرع باتخاذ القرارات .. أيش يضمن لك بكرى اذا تزوجتيه وتزاعلتوا ما يتركك بسهولة ويرجع لصديقتك ؟؟؟...!!!

حبيبتي .. فكري بعقلك قبل قلبك ..

ومادام أنك صليتي استخارة وانخطبتي للثاني .. كمـّـلي معاه .. لأن الخيرة فيما اختاره الله ..


:)

اختي الغاليه

دام عندج اللي يحبج ويعزج ليييييييييييييييييش تفركي بواااحد نذل خانج ؟!!!!

صدقيني مع الايااام راح تحبينه وانسي خطيبج الاولاني

حبيبتي اول شي نعرففف قصص كثيره عن الي فسخو الخطبه ورجعو لكن شلون ومع من مع اقرب الناس لا والف لا

ماتردين له لو شنو يثير ترى تخلى عنج مرة والله وصدقينييييي يسويها مرة ثانيه

انا اقولج لا تردين له 100%

وبالكفه الثانيه من الميزان عندج خطيب الحين وطيب وحنون وصدقيني تعيشين مع شخص يحبج بتحبينه بلاخر والا تعيشين مهمومة طول عمرج

انا اقول داااااااايم طلبي من الله التوفيق وتراج صدقيني سويتي الشي الصح لا تردين عنه

بليز حبيبتي لا تردين وخلج وضعج وتفكيرج صح ميه بالميه

لو استمريتي على حالك ..
خطيبك ممكن يوصله إحساس من خلال تصرفاتك إنه مو الشخص المناسب ..
وفجأة .. راح يقرر الإنفصال ..
لأن مافي رجل محترم ..يقبل يكمل حياته مع امرأة ماقدر يملي عينها وقلبها !!
وحتندمي على خسارتك فيه عدد شعر راسك ..
وبتعرفي وقتها إنك ضيعتي فرصة عمرك الحقيقية..
وبتعرفي معنى الحسرة بجد ..
بسبب طيشك وعدم أخذك للأمور بالعقل ..
وصرتي تلاحقي بخيالاتك قصة حب فاشلة قديمة مع إنسان ماكان يستحقك من الأساس ..
يعني باختصار .. حتضيعي من يدك رجل لايمكن يتكرر ..
بواحد مايستاهل حتى تفتكري أيامك معاه ..

يا أختي .. البنت يوم ماتتزوج ..
تحتاج رجل يحترمها ويقدّرها وعنده إحساس بالمسؤولية ..
إذا مادخلت بيت رجل يحترمها .. تقضي عمرها كله في عذاب ونار ..
الإحترام يعني الأمان ..
أبشع إحساس تعيشه المرأة هو إنعدام الأمان ..
الإحترام قبل الحب .. وفوق أي إعتبار ..
و هو أهم شي تستند عليه كل العلاقات الناجحة في الدنيا ..
بلاش تخسري رجل يحترمك
عشانك ماحاولتي تنسي واحد ماعرف في حياته معنى الإحترام لذاته قبل مايكون للغير ..
فكري بعقلك .. وخليكي مع خطيبك ..
وحاولي تستوعبي إن الزواج عشان ينجح ..
محتاج زوجين يحترموا بعض وعندهم مسؤولية ..
بكذا ينشأ أساس الحياة السعيدة ..
وتجي المودة والرحمة والحب الكبير اللي يمتد لآخر العُمر ..

إنسي الأول .. وإحمدي ربك إن سوء الفهم حصل قبل ماتتزوجوا ..
تركه لك ببساطة وارتباطه بصديقتك ..
دليل على إنه رجل لئيم ولايؤمن جانبه ..
مو واضح من كلامك متى حاول يرجع لك ..
بس لو كانت محاولاته للرجوع وإنتي مخطوبة وهو عارف إنك مخطوبة ..
ساعتها أقولك إنه رجل حقير بمعنى الكلمة ..
واللي سواه يخليكي تقرفي منه وتكرهيه ..
وتتمسكي بخطيبك وتحطيه جوة عيونك وتحبيه بكل مافيكي ..

انسي خطيبك الاولاني لأنه مبين عليه متقلب وفلبه زي الفندق كل شويه يميل لوحده بطلي منو ....خليكي مع هادا ادعي ربنا داااااااااااااااااااااااااايما وقوليله واطلبيه انه يحببك في خطيبك ويقنعك فيه ويسخرلك ليه وابعدي الشيطان عنك هوا اللي يخليكي تفكري بالاولاني وبصراحه مهما بكي مايستاهل

مع كلام الاخوات اللي باعك بيعيه واحمدي الله انه جاكي واحد ومثل ماتقولي وان شاء الله ربي يسعدك ويهنيكي وشيلي الاول من باللك والله يكتبلك اللي فيه الخير

اقول لاتلتفتين لوراج لانه راح ومات والميت مايرجع
الف مبرووووووووووووووووووووووووووك وبشرينا بعرسج قريب

ع فكره اللوم مو ع خطيبك ع صاحبتك الي كانت قريبه منك وخانتك
وان شاءالله الله ييسر لك كل امورك

الغالية أنتي مقتنعة من داخلك انه ما يستاهلك وهو بالفعل كذلك لانه اللي باعك بيعيه ولا تفكري تخاويه في يوم من الايام لانه اذا سامحتيه اح يبيعك ثاني وثالث وهو متعدود بيرجع وراح تسامحيه .... حبيبتي خطيبك الحالي بصراحة شاريك والحمدالله دامه خطبك وانتي كنت مخطوبه لشخص ثاني وبوجه العموم الرجل ما يحب يخطب وحدة كانت مخطوبه لانها كانت مع رجل غيرة ولكن راح يتجاوز عن هذا الموضوع اذا كان يحبك فباين عليه انه يحبك لان البنات كثير يا كثرهن بس معنى انه اختارك انتي فهذا شيء يقدر بثمن فلا تخلينه عشان حثالة بصراحة ....

ربي يحفظج ودائما تذكري عسى ان تكرهوا شيءا وهو خير لكم .... وربي يوفقك حبيبتي صلي بالليل في الثلث الاخير من الليل وقولي يا رب طهر قلبي من حبه يارب احفظني واعني على خذل الشيطان ودحره .... ردديها عند السجود ولمدة وفي القيام وشوفي النتيجة ... واحكمي انتي بنفسك ....

العتب

من باعك بيعه
ومن شراك قدم له روحك ..
غلاتي ياليت ماتفكري بالماضي

وخطيبك السابق اعتبريه ورقة ومزقتيها من التقويم ثم رمتيها بالقمامة ..

انظري الى خطيبك الحالي

وفكري كي تسعديه وتحبيه ..

وليس الحب شرطا لآي زواج
الاحترام والتفاهم والطيبة من اسااسيات الزواج الناجح..

والحب يأتي فيما بعد يالغلا

تمنياتي لكي بالسعادة

ودعواتك لي بان الله يرزقني بزوج صالح عاجلا غير أجل

موفقة بتنسيه مع الأيام ...

الله ييسرلك أمورك .....,