قصة ولادتي بالغاليه داليا....

بسم الله الرحمن الرحيم ...
اليوم بقولكم قصة ولادتي ..بما اني بكر اول حمل لي طبعا انا حاسبه ولادتي بتكون في5\3وولدت الحمدلله في.3\3
طبعا يوم الاحد كنت عند اهلي حسيت بتعب والآم خفيفه واتصلت على زوجي يجي ياخذني ربع ساعه الا وهو عندي المهم انا ماحسست امي انو فيني شي لان انا طبعي كذا من يوم وانا صغيره حتى لو الام الدوره اسكت مااقولها من النوع الخجول عكس اختي جريئه...نكمل رجعت البيت وصلت الساعه9الليل غيرت ملابسي والبس ملابس خفيفه تبرد علي لاني كنت احس بتعب اسفل بطني واحس صدري ثقيل وحرانه جلست فالصاله وجا زوجي عندي واستغرب يوم شافني قالي وش فيك
قلتله اني تعبانه شوي قال اوديك المستشفى قلت لا ماله داعي:(طلبلي عشا واتعششى شوي ورحت امشي وامشي تقريبا نص ساعه بالكثير وتعبت من المشي وارجع البيت :'(والآآآلآم بدت تجي ورى بعض وانا احسب رجعت البيت الساعه 11 اخذت دش دافي ونمت لاني حييل تعبانه
طبعا زوجي كان تحت عند اهله الساعه12قمت من النوم رحت الله يعزكم الحمام ورجعت ابي انام موقادره من الالم وكنت اتالم واهات بس على خفيف وحسيت اني مااعاد اقدر وزرجي اصر انه يوديني ورحت المستشفى دخلت عالطواري ودخلوني عالدكتوره على طول ودخلت زوجي معاي لاني اخاف .....
وقلت للدكتوره باللي صارمعاي سالتني نزل معاي مويه قلت لا قالت خليني افحصك يمكن مفتوحه
وقالتلي اشيل ملابسي طبعا استحيت وبنفس الوقت خفت خليت زوجي يجي عندي اخذت شرشف وغطتني من صدري وبطني سوتلي سونار وبعدين قالت بفحصك من تحت بمجرد مافتحت رجلي ودخلت يدها انا مسكت ايد زوجي واضغط عليها وانا اهات لاني سراحه حسيت فيهاوهي تدخلهاواقولها دكتوره عورتيني وشوي وطلعت يدها وقالت 2سم ....قالت الحين روحي البيت وعطتني نصايح وقالت اهم شي حطي تحتها خطين احمرالجماااع وصلت البيت تقريبا الساعه1ونص وصار جماع جت الساعه 5 واحس نازل علي شي واروح الحمام الله يعزكم واشوف مويه وقومت زوجي يصلي ولاقلت له شي وارجع انام وانا حاسه بالم وكل شوي رايحه الحمام وجت الساعه 7 الااقوم من الالم وينزل علي شوية دم وخفت ورحت المستشفى وقالت 5سم على طوول ولاده واخل غرفة الولاده ورفعو رجلي وكان زوجي حبيبي عندي وكانت الدكتوره قدامي وتقولي سوي بوش وانا ادفع باقوى ماعندي واسوي بوش ثاني وثالث وطلعت بنتي نور عيني حطوها في حظني
والحمدلله بكذا ولدت ادعولي وبنتي بالصلاح والهدايه....