عزيزتي حواء : كيف تفضلين شريك حياتك ؟؟؟

السلام عليكم اختي Ghala

موضوع حلو الصراحة .. تسلمين على الموضوع ..

أنا عن نفســي كنت أفضل لو يكون شريك حياتي أكبر مني بعشر سنين .. ( بس طاح الفاس في الراس ) وارتبطت بانسان أكبر عني بسنه فقط .. بس الحمدلله مرتاحـه ..

مش مهم شو هيه وظيفة الريال .. بس المهم انه يكون انسان عامل .. يـكـّـد على عمــره ومش انسان كسول ..

وبشكل عام انا احس انه اهم شي يكون فيه تفاهم وحترام متبادل بين الزوجيـن لانه بالطبع وجودهم ( الاحترام والتفاهم )بيؤدي إلى الحب والاستقرار .. وبالتالي حياة مريحـة ..

هذا راينا والسموحــة على الطـالة ..

ميـــّـاســـه (u)

تسلمين أختي مياسة على الرد الحلو .. والله يتمم عليك السعادة يا رب ..
ننتظر المزيد من الردود .....
11 بنت دخلت ولا رد إلا واحدة بس ... الله يسامحكم وانا كنت متعشمة :(:(:(

كنت أتمنـــــــــى :

ان ارتبط بشـــاب أكبر مني على الأقل بثلاث سنين , مو مهم من عائلتي أو لا ,,

فالأهم يكون ذو أخلاق ومن عائلة طيبة

عمله ومستواه الاقتصادي غير مهم , فالأهم اجتهاده وطموحه

يكون بيننا قبول وتفاهم , محاور جيد

وكذلك لا يمنعنني من مواصلة دراستي ------> تراها مهمة كثيير

والذي صـــــار :

على وشك الارتبـــــاط بشـــــاب أكبر مني بأربع سنين ( ما فرقت سنة يعني )

ومن عائلتــــــــي !!!!!!!

شاب أخلاقه طيبة وطمووووووووووووووح جدا جدا

الله يعين

يعمل إلى جانب مواصلة دراسته العليا ------> يعني ما عنده مانع لأجل دراستي

رزين , وبار لوالديه

والحمد لله

قلب المسافر شكرا حبيبتي على الرد ...
والله يهنيك ويسعدك مع شريك العمر ...
بنات ،،،،،،،وين باقي الردود :(:(

اوووووف موضوع فلللله

انا اتمنى انو يكون شريك حياتي اكبر مني
بعشر سنوات( احسه يكون عاقل وناضج ومتفهم)
والاهم من كذا انو يكون جامعي لاني ما ابي اتزوج
واحد اقل مني تعليم وبالنسبة للشكل عادي ما ابيه وسيييم
المهم يكون رجل مثل ما يقولون شخصيييييه

طيب شي حلو
انا اتمنا يكون اكبر منى على الاقل 4 سنوات
وموظف طبعا بس ياليت يكون طبيب او طيار او مهندس انا اقول ياليت اهئ اهئ.
وطبعا سكن مستقل لوحدنا.
وابيه يكون طويل يعنى من 180 وفوق ياليت . وابيض وجذاب
و من احب عن نفسي زواج الاقارب ومااقبل فية.
يعنى ممكن يكون من الجماعة ايه بس الاقارب الاقارب لا محال.
ومهم عندى يكون بنفس المنطقة مو بعيد عن مدينتى واهلى وناسي بس بس هذي احلامي.
ايش رايكم؟؟؟

ان شاء الله يا رب اييني

بس أهم شيء انه يقدر الحياة الزوجية و يحبني مثل ما أنا أحبه

و يكون بينا تفاهم مشترك

المهم انه يشتغل و عادي لو يسكني مع أهله لين الله يعطيه أرض و أقعد معاه بروحي

و أحب انه يكون من خارج العائلة عشان تكبر عائلتنا

ان شاء الله قريب

كنت أتمنى يكون ( طبعا ً قبل ) متفهم وعصامي ومايخليني أترك دراستي وشغلي ويكون متعلم وجامعي وفنان والتفاهم يكون بيناااا وعملي و دارس ويحبني ويشتغل يعني عنده وظيفه ويكون مقبول الشكل أو وسيم عااادي يعني عندي وعلى خلق ودين ولونه حنطي وطوووووويل موب من عيلتي خوفاً من الأمراض الوراثيه وأعيش في شقه لحالي موعيب أسكن في البدايه مع أهله بس لازم بعدين بشقه لحالنا

كل اللي تمنيته طلع به الحمد لله به بس الله يستر بعدين ههههه

ههههههه طلع أقصر مني بـ 7 سم ههههههه
لكن أقووول الحمد لله على كل حال
وطلع أكبر مني بـ 3 سنوات وأحلى مني وأبيضاني بس والله مافي مثله أخلاق واعي جدا وجامعي والحمدلله أتمنى أنه يحصل له وظيفه لأنه متخرج وليما اللحين وظيفه ماحصل عليها أدعواااااا له أنشاء الله يحصل على وظيفه زينه ولكل اللي ماعندهم وظايف يااااااااااااا رب

والله لايفرق بين كل أثنين يسلمووووووو

أمــــــيــــــــن

[السلام] السلام عليكم ورحمة الله وبركاته[/السلام]

أنا أتمني يكون زوجي أكبر مني بعشر سنوات عشان أدلع عليه على راحتي ....
ويكون قلبه طيب وحنون ويحب العيال حيل .....أتمني يكون طويل 180 يعني و شوي معضل (مش وايد عشان ما يكسرني) ها ها ها ها :) و عادي عندي أعيش معاه وين ما يبي الأسمراني بو عيون عسليه وكحيله.... و أريده يكون طيار مثل أبويه.... و بس

انا اغلب للي اتمنيته صار لي مثلا انه يكون اكبر مني على الاقل 5 سنين وزوجي اكبر مني ب6 سنين وانه يكون من بره العايلة وهو فعلا من بره العايلة وانه يكون متدين والحمدلله زوجي متدين واخر شي لاني احب الكمبيوتر الله عطاني مهندس كمبيوتر

حلوووووووووووووووو موضوعك..
انا عن نفسي اتمنى يكون....
مقارب لي بالعمر.............جامعي او اكثر...................مملوح............
مو مهم عندي يكون من العائله او لا..................
حبوووب...............طيب..............خفيف دم...............
اطول مني طبعا......................يحب الشيكولاته مثلي ....
امممممممممممممم... والله اشياء واجد لو علي ,,,ودي اروح لمصنع وافصل لي رجل بكل المواصفات,,,,:)
ب ماباليد حيله.............
اللي يجي من الله حياااااااااااااااه الله
يالله بالتوفيق,,,, والاستقرار والتفاهم والحبببببببببب....اهم شيء...
سلام والله يوفق الكل

انا الحمدلله الله عطاني اللي اباه ..
الانسان اللي اباه وكنت اتمناه هو زوجي الغالي ..
كنت اتمنى طيبه قلبه وحبه والحمدلله على كل حال
الله يسعد الجميع يااااااااااااارب

مشكورين على مروركم يا بنات ..

بعد مرور تقريبا سنتين عالموضوع ..

ليلحين ما تزوجت ...

شاركونا بنات بآراءكم..

شكرا Ghala على موضوعج
وبالنسبه لي
اتمنى يكون اكبر مني بعشر سنوات وطبعا اكبر مني بعشر سنوات لانه اكيد بيكون عاقل ومتفهم ويقدرني
وافضل انه مايكون من نفس العائله
والمهم مثل ماقلت لكم انه يكون متفهم وعاقل يعني ماعنده سوالف منيه مناك واكون انا اول واخر اهتماماته بعد اهله طبعا لان اللي مافيه خير لهله مافيه خير لحد


وانتي اختي Ghala
ماقلتيلنااا شنوو المواصفات اللي تتمنينهاا

وشكراااا

خطيبي اصغر عني بسنه والحمدلله عقله ورزانته خلتني انسى موضوع السن مغ اني كنت من الناس اللي يهتمون بالسن وايد بس النصيب سبحان الله ........ والحمدلله وايد مستانسه وياه وفاهم وواعي ومثقف وكل شي فيه حلو احلى شي انه طويل لأنه انا غرامي الريال الطويل طوله ماشالله 183 ووسيم يعني مثل ماتمنيه بغض النظر عن السن كامل والكامل الله ......... حتى موضوع السن صار مايعني لي اي شي و نصيحه يا بنات لتهتمون بأمور تافه في الزواج حاولوا تختارون الانسان اللي صدق يقدر المسوؤليه واللي يعتمد عليه في الحياه

قبل خطبني واحد اكبر عني بثلاث سنين بس ماصار نصيب وكان "ولد امه" يعني ماله شخصيه ابدا والحمدلله الله عوضني بواحد في نظري "شيخ الرياييل" .... الله يتمم كل شي على خير انشالله وبعزمكم على الفرح

هلا وغلا أخت غلا من جديد

لم أنتبه في البداية أن الموضوع له سنتين تقريبا

أعتقد أن لكل فتاة مواصفات تتمناها في فتى الأحلام الذي تتمنى أن ترتبط به

لكن باعتقادي الشخصي أن أهم المقاييس اللي المفروض الواحدة تضعها فيه أن يكون على خلق ودين

تمنينا فارق العمر .. والشكل والطول والعرض .. ثم جاء ابن الحلال بمواصفات مختلفة تماما عما تمنينا .. لكنه على خلق ودين

فهل نرفضه؟؟

لكن تبقى هناك مواصفات بالنسبة لأخوات لا يمكن التنازل عنها .. أن يكون مثلا من نفس البلد هذا شرط مهم عند أخوات لكنه قد لا يكون سببا للرفض عند الأخريات

نتمنى للجميع التوفيق وأن تضع الفتاة شروطا مقبولة حتى لا تتعارض مواصفاتها مع شريك العمر الحقيقي

انا متزوجه


خا ا ا ا لصه


بس حبيت اقرا الموضوع والردووود

السلام عليكم ورحمة الله وبركاته

كنت أفضل شريك حياتي أول حاجه أكبر مني بأكثر من خمس سنين وثاني حاجه أبغاه طويـــــــــــــــــــــــــــــــــــــــــــــل
ما تتخيلوا كيف أبغاه طويل... وكنت أبغاه أسمر..... وكنت أبغى عنده أهل حبوبين لأن عيلة أمي وأبوي أبدا مش حلوين...
كنت أبغاه مدرس (أمنيه) وكنت أبغاه هادئ وحبوب مره بس إيش أسوي لما يجي النصيب على أشياء أغلبها مختلفه بس الحمد لله رب العالمين.....

ولو أحمد ربي من اليوم إلى مالا نهايه لن أوفي...

إللي أخذته (حبيب قلبي وفلذة فؤادي) أكبر مني ب 8 سنين قلنا حلو وتمام.... طلع أطول مني ب 10 سم وأنا طولي 156 وهو طوله 166 وانقهرت كنت أبغاه أطول بس الحمد لله رب العالمين... طلع أبيض ووسيم وجميل وأنا ما أبغى كذا بس هذا اللي حصلته قلت الحمد لله... عيلتهم مره حلوه وحبوبه وأنا عجبتني هذي الصفه خصوصا تجمعاتهم تكون حلوه وانا في عيلتي ما فيه تجمعات أبدا فاستانست مره بس طلعوا ملاقيف شوي في أشياء وااااااجد يتدخلوا... بس يالله إن شاء الله يوم يعتدلوا من هذي الصفه الشينه.... كنت أبغاه مدرس طلع مهندس كمبيوتر قلنا حلو وتمام مش اللي نتمناه بس الحمد لله....

قلنا أخيرا نبغاه هادئ وحبوب طلع حبوب وعصبي إذا عصب فيني ما أحبه أبدا.... وأحقد عليه فتره وبعدين أرجع إلى صوابي وأقول هذا حبيب قلبي....


وبس

مع أنها خلاص راحت علي

بس تمنيت أكبر عني بعشر سنوات طلع الفرق 3 سنوات

والعمل بعده يدرس

وولد ناس من أهلي بس تمنيت أخذ واحد من برى العايلة ..

ووسيم

بس اللي ما حصلته كنت أبي واحد شخصيته أقوى مني

لأني مصرقعه وأتهاوش بسرعة عاد هو الله يعينه ..